// ** - كيف تنادي زوجتك؟ ** كيف تنادين زوجك؟ - ** //

[imanaz]

انا نعيطلو بطبوط هاهاهاها

[manchester2016]

ما يلفظ من قول إلا لديه رقيب عتيد

[سميرة10]

السلام عليكم
اناديه باسمه وهو يناديني باسمي حتى والده ينادي زوجته لي هي حماتي باسمها
لكن ابي رحمه الله لم اسمعه يوما ينادي امي باسمها لا ادري ما السبب على الرغم من اننا من عائلة متعلمة ابا عن جد

[Seif Gentle Boy]

أناديها باسمها

[salam algeria]

السلام عليكم
ضحكني الموضوع
نبدا ببابا و ماما كي كنت صغيرة كان يعيطلها باسمي انا و من بعد رجع يستعمل يا مرا المعلمة الست هانم هههههه و هي تقولو الراجل باباكم و لا تهدر مباشرة يمكن المرات لي سمعتهم يناديو بعض فيها تتحسب على الاصابع و هاذ المرات الصح لاني مش متعودة حسيتهم و كانهم قالو حاجة عيب
و حتى حنا الاولاد كنا كي نغضبو منهم نقولو هذاك الراجل و هذيك المرا بدل بابا و ماما ربي يغفرلنا
و درك مع راجلي نعيطو بالأسماء عادي و بعض الكلمات الخاصة و مرات يعيطلي مدام حتى رجعو اولادي يعيطولي مدام و نستعمل الشيخ و الشايب في بعض الأحيان مع انو مالحقش ٣٥ سنة باش نضحك عليه

[أم رقية نسرين]

[quote=أســــــتغفر الله;3994359293]ههههههههه في حياتي لم أسمع أبي ينادي أمي باسمها أو لعكس و لا أظن أنه سيأتي ذلك اليوم إلا إذا حدثت معجزة ههههههههههه
يقول قول لماماك و هي قالك باباك و مينداك يقولها يامادام[/quote



ههههههههههههههههههههه


والله صح هذي الحقيقة في مجتمعنا

[alhor72]

لست أدري لماذا هذا القيد الذي يمنعنا من مناداة الزوجة باسمها رغم علمنا بخطئه أظن أنه موروث اجتماعي ورثناه عن الأبوين فأنا أناديها اسمعي ههههه

[bil-0-2-3-0-]

انا اظن انه يكون بعض الاحراج لو تم المناداة بكلمات حميمية امام الناس او العائلة يعني يمكن التخلي عن الكلمات العاطفية الى ان يكونا بمفردهما
شكرا

[الشكورة]

شكرا على الموضوع بالنسبة لي ان وزوجي كل واحد ينادي الاخر باسمه

[nana47]

السلام عليكم

و الله ان الحواجز التي يضعها الجزائري لعواطفه و بدون اسباب تثير كل العقول المفكرة و المشكل انهم مش رايحين يفهمو والو
اانا مازال ماتزوجتش بصح لوكان يقولولي ديري كيما راهم الاجيال السابقة نفضل ما نتزوجش
على العموم اسمعو للابداع الي عندنا في الدار
امي تعيط لابي باسمو و منين كبر تقولو الشيباني :d الي ما تجبوش طووووووول و امي تقولهالو باه تغيضو برك و مرات تعيطلو يا راجل و ياو اسمع ما شكيتش كاين بيت جزائري ما يستعملهاش
اما ابي فابداعو يفوق الحدود ما يعيطش لامي باسمها الا اذا كان يهدر في التيليفون و اسحقها نحسها تزلقلو
اما في اغلب الاحيان كي يحتاجها يبيبيلها ولا يصفرلها و طبعا ما تردش عليه حتان يجي و يقولها ياو ارواحي نسحقك
يعني كيفاش يعيط الواحد لزوجته او كيفاه تعيط الواحدة لزوجها في رايي تلعب دور في خلق جو حميمي بين الزوجين
ادام الله الود بين ازواج المسلمين يا رب

[*سيرين نور عيني *]

اممم انا نعيطلو كل مرة كيفاه و هو تان
لوكان يقولي يا مرا ولا اسمعي ندوخ
و بابا يعيط ل ماما باسمها و هي تقولو الشيخ

[♥سهام♥]

اااااااااااااااااي

[Dr.NaJi]

السلام

انااا بابا ينادي لماما باسمها او لمعلما
وماما تقولو شيخي ولا راجلي وسعات تناديلو باسمو

[selma ahmed]

ابي ينادي امي " اسمعي""""" وماما تقلو احمد باسمو
انا راجلي نهار اخر نعيطلو كيما تع باب الحارة تئبر ئلبي ابن عمي وهو رح يقلي تئبريني ينت عمي مع انو حلم

مهوش فالجزائر الحبيبة هاد الشي

[oumdjawed]

والله موضوع مثير انا مثلا انادي زوجي بدلع لكنه يناديني باسمي وحسب معرفتي هذا ناتج عن الخلفيه التي اخذها عن المعاملة بين والديه كثير من الازواج لا يعلمون ان لهذا اثر بالغ على السعادة الزوجية وهي التي تخلق الجو الدافئ بينهما ولها اثر بالغ على الاطفال