الأخت yarasmin. 26 ترد على تساؤلاتكم هنا - الصفحة 5

مليكة01 · 2012-03-25, 11:10

البقلاوة نحوس على عبر السنيوة نتاع 1 م

شحال لازم فيها تكاليف

العسل شحال نزيدلو ماء زهر

نستعملوا السمن وحدو والا الزبدة معاه خير

yarasmin.26 · 2012-03-25, 11:27

اقتباس:

المشاركة الأصلية كتبت بواسطة مليكة01

البقلاوة نحوس على عبر السنيوة نتاع 1 م

شحال لازم فيها تكاليف

العسل شحال نزيدلو ماء زهر

نستعملوا السمن وحدو والا الزبدة معاه خير

احنا انديرو كمية كبيرة يعني الباقي منها نستعملوه لحلويات اخرى مانقدرش نعطيك الكمية ديري بصحن الشوربة الكبير وليدام ديري الزبدة فقط وتروكيها ترتاح مليح وحليها بمايزينة في الة رقم3ثم 5ثم الرقم الاخير اما بين الطبقات ديري السمن والزبدة باه اجيك خفيفة اذا عندك اي سؤال رانا هنا

مليكة01 · 2012-03-25, 11:36

اذا ممكن اعطيني المقادير الكبيرة ما عليهش

yarasmin.26 · 2012-03-25, 12:02

اقتباس:

المشاركة الأصلية كتبت بواسطة miri_27

لا عزيزتي هي ليست جينواز و انما موسكوتشو التي نعملها في قالب دائري مفتوح في الوسط و تجي خفيفة و من الفوق

صباح الخير : اسمها les baba المقادير"25 غ سكر+ 5 غ ملح+ 100 مل ماء+12 غ خميرة الخبز+2 بيض+225 غ الى300 غ فرينة+50 غ زبدة الشاربات:1 لترماء+1 كلغ سكر+ عصير اليمون
الخميرة+1 مك سكر + ماء دافي في قصعةالفرينة+ملح+ بيض+ الخميرة اعجنيها مدة 5 د ثم ارفدي وخبطي حتى تطرى يضاف الزبدة في النهاية وتواصلي الرفد مع الخبط ضعيها في قالب المسكوتشة المحلولة في الوسط وتترك تختمر في مكان رطب ودافي كي تخمر طيبيها في فرن درجة الحرارة400 درجة من 15 الى20 د كي تدفئ انزعي الطبقة الفوفانية اذا اردتي وتوضع عدة مرات في الشاربات حتى تتشرب اذا مافمتيش حاجة في هذه الوصفة قوليليل لانه ايليقلها24 سا وهي تتشرب امليح باه تنتكل

الدنيا · 2012-03-25, 12:03

اقتباس:

المشاركة الأصلية كتبت بواسطة remadna

يعطيك الصحة
لقيت الوصفة تاعك بعدما بحثت في google
كنت بحثت في قسم الحلويات لهذه لم اجدها و انت حطيتها في قسم التطبيقات
طبقتها و كملت و من ثم لقيت و وصفة ياسمين

مزية لقيتيها انا درتها في قسم التطبيقات لانها ليست لي
انا طبقتها عن احدى الاخوات لكن نسيت من تكون

yarasmin.26 · 2012-03-25, 12:07

[quote=مليكة01;9340195]اذا ممكن اعطيني المقادير الكبيرة ما عليهش[/quot
ياحبيبتي كي نعطيك كمية 10كلغ فرينة انت واش راكي رايحة اديري بيها راني سهلت اعليك وقتلك عبري بالغرفيةالكبيرة تاع الشوربة تاع العرس اجيك اعبر{اسموه الشلادي}

مليكة01 · 2012-03-25, 12:19

ماعليهش

انا حابة نعرف واش يخصها الي نصنعها

بصح اعطيني المقادير كاملة حتى العسل

تعبتك راني عارفة

مليكة01 · 2012-03-25, 12:20

مرة في عرس صنعت 2 سنيوة نتاع 1 م

نحب نعرف المقادير الكبيرة

أم ياسين الزهراء · 2012-03-25, 12:28

اقتباس:

المشاركة الأصلية كتبت بواسطة أم ياسين الزهراء

حبيت نسقسيك اختي في رمضان كاين لامونة تجي مضفورة وفيها كريمة هايلة حبيت تعطياي الوصفة تاع لامونة والكريمة وحقى كاين فاني وشكو تعيشي

وقيلة نسيتيني تعيشي راني في الانتظار ربي يعاونك

yarasmin.26 · 2012-03-25, 12:57

اقتباس:

المشاركة الأصلية كتبت بواسطة أم ياسين الزهراء

وقيلة نسيتيني تعيشي راني في الانتظار ربي يعاونك

متنسيتكش اليوم نعطيهولك انتضريني

nadiem · 2012-03-25, 13:15

ختي شكرا لك,حبيتك تعطيني وصفة البريوش لي يبيعوه في رمضان لي يكون حجم عائلي كبير ومرشوش بسكر ناعم ويجي خفيييف،،ووصفة الكريمة البيضاء لي محشي بيها تكون قريب شفافة وخفيفة وهي نفسها يحشيو بيها لي زيكلير

طالبة التقى · 2012-03-25, 13:29

بارك الله فيك وجعلها الله في ميزان حسناتك وبارك لكي في اهلك وصحتك امين اني حابة نسالك على الفلان للي يديره في المحلات وتحتو عجينة التارت سيت وصفة وضحك عليها زوجي واله غير حشمت وكذللك المخبز الي يجي معسل واشكرك مسبقا

الملتزمة بدينها · 2012-03-25, 13:50

اقتباس:

المشاركة الأصلية كتبت بواسطة الملتزمة بدينها

السلام عليكي أختي yarasmin.26 صحيتي على كامل واش راكي تقدمي فيه ربي يجازيك أختي عندي شويا أسئلة في محلات بيع الحلويات نشوفو وحد الديسار يتباع في أكواب شفافة جي فيه طبقات من الكريمة مع الفواكه نتمنى تقوليلي كيفاش يخدموهم أيضا يعجبني وحد القاطو يجي خفيف ويتباع بالميزان أكون لكي شاكرة أختي لوكان تعطيني الوصفة نتاعو
أختي أنا مبتدئة في الحلويات ومنعرفش هذوك العبار مثلا 30 غ أو 70 غ مذبيك تقولينا العبار بالمغرف في كل وصفة تقدميهانا و أيضا بالنسبة للسوائل 200 ملل ... راني كثرت عليك اختي yarasmin.26 وربي يحفظك ويجعل كل ما تقدمينه في ميزان حسناتك

أختي مزال مجوبتنيش أرجوكي وبالخصوص حاولي تعطينا المقادير بالمغرف

zina213 · 2012-03-25, 14:54

salam 3alaikoum w choukarne lik oukhti 3la les infos wallah raki fedtina
svp je veux la recette des croissons si c possible rabi yjazik
merciiiiiiiiiiiiiiiiiiiiiiiiiiiii

yarasmin.26 · 2012-03-25, 15:10

اقتباس:

المشاركة الأصلية كتبت بواسطة طالبة التقى

بارك الله فيك وجعلها الله في ميزان حسناتك وبارك لكي في اهلك وصحتك امين اني حابة نسالك على الفلان للي يديره في المحلات وتحتو عجينة التارت سيت وصفة وضحك عليها زوجي واله غير حشمت وكذللك المخبز الي يجي معسل واشكرك مسبقا

راني قدمتها ولكن مكانش مشكل غدوة نعطيهالك او اليوم انتضريني اسمحيلي ذروك راه اعليا ضغط