لكل من يريد دخول كلية الطب..نظرة عامة عن الطب ومرحبا بإستفسـآرآتكم ^_^

[نَازِكْ]

المشاركة الأصلية كتبت بواسطة أحلام سرمدية

les registres هههههه اكبر همومي المحفظة لي نهزها شحال توزن متقوليليش برك
تعواج ظهري كي لباك ندورها بيلوت ههه
الامتحانات وليتيدي قالولي كاين ايكري واورال
ويبداو من جانفي دونك حابة نعرف ابوبري كيفاه ؟؟

شدتني نقطة المحفظة هو فيها فيها ساك ا دو
مي
ليكور كامل يمدوهملكفالقروب تاع الفايس يعني ورق برك
الا ادا كنت تقراي في العاصمة الكتاب تع حمودي يوزن
فالعاصمة لي تيدي مديري عليهم حتى امتحان خاص يعني في الامتحان كاين اسئلة تاع الكور واخرى تاع تيدي تقراو كيما فالليسي 3 فصول كاينة برك النقطة الاقصائية
و اورال كاين ممكن ادا درتو التيبيات تاع اناتومي حنا مدرناش
العام ليفات بديناهم مور العيد الكبير يعني قبل جانفي في جانفي كنا نديروا الامتحانات

[ali1994k]

المشاركة الأصلية كتبت بواسطة ♥ دعـاء♥

السّلآآم عليكنمْ
بووركك فيكك أختآهـ و كل من يحآآول مسآآعدتنآآ =)
ع كلّ *
أختي قوليلي يَ رحم الوآلدينْ ، الفرنسيةة ،ثم الفرنسيةة ...
يعني اللي ضعيف فيهآآ يوآآجه بزآآف صعوبآآت ؟ ؟
بصرآآحة خآآيفة منهآ و هي السبب الوحيد التي تجعلني أستبعد الطب
لكن سآعآآت يقولولي رحنآ دوآآب في الفرنسية و نورمآل ؟
+ الأستآآذ مثلآآ يشرحح الدرس كامل بالفرنسية ام يعني غير بعض الكلمات بالفرنسية ؟ ذ
+ الإمتحآنآت تكون بالفرنسيةة ؟
+ أي همآآ أفضل اللي في الدزآآير أم بقسنطينة من حيث الأسآآتذة وَ الإقآآمة
و شووكرآ لكك
صحح فطوركم

حتى وتكوني ممتازة في الفرنسية راح تلقاي صعوبات
انا عن نفسي لا اغرف الا العربية هههه وقريت عادي
متخافيش قاع من اللغة باسكو مع الوقت توالفي بيها
في العاصمة لاتوجد رائحة للعربية كل شيء بالفرنسية ، حتى عندما يحكي الاستاذ نكتة يحكيها بالفرنسية ههه
انا لم افكر حتى في دراسة الفرنسية في الصيف بدات الدراسة بشكل عادي

[• إسْتِـثـنَائِيّه •]

المشاركة الأصلية كتبت بواسطة ali1994k

حتى وتكوني ممتازة في الفرنسية راح تلقاي صعوبات
انا عن نفسي لا اغرف الا العربية هههه وقريت عادي
متخافيش قاع من اللغة باسكو مع الوقت توالفي بيها
في العاصمة لاتوجد رائحة للعربية كل شيء بالفرنسية ، حتى عندما يحكي الاستاذ نكتة يحكيها بالفرنسية ههه
انا لم افكر حتى في دراسة الفرنسية في الصيف بدات الدراسة بشكل عادي

أهلآآ أخي ، بووركـ فيكك ع الرّد *
أنآآ نعرفف العربيةة و الإنجليزية و بسْ
وآآش فيهآ لوكآن جآآت بالعربية -_- ... يآخي بلأآآد :v
ههههـ سمآ كي نشووف الغآآشي صضحكك نبدآآ نضححك .. الله يستر
+ خويآآ فـ قسنطينةة مثلآ الشرحح تآآع الدرس بالفرنسيةة ؟
+ هل وآآجهتت عوآآئق في الحفظظ و الدرآآسة بحكم أنكك لم تكن تتقن هآذهـ اللغةة

[ali1994k]

المشاركة الأصلية كتبت بواسطة ♥ دعـاء♥

أهلآآ أخي ، بووركـ فيكك ع الرّد *
أنآآ نعرفف العربيةة و الإنجليزية و بسْ
وآآش فيهآ لوكآن جآآت بالعربية -_- ... يآخي بلأآآد :v
ههههـ سمآ كي نشووف الغآآشي صضحكك نبدآآ نضححك .. الله يستر
+ خويآآ فـ قسنطينةة مثلآ الشرحح تآآع الدرس بالفرنسيةة ؟
+ هل وآآجهتت عوآآئق في الحفظظ و الدرآآسة بحكم أنكك لم تكن تتقن هآذهـ اللغةة

العربية نظن تلقايها في سطيف
+
هههه فكرتيني بروحي كنت كي نشوف جماعة لي يعرفو فرنسي ضحكو نبدا نضحك ثاني هههه
+
اللغة الفرنسية موجودة في طب مختلفة اصلا اغلب المصطلحات ليس لها مرادف بالعربية شغل لازم تفهميهم ودخليهم في راسك
انا كون تسقسيني epithelium de revetement وش اسمو بالعربي نقلك مش عارف ، enthalpie بالعربي منيش عارف وغيرها من الاف المصطلحات بالصح فاهمهم الحمد لله
اللغة عربية فقيرة علميا للاسف

[• إسْتِـثـنَائِيّه •]

المشاركة الأصلية كتبت بواسطة ali1994k

العربية نظن تلقايها في سطيف
+
هههه فكرتيني بروحي كنت كي نشوف جماعة لي يعرفو فرنسي ضحكو نبدا نضحك ثاني هههه
+
اللغة الفرنسية موجودة في طب مختلفة اصلا اغلب المصطلحات ليس لها مرادف بالعربية شغل لازم تفهميهم ودخليهم في راسك
انا كون تسقسيني epithelium de revetement وش اسمو بالعربي نقلك مش عارف ، enthalpie بالعربي منيش عارف وغيرها من الاف المصطلحات بالصح فاهمهم الحمد لله
اللغة عربية فقيرة علميا للاسف

آآهـ حقآآ ؟ ، الجآآمعة هآديكك مليحَة ؟
*
هههـْ سأستعمل نفس السيستآآم إذن xD
*
معكك حقْ ،
بووركك فيكك أخي ع أجوبتكـ
ان كآآن لدي غموض فسأطرحه بإذنـ الله

[~رآقية بأخلآقي~]

المشاركة الأصلية كتبت بواسطة العبدالضعيف لربه

كل شخص يقول الطب حفظ فقط، ممكن تعطونا نظرة عن درجة هذا الحفظ؟

أولا أعتذر عن تأخري في الرد ففي منزلنا أيضا ناجح في الباكالوريا و نحن على أبواب عيد الفطر لذا لا أدخل في كل وقت للمنتدى

وفيما يخص سؤالك صحيح أن الطب يعتمد على الحفظ بطريقة كبيرة لكن عندما تكون فاهم الحفظ راح يجيك ساهل،

وكما قال ali1994 أنت ستجد طرق تعينك على الحفظ كاستخدام المخططات والملخصات خاصة وأن نوعية الأسئلة قد تغيرت في السنوات الأخيرة فقديما كانت QROC أي أسئلة مباشرة يتوجب عليك الحفظ كلمة كلمة أما الآن ففي جميع الكليات أصبح الإعتماد على Les QCM أي أسئلة ذات خيارات لا يتوجب عليك الحفظ كيما قبل,,

وشخصيا لم أكن أعتمد على الحفظ كثيرا و كنت أعتمد في ترسيخ المعلومة على أن أقرأها أكثر من مصدر و بأكثر من أسلوب والحمد لله كنتُ موفقة في ذلك,,

[~رآقية بأخلآقي~]

المشاركة الأصلية كتبت بواسطة ali1994k

الحفظ في الطب ليس مثل حفظ التاريخ والجغرافيا
تذكر ان الهدف الاول هو ايستعاب المعلومات باي طريقة ، بالحفظ حرفيا او الفهم او باستعمال الرسومات (anatomie) المهم تجد طريقة مناسبة لادخال المعلومات الى رأسك
حاول دائما البحث عن الافضل طريقة للدراسة وليس مباشرة التوجه نحو الحفظ الحرفي

وهو كذلك..فالذين ينجحون في الطب هم الأذكياء و الناس اللي عندهم ذاكرة قوية...فالأذكياء بالفهم وطريقة المذاكرة والناس اللي تحفظ بحفظهم...لكن الحفظ ليست مشكلة فكما قلتها تكرارا ومرارا من يريد الطب سيصبر عليه وسينجح فيه بكل تأكيد,,

[~رآقية بأخلآقي~]

المشاركة الأصلية كتبت بواسطة نائلة

بارك الله فيك
سؤالي بالنسبه للغة
انا اطلعت على برنامج الدراسه
هل تشكل اللغة الفرنسية صعوبة او عائق او تاخير لطالب
يعني يبقى يترجم حتى يفوتوا الوقت

وفيكي بارك الله نائلة,,

الفرنسية في الأشهر الأولى تعتبر عائق ولكن ليست للدرجة التي تؤثر على الطالب فالجميع يكون مستعد نفسيا لذلك ويكون على دراية بأنه سيجد صعوبة قليلة في التأقلم مع الجو الجديد,,.

وبالنسبة للترجمة لا تصيع الوقت فعندما يقرأ الطالب درسه للمرة الأولى سيقوم بالترجمة قد تأحذ وقتا لكن عادي,,وعندما يبدأ بالحفظ سيجدها سهلة و يكون فاهم واش راهو يقرا,,,

أتذكر في حصصي الأولى في الطب كنا نخرج ضاحكين من الدروس بحيث أننا لم نكن نفهم شيئا مما يقولون لكن خلال شهرين أو أقل تأقلمنا و أصبح كل شيء عاااااادي

[~رآقية بأخلآقي~]

المشاركة الأصلية كتبت بواسطة bhemadrid

السلام عليكم شكرا لكي
بينه وطب الاسنان ؟ ايهما افضل بكل حيادية

وعليكم السلام ورحمة الله..

الطب أفضل,,لأن الطب يعالج الجسم ككل و طب الأسنان ينحصر على أمراض الفم و الأسنان واللثة فقط,,,

وتبقى الميولات الشخصية هي الحكم

بالتوفيق لك,,

[~رآقية بأخلآقي~]

المشاركة الأصلية كتبت بواسطة ميسون2010

السلام عليكم ورحمة الله تعالى وبركاته
أنا راني محتارة راكم تقولو اللي قرى طب لازم يكون يحبو
مانكذبش عليكم أنا ساعات نتخيل روحي راح نكرس كل مجهوداتي باش ندرس هذا التخصص
وساعات نقول لالا أواه واعر عليا صح أنا جامي حلمت بيه تخيلت روحي نقرى طيران اعلام آلي...الخ
جامي حبيت نكون طبيبة هذا الشيء راح يأثر عليا لوكان نقرى طب ؟؟ مع العلم راني حابة نقراه
بويسك نحب القراية وحابة نفوت حياتي كل قراية
أنا ماعلاباليش واش الطب هذا وواش فيه ساعات نتردد نقول مانديروش بصح
حابة نخوض المغامرة وندير تحدي مع أنا نموت على التحديات بصح خفت نندم
نتي جاوبيني لو سمحتي.
وتاني حبيت نسقسيك العام 7 اللي نفوتوه ستاجات مانروحوش لديارنا؟
وكي نديرو تخصص نخدمو وفي نفس الوقت نسلكو نورمالمو ؟
وكي نتخرجو من التخصص نفتحو عيادة بسهولة ؟
ولا نكملو نخدمو في الصبيطار لكان بغينا؟

وعليكم السلام ورحمة الله

أهلا ميسون

شوفي الطب مهنة إنسانية راااااائعة،فيها التعب وفيها التضحية بالإضافة إلى أنها سبع سنوات,,من يدخل الطب بدون رغبة منه أو برغبة أهله دون أن يكون مقتنع هو بذلك سيجد صعوبة لكن ليس مستحيل أن يواصل،،

أنا كل ما أقوله لكِ إذا شفتي روحك راح تصبري ومعندكش ميولات اخرين غير توكلي على ربي وديري استخارة وخيري الطب ومع الوقت راح تحبيه لأنو فعلا أنبل مهنة وأنا يوميا أحمد الله أنو وفقني لدراسة الطب,,


وفيما يخص العام السابع تكوني وكانك خدامة يعني يكون عندك الكونجي والا الويكاند إذا ماعندكش قارد تروحي لداركم نورمال..

وفي التخصص ايه عامك الأول تكوني تسلكي مثل الطبيب العام وكل عام يزيدوك مليون...لتصل في العام الأخير حوالي 8.5 مليون ((على حسب وش قالولي ))

وبعد إكمالك التخصص لازم تخدمي عامين مع الدولة يسموها الخدمة المدنية وعلى حسب وين تطيح لك في أي ولاية...وحاليا يقولو انهم رايحين ينحوها الخدمة المدنية والله أعلم..

ومن بعد إذا حبيتي تحلي وحدك و اذا حبيتي تبقي تخدمي مع السبيطار وإذا حبيتي تكملي وتكوني أستاذة مساعدة أي تدرسي في كلية الطب وبعد ذلك تكوني بروفيسورة و..و...


بالتوفيق,,

[~رآقية بأخلآقي~]

[quote=فتاة+نينجا;3993843504]

المشاركة الأصلية كتبت بواسطة ~رآقية بأخلآقي~

بصفة عامة التخصصات الطبية 4 سنوات مثل: أمراض القلب (la cardiologie)..أمراض الغدد(endocrino)..أمراض الرئة(pneumophtysio)..أمراض الأعصاب(neurologie)..الطب الداخلي(medecine interne)....طب العمل (medecine de travail).....الخ

والتخصص الجراحي الوحيد اللي فيه 4 سنوات هو جراحة الأنف والحنجرة (orl)

وبقية التخصصات الجراحية فهي 5 سنوات مثل: جراحة العظام (orthopédie)..أمراض العيون(ophtalmolgie)..أمراض النساء والتوليد(gynécologie)..جراحة الأعصاب (neurochirurgie).......الخ


والتخصص هو فعلا عمل...لأنك تقضي طيلة السنوات تلك في المسشفى وتسمينَ حينها بطبيبة مقيمة (résidente) تعملين في القسم الذي اخترته فمثلا لو اخترتي أمراض العيون طيلة الخمس سنوات ستقضيها هناك تتعلمي فيها كل شيء....بالصح لازم ديما تقري وتبحثي لانو هناك اختصاصات في نهاية كل عام يقومو باجراء امتحان للانتقال للسنة الموالية وعند نهاية سنوات التخصص يكون هناك امتحان وطني يكلل بنيل شهادة طبيب مختص....

[/quote

كيتكوني طبيبة مقيمة اسكو تدي لابوغس نتاع 400 miles ولا تخلصي كيما طبيب

لالا يخلصوك,,.

[~رآقية بأخلآقي~]

المشاركة الأصلية كتبت بواسطة أحلام سرمدية

les registres هههههه اكبر همومي المحفظة لي نهزها شحال توزن متقوليليش برك
تعواج ظهري كي لباك ندورها بيلوت ههه
الامتحانات وليتيدي قالولي كاين ايكري واورال
ويبداو من جانفي دونك حابة نعرف ابوبري كيفاه ؟؟

ههههه لالا خلاص ماكانش حاجة يسموها محفظة :P

كاين المطبوعات (les polycopes) تكون فيها الدروس...وفي العام الأول كاين بعض المواد تقدري تديري فيهم الكراريس أما بعد العام الأول تكون كراسة وحده تكتبي فيها كاش ملاحظة يقولوها لي بروف في الكور وخلاص..لأنهم ساعات يجيبو الأسئلة من الحوايج اللي يقولوها في الكور..

والامتحانات في العامين الاولين مادام مكانش ستاج يكونو كامل ايكري وكي يبدا الستاج يكون النظري ايكري والستاج على حسب كاين اللي يديروه ايكري وكاين اللي يديروه اورال..

موفقة يا أحلام سرمدية..

[~رآقية بأخلآقي~]

المشاركة الأصلية كتبت بواسطة ♥ دعـاء♥

السّلآآم عليكنمْ
بووركك فيكك أختآهـ و كل من يحآآول مسآآعدتنآآ =)
ع كلّ *
أختي قوليلي يَ رحم الوآلدينْ ، الفرنسيةة ،ثم الفرنسيةة ...
يعني اللي ضعيف فيهآآ يوآآجه بزآآف صعوبآآت ؟ ؟
بصرآآحة خآآيفة منهآ و هي السبب الوحيد التي تجعلني أستبعد الطب
لكن سآعآآت يقولولي رحنآ دوآآب في الفرنسية و نورمآل ؟
+ الأستآآذ مثلآآ يشرحح الدرس كامل بالفرنسية ام يعني غير بعض الكلمات بالفرنسية ؟ ذ
+ الإمتحآنآت تكون بالفرنسيةة ؟
+ أي همآآ أفضل اللي في الدزآآير أم بقسنطينة من حيث الأسآآتذة وَ الإقآآمة
و شووكرآ لكك
صحح فطوركم

وعليكم السلام ورحمة الله

الفرنسية ليست عاااااائق أبدااا أبدااااا أبداااااااااا

وأصلا حتى لو استبعدتي الطب ستجدي أن معظم التخصصات في الجامعة أصبحت بالفرنسية

لي بروف يشرحو بالفرنسية وكيما قلت من قبل في الأيام الأولى كيما دخلنا كيما خرجنا بالصح من بعد كل شيء عاااااااااااااادي لأنك راح تستخدمي القاموس وتشرحي الكلمات وتفهمي ويعجبك الحال طوووول...

وفيما يخص أيهما أفضل في رايي العاصمة أفضل من ناحية توفر المستشفيات و الأساتذة لكن من ناحية الإقامة الله أعلم...

وصح فطورك نتي ثاني دعاء وبالتوفيق ليك

[~رآقية بأخلآقي~]

المشاركة الأصلية كتبت بواسطة ali1994k

هههه فكرتيني بروحي كنت كي نشوف جماعة لي يعرفو فرنسي ضحكو نبدا نضحك ثاني هههه

ههههههه عجبتني هذي

[مريم عادل]

بالنسبة لطب الاسنان هو طب تخصصي ويوجد بلدان لا يسمح فيها بدراسة طب الاسنان الا بعد المرور بالطب العام كما يوجد الغالبيه الباقيه كحالنا بل يوجد طب اطفال او طب عيون او ارجل يكون منفصل عن الطب الاعتيادي كحال امريكا وروسيا
فاكيد طب الاسنان ليس مهتم بالجسم كله لانه طب تخصصي كباقي التخصصات الطبية الي تهتم بالجهاز او العضو المراد علاجه فقط ومن الجيد انه فصل هدا التخصص عن الطب العام ليكون اكثر تخصصا
معلومه اضافيه طبيب الاسنان يستطيع ان يكون جراح تجميل للوجه