[b]كل ما يخص أمناء ضبط -وهران- من استلام الاستدعاءات الى ظهور النتائج[/b]

[" المثابرة المتأملة "]

المشاركة الأصلية كتبت بواسطة شكيب عمار

أما النتائج فانساها ولا تحرق قلبك، أمور بيد الله الآن ، فلا شيء رسمي وتبقى القلوب مقبوضة حتى تخرج النتائج سياسات مريرة ، أنا دفعت ملف في مسابقة عون إدارة رئيسي منذ 27 فيفري ولم يأتي الإستدعاء إلى حين كتابة هذه السطور وكل ما أسأل يقول سوف نرسل لكم الإستدعاء !!!!!!!!!!!! وهو منصب واحد فلماذا يتلاعبون بعواطف الآخرين ويضغطون على أعصابهم، أم لأنه هو ضامن شهرية كل آخر شهر !!!!!!!!!!!!!!!! وأنت تجري وراء المسابقات هنا وهناك !!!!!!!!!!!!!!!!! وقد اهترأت رجليك وفلست من كثرة النسخ التي يطلبونها ، ناهيك عن الوثائق ، كداس ..... وووووو.... الخ

ولما تجي تعمل مسابقة ينفخ ريشو عليك كأن الإدارة رزق أهله

فحسبنا الله ونعم الوكيل في كثير من [عمّال الإدارة!!!!!!!!!!!!!!!] الجزائرية

هؤلاء الذين يتباهون بشهادات ليسوا بأهلها ، حقيق بهم أن يقال متخلفون عقليا ضرب الحظ معهم بطريقة أو أخرى فدخلوا في مناصب مرسمة في الدولة

تذكر دائما أن اللي كاتبهالك الله تلحقها

[mimi.lionne]

السلام عليكم
كيف كانت المقابلة يا أخت فريال

[" المثابرة المتأملة "]

سلام اختي
المقابلة كانت 4 أسئلة جاوبت نص نص و الله اعلم
و انت شعال من سؤال مدولك

[mimi.lionne]

أنا اعطاولي سؤالين فقط في التخصص
كما انني لم الاحظ الحاسوب

[" المثابرة المتأملة "]

المشاركة الأصلية كتبت بواسطة mimi.lionne

أنا اعطاولي سؤالين فقط في التخصص
كما انني لم الاحظ الحاسوب

راكي متاكدة ؟؟؟
فوتي في مكتب الامين العام؟ فيه 3 اشخاص " الامين العام (صامت) و رجل و امرأة يطرحان الاسئلة؟
هل نفس الشيء كان مع بقية المترشحين اللي معاك ؟

[mimi.lionne]

شكون هو الامين العام اللي كان مجمع في الوسط

[" المثابرة المتأملة "]

المشاركة الأصلية كتبت بواسطة mimi.lionne

شكون هو الامين العام اللي كان مجمع في الوسط

لا جاي كبير في السن و لابس كلاسيك كان جالس مين تدخلي على اليسار و مقابلا المراة و على اليمين راجل يبتسم شويا
قوليلي اللي كانو معاك صعبولهم الاسئلة ولا ساهلة زعما كاين اللي يمدوله 4 نقاط

[mimi.lionne]

اللي كان لابس كلاسيك و شايب هو اللي سألني و الاسئلة كانت ساهلة على حسب التخصص

[" المثابرة المتأملة "]

بالنسبة لوهران رتبة امين ضبط ما هو مجموع النقاط من 20 المرشح للنجاح ؟
و في حالة تساوي عدة مترشحين في المجموع فكيف يقصل بينهم؟ مثلا 20 شخص لهم 12/20

[" المثابرة المتأملة "]

المشاركة الأصلية كتبت بواسطة mimi.lionne

اللي كان لابس كلاسيك و شايب هو اللي سألني و الاسئلة كانت ساهلة على حسب التخصص

كان عندك الزهر اختي و لا كانو عيانين خاطر حنايا هلكونا بالاسئلة ههههه
بغيت نسقسيك اسكو كاين بزاف اللي عندهم معدلات باك 13 و 14 ؟

[mimi.lionne]

انا سالت حوالي 20 شخص اثنين فقط عندهم معدل 13
اما بالنسبة للمقابلة كي جيت خارجة نسيت بطاقة التعريف حتى عيطلي احد اعضاء اللجنة باش نديها ايا ما شكيتش يعطولي نقطة مليحة غادي يقولو هاذي مهملة

[" المثابرة المتأملة "]

المشاركة الأصلية كتبت بواسطة mimi.lionne

انا سالت حوالي 20 شخص اثنين فقط عندهم معدل 13
اما بالنسبة للمقابلة كي جيت خارجة نسيت بطاقة التعريف حتى عيطلي احد اعضاء اللجنة باش نديها ايا ما شكيتش يعطولي نقطة مليحة غادي يقولو هاذي مهملة

لا بزاف اللي نساو بطاقة تاعهم هدا ماشي مشكل
زعما شعال يليق مجموع باش ينجح الشخص في هاد المسابقة؟
و ادا كان تعادلو بزاف مثلا عندهم 12/20 فكيف يختارون الناجح؟
ماعلابالكش وينتا تخرج الننائج انا قالولي ما تطولش قبل الانتخابات تبان؟

[mimi.lionne]

في حالة التعادل يشوفو الحالة العائلية و الاكبر سنا و اقدمية الشهادة
اما في خصوص النتائج غير نسيها خير انا كرهت الانتظار و طمعت روحي في شحال من مسابقة و من بعد ما كان والو

[" المثابرة المتأملة "]

لا انت نسبة كبيرة تكوني ناجحة اذا عطاوك 4 نقاط في المقابلة مايخصك والوا
و النتائج راهم يقولو ماغاديش تطول قبل الانتخابات تبان
في رايك شعال المجموع /20 اللي متؤهل باش ينجح ؟

[mimi.lionne]

المعدل لازم يكون فوق 16 على ما اعتقد