الباك راح .... اللي قرا قرا من سبتمبر ( تم اضافة الأدب وباقي المواد )

[*طيف الامل*]

بوركت............................................. ..................................

[سارة بسمة نادية]

المشاركة الأصلية كتبت بواسطة طالب له هدف

سيتم اجابتك بالتفصيل في الجزء الخاص بالعلوم الطبيعية .... وبالتفصيل



العلوم ادرسها وحدي ,,,, الفيزياء قمت بشرح طريقة دراستها .. فقط الرياضيات درست دروسا خصوصية فقط ... اللغات ومواد الحفاظة عليك وعلى " قراية الدار " ... بالاحرى ... كل المواد الرسمي هو ( القراية تاع الدار )


العفو .. بالتوفيق لكم ...
للاسف لا .. اعذروني ..

العفو = ) ربي يوفقكم وينجكم ,,,, تحياتي


مشكورة على المرور ... good luck



اختي - عن تجربة - والله كون تبعي الطريقة المذكورة تسهال المادة ... قلتي المناقشة الوسيطة .. انا قلت لكم هنا خذوا وقتكم وشوف كل فيديوهات الاستاذ نور المتعلقة بالمناقشة .. فيها كل الافكار دون استثناء ...( كثرة المراجع = دليل الفشل ) .. حددي مراجع محددة .. وانا اعطيتك اهم المراجع .. فقط جربي ماعندك ماتخسري ..ورديلي الخبر ......... الفيزياء .. اضفت شرح طريقة مراجعتها الآن .. اطلعي عليه ... التركيز .. شوفي اختي مع انك قلتي شفويا ان الامتحان ماشو غول ... لكن انتي في داخلك حاطتو راهو غول وحاجة كبيرة .. وخايفة ( الله اعلم خايفة من لحظة اعلان النتائج .. امل والديك .. التعب راح هكاك ) صح ؟؟ لازم في داخلك تضعفي صورة الباك وتحطيه في حجمو لا اكثر لا اقل ... قبل النوم اقعدي بين وبين روحك ..وحاول تقلل من الامتحان التافه اللي رجعتيه وحش فقط بسبب الضجة الاعلامية اللي يديرها الباك .. وهو امتحان عادي ... ضياع التركيز لانك تفكري في قداه من حاجة في وقت واحد ,,,كيفاه ؟؟؟ انتي تقولي اكي فاهمة وحافظة بصح يتحط قدامك السوجي متقدريش تحركي الستيلو ..وتنسي كلش .. علاه .. مثلا - تحططت قدامك دالة - تبدي باه تحلي السؤال الاول .. تقولي في روحك مايكفينيش الوقت ..(. ايه ا السوجي مطولوووو... طويل بزاف) ... تزيد تهبطي عينك تلقي فكرة جديدة يزيد يطيحلك المورال ..واذا كانت علوم ولا فيزياء وشفتي رسم جديد ( حتى لو كان فكرته بسيطة ) قادر يغمى عليك نورمال ههههههههه علاه هذا كله انعكاس لما في داخلك .. انت راكي ضخمتي الامتحان ولاداعي لهذا ...شوفي كي يتحط قدامك السوجي .. قولي باسم الله وانطلقي واتبعي النصائح وطرق المراجعة .. والوقت راهو يكفي .. مدريش الضغط على روحك .. ارحمي نفسك .. لان كلش على المورال في الباك .. هاك الايام اللي تعقبي فيها لازم نفسية تكون في top .. واذا تفكرت والدين,, ولا انت ضعفت امام وساوس نفسك تذكر هذا دوما : والديك راهم يحبوك لذاتك ... نجحت ولا فشلت .. والديك يحبوك انتي وليس انجازاتك ... وانت عليك ان تقدري وتحب نفسك وليس انجازاتك وهذا الكلام اوجهه لكل مترشح ...

طريقة الحفظ اقري الرد في اخر الصفحة الاولى والموضوع في حد ذاتها .. كاين حوايج تاع حفظ ببغائي ( كيما التواريخ مثلا مافيه مايتفهم) والحوايج الاخر احفظي بالطريقة اللي تساعدك خلطي بين الفهم والحفظ ... بالتوفيق لك ....



كي ترقدي على ال11 وبعد صلاة العشاء واذا حكمتيها اسبوع تنوضي بالمنبه... من بعد تولي تنوضي اوتوماتيكيا لصلاة الفجر .. ( بورك لامتي في بكورها ) .... اذا المنبه منفعش فيك .. قولي لاحد افراد عايلتك ينوضك ..ولا دير الرافاي بصوت عالي وحطيه بعيد عليك خلاص ... ماشو بجنب راسك هكاك انا كلنا نطفوه ونكملو رقادنا هههههه هاني نحكي عن تجربة .. فقط جربي .. ولازم تتغلبي على نفسك ... ارقدي مليح تنوضي لاباس بيك وكملي نهارك عادي ........ .. بالنسبة لحكاية ( راني متاخر ) اقرا تنظيم الوقت الذي ذكرته ردا على احدى العضوات سفيدك ( الصفحة 2 )
ربي ينجحكم ويحقق مبتغاكم

منقدرش معرفتش حاولت حاولت ومزلت نحال بصح تتعاود؟؟؟؟؟؟؟؟
حتى ونقرا ونكون مستعدة بصح هداك لخوص تع التبهليل لانو ماشي نوف تع تحفييز تع تبهليل علابالي ياسر منقدرش نجاوب ومنركزش علابالي مشاكلي وين راهي بصح معرفتش كيفاه نتعامل معاها
كيما درت مصلحتش بعدت الرفاي واش قتلك بعدتو ونوض ليه ايه ونشعل الضو ونطفيه ونبقا ندور شوية ونعاود نكمل رقادي ....السلييما راني دايرتها
ربي ينجحكم ويحقق مبتغاكم[/QUOTE

[سارة بسمة نادية]

المشاركة الأصلية كتبت بواسطة أمنية تنتظر التحقق

في انتظار نصائحك حول العلومم...
-
-
فقط عندي مشكل ...-خخ علاء الدين والمصباح السحري-......مثلا راني قاعدة ونقراا لاكثر من 6 سوايع وانا نقرا بصح كي نكمل ونجي نقيم روحي وش درت ما نلقاا وااااالو حتى انجاز يا ربي كاش 4 تمارين max ...ما فهمتش الوقت كيفاش راهو يضيع..ندير صوالح ما عندهمش فايدة( كأني نبقى غير ندور ..خخخ ناكل ونعاود وما نفيقش علما اني نكون غير وين تعشيت..الكوزينة وكرهت مني هه)...

نفس الشيى سبحان الله نبقا ندور بصح ماشي للكوزينة ههه
ان شاء الله نلقاو حل

[lotus flower]

بركت اخي موضوع ذو نصائح قيمة
اخي اريد ان اسئلك حول مادة العلوم فانا لا اعرف كيف اراجعها مهما فعلت لا اعرف كيف اتعامل معها رغم انها مادة سهلة
وفقك الله

[طالب له هدف]

المشاركة الأصلية كتبت بواسطة malak.math

شكرا بارك الله فيك على هذا الموضوع القيم
لقد اجبت عن كل الاسئلة التي قد تخطر ببال اي تلميذ

شكرا
جعلها الله في ميزان الحسنات

العفـــو ... ربي يوفقك ..

المشاركة الأصلية كتبت بواسطة mohamed.2000

هل ركزت كثيرا على دروس السيدا والدم ام لا

نعم كانت من بين المواضيع المقترحة بشدة خاصة السيدا ... واحتمال تجيكم العام هذا ... ركزوا عليها ولاتهملوا باقي الدروس ... بالتوفيق

المشاركة الأصلية كتبت بواسطة أمنية تنتظر التحقق

في انتظار نصائحك حول العلومم...
-
-
فقط عندي مشكل ...-خخ علاء الدين والمصباح السحري-......مثلا راني قاعدة ونقراا لاكثر من 6 سوايع وانا نقرا بصح كي نكمل ونجي نقيم روحي وش درت ما نلقاا وااااالو حتى انجاز يا ربي كاش 4 تمارين max ...ما فهمتش الوقت كيفاش راهو يضيع..ندير صوالح ما عندهمش فايدة( كأني نبقى غير ندور ..خخخ ناكل ونعاود وما نفيقش علما اني نكون غير وين تعشيت..الكوزينة وكرهت مني هه)...

لازم يا اختي ضبط النفس ،، الحالة هذي نعرفها مليح ... خذي قسطا من الراحة ,, وحاولي تعرفي قيمة الوقت اللي راكي تضيعي فيه ... مزال 3 اشهر ... مديريش الضغط لكن يجب ان تنظمي حالك .. عندك 3 اشهر في يدك ... او ديرو الوقت مثلا قولي ساعة ونصف نديرها في العلوم حطي قدامك الساعة .. و1 ساعة ونصف انتي غير في المراجعة " ليس بطريقة هستيرية " لكن 1 ساعة ونصف كلها لازم تكون فوائد وكل ماتتحرك شوفي الساعة .. كي يكمل الوقت .. روح تحركي ودوري وروحي للكوزينة لان النفس تكره القيود ثم ارجعي ... لازم الارادة .. حالتك بسيطة ( تفاقمت لانك تركتها دون علاج ) .. لازم تكون عندك كلمة مع روحك .. فقط ... ربي يوفقك

المشاركة الأصلية كتبت بواسطة ~queen of darkness ~

بارك الله فيك
اخي لم أجد الملخص للأستاذ بشير بلعيد...

تم اضافته ..

[عزيزة aziza]

اخي كم كانت معدلاتك في الفصول ؟

[الدرر البهية]

مادا عن الفلسفة

[عزيزة aziza]

https://eddirasa.com/تحميل-كتاب-المج...علوم-الطبيعية/ هل هذا هو

[طالب له هدف]

المشاركة الأصلية كتبت بواسطة ~ شُـمــــــوخٌ ~

لدي بضع اسئلة اتمنى الاجابة عنها
كم كانت نقطتك في الادب لانها هاجسي لحد الان
انا درك نسيت الوحدات الاولى هل حدث معاك هذا المشكل وكيفاه قدرت تتجاوزه
وفي هاذ الوقت وين كنت واصل في المراجعة وخاصة مواد الحفظ ؟
الفلسفة هل حفظت المقالات ام وضعت ملخص وحفظته ؟ وكم كانت نقطتك فيها ؟
شكرا مسبقا

1) 17,5 ( عليك بقراءة طريقة المراجعة المذكورة في الموضوع السابق )
2) النسيان يعاني منه الجميع الكل ينسى ... نعم حدث معي الامر ... لكن لاداعي للخوف .. حالة عادية .. فقط كل اسبوع لازم ديري تذكير للدروس الاولى ..
3) نسيت تحديدا اين وصلت لكن ..( في مارس ) نورمالمو انهيت الدوال ونسيتها وكملت الهندسة الفضائية ولقيت روحي نسيتها .. ومشيت في الاعداد المركبة , ثم التحويلات النقطية , --اذا كان حسابي صحيح..-- ( انتم العام زادوا ليكم الاحتمالات ) ... العلوم .. نورمالمو ( ماشو sur ) كنت في اواخر المناعة -في شهر مارس .. الفيزياء .. دخلت في الميكانيك ( في البدايات ) ... ا
4) تم اجابة في الصفحة السابقة

المشاركة الأصلية كتبت بواسطة -Queen Of Dreams-

ايه حابة نسقسيك تعيش
كيفاه نكتب الأفكار فالتمارين مانعرفش قاع كيفاش !! اسكو نعاود نكتب جزء التمرين هاداك ونكتب الحل تاعو ولا نكتب طول طريقة الإجابة ولا كيفاش

اكتبي المطلوب ، والمعطيات التي استخدمتها في الحل وطريقة الربط بينها ...ال+ astuce المعتمد في الحساب ..( اذا كانت مجموع نقط جديدة مثلا في الاعداد المركبة " دوني الخطوات الاساسية والعفايس اللي وصل بيهم للنتيجة .. اذا كانت مناقشة وسيطية كيف كيف .. شوفي وين حبستي ومعرفتيش تحلي ودوني عفسة والخطوة التي تحلك الفكرة... اذا كان عبارة عن مجموع للمتتاليات كيف كيف .. اذا كان علاقة جديدة في الفيزياء .. شوفي الخطوة المحورية اللي استعملها للخروج على العلاقة .. والعلوم .. دوني المعطليات المستعملة في الحل والسؤال مختصر ومعاه الاجابة كاملة "

المشاركة الأصلية كتبت بواسطة *طيف الامل*

بوركت............................................. ..................................

وفيك بارك الله ...

المشاركة الأصلية كتبت بواسطة سارة بسمة نادية

منقدرش معرفتش حاولت حاولت ومزلت نحال بصح تتعاود؟؟؟؟؟؟؟؟
حتى ونقرا ونكون مستعدة بصح هداك لخوص تع التبهليل لانو ماشي نوف تع تحفييز تع تبهليل علابالي ياسر منقدرش نجاوب ومنركزش علابالي مشاكلي وين راهي بصح معرفتش كيفاه نتعامل معاها
كيما درت مصلحتش بعدت الرفاي واش قتلك بعدتو ونوض ليه ايه ونشعل الضو ونطفيه ونبقا ندور شوية ونعاود نكمل رقادي ....السلييما راني دايرتها
ربي ينجحكم ويحقق مبتغاكم[/QUOTE

تم اجابتك في الرد السابق ... بالتوفيقـــ

المشاركة الأصلية كتبت بواسطة lotus flower

بركت اخي موضوع ذو نصائح قيمة
اخي اريد ان اسئلك حول مادة العلوم فانا لا اعرف كيف اراجعها مهما فعلت لا اعرف كيف اتعامل معها رغم انها مادة سهلة
وفقك الله

راني حكيت بالتفصيل عن منهجية الاجابة في العلوم .. وهذا في الصفحة السابقة ... اطلعي على الرد
وفقك الله

[طالب له هدف]

المشاركة الأصلية كتبت بواسطة عزيزة aziza

اخي كم كانت معدلاتك في الفصول ؟

الفصول ليست معيار للحكم يا اختي .. خاصة واني نقصت الذهاب بدرجة كبيرة للثانوية من الفصل الثاني ,, يعني تلقى في كشف النقاط في التقويم غير الاصفار ... فقط روحوا للثانوية في الامتحانات والفروض ... لتقييم انفسكم ... وهذا ضروري جدا ولا تجعلوا النقطة تؤثر عليكم ,,, المهم تدارك الاخطاء ومواصلة الطريق

المشاركة الأصلية كتبت بواسطة issania

مادا عن الفلسفة

تم الحديث عنها في الصفحة السابقة ... بالتوفيق

المشاركة الأصلية كتبت بواسطة عزيزة aziza

https://eddirasa.com/تحميل-كتاب-المج...علوم-الطبيعية/ هل هذا هو

لا... ليس هذا هو الكتاب .. اسم الكتاب " المجتهد " والمؤلف اسمو " بودربالة "

[طالب له هدف]

ساتواصل مع الاشراف لاضافة الردود في الموضوع ...

[عزيزة aziza]

اخي هل يوجد ذلك الكتاب في العلوم اذا كان موجود اعطني الرابط

[*** عبق الزهور ***]

بارك الله فيك
على الموضوع

[اميرة الطموحة]

اخي هل اعتمدت على كتاب المغني فقط في الفيزياء . ماذا عن سلاسل شريفي . المتتاليات تمثل لي هاجسا لا ادري لما لا استطيع فهمها اجيب على الاسئلة الاولى وما ان اجد فكرة جديدة او حتى تحتاج تفكيرا -نفشل- بماذا تنصحني .

[مريم المتفائلة]

اخي انا ضعيفة في الرياضيات
وانا تقني مرات نحل دوال شعبة رياضيات تجيني صعيبة ياسر

خايفة من القسمة في زاد

ووفي الفيزياء الميكانيك اييضا مخوفتني والله

موضوعك جد جد رائع لكن انا كسسولة مع العلم انني يوميا ادرس ويوميا لدي برنامج خاص لكن احس انا نمشي فالباطل وخايفة من المكانيك بزاف الافكار كثيرة

والفلسفة نفهمها لكن خايفة كاش مقال يجي وانا ولا علابالي

انجليزية لا اجيد كتابة الفقرات

الاخيررين تمام والحمد لله

شكرا اخي الغالي