دفتر مطبخي ركن خاص لمستمعي اسرار مطبخ دليلة** ملتقى حراير الجلفة **

[mimicha1977]

المشاركة الأصلية كتبت بواسطة الصوامعية

السلام عليكم جميعا
صدقيني عزيزتي ميميشة اليوم دخلت لموضوعك باه نشكرك على المجهود لبذلتيه لتطوير هذا الدفتر كنا كي ندخلو نحوسو على أي وصفة نبذلو مجهود وحنا نحوسو ولكن الأن تغير الأمر لسهولة التصفح وكل الوصفات موجودة في الصفحة الأولى ما شاء الله الله يبارك جعل الله كل ما قمتي به في ميزان حسناتك عزيزتي دائما متميزة وفي القمة تقبلي مني هذه الأزهار مع قبلة يا أعز ميميشة

[IMG][/IMG]

[IMG][/IMG]

[IMG][/IMG]

اهلا بالغالية و مميزة وعزيزة على قلبى الصوامعية الدفتر نور بيك حبيبتىا
ان شاء الله تجدي كل جديد ومميز هنا
تستاهلي كل خير ا يسر الله أمورك غاليتى منوراني دائما

[ميرثا]

يعطيك الصحة اختي ميميشة
وربي يجازيك على الدفتر دعواتي القلبية لك

[mimicha1977]

المشاركة الأصلية كتبت بواسطة نصيرة أمي الحبيبة

قد متصفحت دفترك معيتش راجلي قالي واش مكانش حاجة اخرى ديما دفتر ميميشة ولا كي يعيطلي في تيليفون يقولي واش كاش ميميشة
و الله يعطيك الصحة منحبش نشوف الوصفة من كاي ديالي نحب نجي نقراها ديراكت نحس كلي راكي تمليها عليا
عموما شكراااااااااااا بزاف ليك شرفتينا

المهم انا نحب لي كيش و نموت عليهم بصح العجينة الموارقة متصلحش معايا منكدبش عليك كانت ماما الله يرحنها ديرها هايلة
انا درك مسدقتش معايا
شوفي عندي 250غ زبدة التوريق
قوليلي كيفاش ندير انا نظن الغلطة الي نديرها في عملية الطي مدبيك تشرحيلي تفصيل ممل باش نجربها اليوم ان شاء الله
شكراااا مسبقا

اهلا اهلا نصيرة أمي الحبيبة الف شكر على كلامك والله اخجلتني بارك الله فيك نتمنى تكوني استفدتي من دفتر ربي يحفظك عزيزتي مرة أخرى شكرا



300غ فرينة+رشة ملح +50غ زبدة ذائبة او 2 مغارف زيت ولميها بالماء تولي طرية
للتوريق200غ زبدة التوريق واتبعوا نفس مراحل التحضير
لراح نحطها

[mimicha1977]

عجينة مورقة

1كلغ فرينة .100غ زبدة عادية مقطعة قطع او كاس شاي زيت .15غ ملح. ملعقة خل .نصف لتر ماء.750غ زبدة التوريق
الطريقة
خلطي فرينة +100غ زبدة عادية مقطعة قطع او كاس شاي زيت +15غ ملح+ ملعقة خل اخدمها لميها بالماء حتى تتماسك و تكون طرية (لانه عند راش فرينة فى مابعد تخليها يابسة)
كورها و شقيها بالسكين على شكل+ اتركها ترتاح 15د
خذي زبدة توريق وتكون فى درجة حرارة مطبخ رشي طاوله بالفرينه
حلى عجينة على شكل مربع وضعى زبدة مقطعتها مربعات او طريقه اخرى خذي 2بلاستيك (نيلو) ضعي بينهم زبدة حلهابالحلال اصغر حجما من عجينه ضعها فوق عجينه اغلقه على شكل رسالة فى بداية اخبطيها بوسطة الحلال حتى تمشي زبدة .بعدها حلها على شكل مستطيل بالطول تم تطوى على بعضها على 3 طيات تم تقلب و تفرد نكرر عملية الطي 4 مرات أخرى وفي كل مرة نخليها ترتاح في الثلاجة 15د في الصيف
وفي الشتاء فى غرفة

اخيرة غلفيها بورق شفاف وحطيها ترتاح فى الثلاجة
نصائح
*اهم شي لنجاح عجينة مورقة هي مرحلة الاولى يعنى حاولى متخليش زبدة تخرج من عجين
* فى بدية الطي اخبطي عجينة بالحلال حتى نساعد زبدة حتى تمشي مع عجين
*نزع فرينه زائدة بالفرشاة من على عجينة حتى فى مابعد تعطينا توريق افضل
*يمكن الاحتفاظ بها فى مجمد بعد ان تقسمها الى 3اقسام والذي تريدين احتفاظ به ضعية فى بلاستيك فى مجمد
*كيلو فرينة يعطيك 2كيلوعجينة مورقة

[mimicha1977]

او ممكن تعمليها بطريقة اسرع وهنا تسمى دورة مزدوجه

مباشرة بعد ماتحليها



اطويها وديري دورة مزدوجة وهذي الدورة المزدوجة تجيبي الجهتين في زوج للوسط



من يمين تم يسار تزيدي تطويها فى وسط



وتحلي وتعاودي دورة مزدوجة بحيث ديري 4 دورات مزدوجة بلا ما تخلي العجينة ترتاح بين الطبقات يعني تحلي وتطوي حتى تكملي الدورة 4 ولا تحبي ديري 5 دورات عادية ولزم نخليها ترتاح بين الطبقات وهكذا تتحصلي على عجينة مورقة رائعة تستعمليها في كل شيء المملحات او الحلويات

[mimicha1977]

ارق تحية و أحلى كلام واطيب اماني وازكى سلام لكل من نور دفتري.




اطباق دليله ليوم الاثنين 27 فيفري2012


:
:مربى الليمون


:اعادة لوصفة حساء كرفات


:مطلوع سميد ارطب







مطلوع سميد رطب

هذا مطلوع سريع و مايطلبش دلك

المقادير

كيلو سميد ارطب
ملح
فنجان خميرة
ماء دافى

الطريقة

خلطي سميد+ملح+خميرة اذا رقيقة ارميها مباشرة اذا خشينه
حلليها فى شوي ماء وضفى الماء حتى تصبح عجينة مطلوقة
غطها ترتاح 30د بدون ماتدلكها غطها تخمر
بعدها كسرها وادلكها شوي

اعملى قرصات قرصها فوق طرشونه غطها تخمر سخنى طاجين
وطيبها على جهتين و حوشها

[Sabrina ALG]

ميمشة شكرااااااااااااااااااااااااااااااااااااااااااااا

[نصيرة أمي الحبيبة]

ربي يخليك و يحفظك ان شاء الله ويعطيك متتمني

[فتـ حييةـاة]

شميشة منتديات الجلفة يعيطك الصحة راكي ماشاء الله فووووووووووووووووور:19:

[سامية الجزائر]

يعطيك الصحة على هذا الموضوع الرائع

[liliane24]

بارك الله أختي ميميشة، وجزاك الجنة إنشاء الله على هذا المجهود اللي تبذليه من أجل الأخوات.

أختي عيشك راني حابة نطلب منك طلب، من فضلك أختي ميميشة إذا تقدري تحطي لي وصفة مربى الليمون اللي دارته السيدة دليلة هذا الاثنين،
بديت نسمع فيها ثم رن الهاتف، بالتالي ماكملتهاش، إذا كنت سمعتيها من فضلك أكرمينا بها إذا ما كانش في إزعاج.

[afaf09]

شكرا لك و ربنا يجعلو في ميزان حسناتك

[yakout01]

salut mimicha je vous aime beaucoup du fond du coeur merci pour tout

[محمد حمزة8]

اريد كيفية صنع القطايف باللمبوت في الدار شكرا مسبقا

[ميرثا]

السلام عليكم اختي ميميشة اني جربت ليوم شوربة لبواكسي
جات قمة فالروعة تعشينا بيها
فلول قالولي واش هدا بوخضرون وكداقوها عجبتهم بزااااف
ربي يعطيك ماتتمناي حنونة