دفعة ماي المدرسة العليا للعتاد ن ع 1 الحراش

[seif algeriano]

chouaib.fcb

*******************************
بارك الله فيك خويا على كل النصائح و المعلومات وربي يحفضك

[seif algeriano]

جمعة مباركة للجميع
بداية خروج ظباط الصف دفعة مارس 2014 التي لحقها القانون الجيد للخدمة الوطينة اي 12 شهر بدل 18

[bassa1988]

سلام عليكم
إخواني حاب نطوع للدفعة القادمة
هل توجد دفعة في شهر مارس ؟
عندي ليسانس - ن ع 3 -بشار

[zaz-did]

واش راك يا العبد الضعيف ..أنا تاني راني في عين المكان لكن اسمحلي بلغت بزاف ...على العموم متنساش بلي دفعة جانفي ماشي كيما باقي الدفعات ...ودفعة ماي راح تكون من أصعب الدفعات

المشاركة الأصلية كتبت بواسطة nechebra

السلام عليكم . الاخوة الأعزاء.انا العبد الضعيف دفعة جانفي 2015 و انا الان في الثكنة.بخصوص السإلين عن دفعة ماي و عن الفائض ,
الحراش ثكنة تكون كل دفعة 300 طالب ضابط إحتياطي.الدفعة القادمة ماشكيتش تلحق الفعتين السابقتين أقصد بالذكر جانفي و سبتمبر لعدة اسباب.اللي داير في بالو يا جات يا راحت كي حالتي و مداير في بالو يعقب نوضحلو امور مجربة.اولا الإطارات اللي مسؤولين على التكوين كاين 3 .اعاطف و علي و الستيتي.صدقوني غير ما توصلش روجك 100 سنة واحد ما يوصلك بشعرة.التدريبات الايام الاولى صعبة نوعا ما رغم اننا ما تعبناش كيما دفعة سبتمبرعلى حساب ما قالولي.االمهم 10ايام لوالا صعاب من بعد تولي الحالة هانية و اليامات تجري.الدوش ديما كاين المرقد نظيف الفراش نظيف الاكل ملبزااااف مقارنة بالثكنات اةاخرى.ماكش في المنزل وشيا راح تلقاو ظروف حسنة.انا راني نحكيلك بصفتى في عين المكان و حاجة اخرى الستيتي لي راكم تهدرو عليه بالشر فوتنا معاه احسن اسبوع و راه احسن اطار ,إنسان حقاني و ما يحبش العوج و لي يشوف في روحو معوج غير يقلب هدرتي للعكس لأنو راح يكرهلو حياتو.أيضا كل واحد يطبق واش يسمع و يتفادى الإحتكاك مع صحاب المشاكل,بالعربية احكم سابعك هههه الممهم لنا عودة إن شاء اللهالاسبوع القادم بيرميسيون و نزيد نوضح بالميكرو أحسن هيا سلام

[zaz-did]

راك غالط يا أخي دفعة جانفي حكمو جماعة 88 وزيد مزوجين / متقدرش تحكم على على السن وزيد دير في بالك كاين 92 و 91 طلقوهم ....كيما تخمم في الحراش متلقاش الحل ...أما عن الستيتي مؤطر فقط مسؤول عن المرقد الكومباني فقط و كيفوا كيما المؤطرين الاخرين ..وزيد نتاع تدخل الأول و الا الأخير كيف كيف و هذه عن عن تجربة

المشاركة الأصلية كتبت بواسطة brahim staifi19

السلام عليكم يا اخوان لي معول يروح في ماي يتكل على ربي و يروح.....................انا رحت في دفعة جانفي و الحمد الله خرجت فائض..............لازم تروحو بكري شوي راكم ما تلقاوش لبلايص....................من حيث المعاملة لاباس بها حتى الماكلة فوووووووووووووور في الغداء كول يوم الدجاج و ساعات الحوت ..............الماكلة ما تتحيورش منها.....اما في العشاء 5/5 ساعة مليحة و ساعة ماهيش مليحة كل خطرة كيفاه بصح يقتلوكم بال مقرووووووووووووون............هههههههههههههههه
في دفعة جانفي دخلنا في 1080 شخص............انا دخلت في 18 من شهر جانفي.........سوفريت ليمات الاولى بصح توالف خلاااص.................الى ان اغلقت المدرسة في 27 من الشهر.............رتبونا ب نوامر و جات لاليست
المهم بداو يعيطو صحاب 88 و 89 و 90 و 91 92 93 ...........كل واحد و زهرو و كل واحد و التخصص نتاعو...........راكم ما تلقاوش الستـــــــــــــــــيتي خطراكش دفعة جانفي هي الدفعة الاخيرة......انا الحمد الله خرجت مواليد 86 و حتى المتزوجون ما يحكموهمش.....الا ادا عاد صغير و مزوج هاد 80% يحكموه .....................ربي يوفق

[hvh]

ana min douf3at janv wro7t volantaire wchedouni 3gabna 45jr wtalgouna nhar lkhmis medoulna sména repo ecol bzf mli7a matlguéch kifha f dz

[seif algeriano]

المشاركة الأصلية كتبت بواسطة bassa1988

سلام عليكم
إخواني حاب نطوع للدفعة القادمة
هل توجد دفعة في شهر مارس ؟
عندي ليسانس - ن ع 3 -بشار

لا توجد دفعة في مارس بالنسبة لضباط الصف
فقط دفعة ماي او سبتمبر

[seif algeriano]

المشاركة الأصلية كتبت بواسطة hvh

ana min douf3at janv wro7t volantaire wchedouni 3gabna 45jr wtalgouna nhar lkhmis medoulna sména repo ecol bzf mli7a matlguéch kifha f dz

ربي يوفقك خويا ....لعقوبة لينا هههههه

[Recteur31]

الله يبارك ...اراء مليحة من عين المكان ربي يقدركم يا الخاوة انا تبدا خدمتي الوطنية في شهر ماي في بوسعادة و عندي ملف كفالة ان شاءء الله فقط يدرسوم مليح و يعطوني الاعفاء

[bassa1988]

المشاركة الأصلية كتبت بواسطة seif algeriano

لا توجد دفعة في مارس بالنسبة لضباط الصف
فقط دفعة ماي او سبتمبر

مشكور أخي
أريد التطوع وإختيار هذه المدرسة
وكنت أظن بتاريخ 22 مارس

[seif algeriano]

المشاركة الأصلية كتبت بواسطة recteur31

الله يبارك ...اراء مليحة من عين المكان ربي يقدركم يا الخاوة انا تبدا خدمتي الوطنية في شهر ماي في بوسعادة و عندي ملف كفالة ان شاءء الله فقط يدرسوم مليح و يعطوني الاعفاء

ربي يسهلك خويا لعزيز

[daoud 2014]

السلام عليكم
انا عندي ماستر 2 و بوزيت الماستر في ديسمبر و عطاوني سورسي و انتهى في 15 جانفي و في جانفي ما جاتنيش بوردابيل كي رحت ليهم باش اندير متطوع قالي روح استناها حتان تجيك ما فهمت والو راني حاب نتهنى منها و حاب انروح في ماي بصح خايف ما تجينيش لوردابيل
ربي ايكون معانا اجمعين
و بالتوفيق للجميع

[seif algeriano]

المشاركة الأصلية كتبت بواسطة daoud 2014

السلام عليكم
انا عندي ماستر 2 و بوزيت الماستر في ديسمبر و عطاوني سورسي و انتهى في 15 جانفي و في جانفي ما جاتنيش بوردابيل كي رحت ليهم باش اندير متطوع قالي روح استناها حتان تجيك ما فهمت والو راني حاب نتهنى منها و حاب انروح في ماي بصح خايف ما تجينيش لوردابيل
ربي ايكون معانا اجمعين
و بالتوفيق للجميع

وعليكم السلام اخي
ادا كانت هده لوردابال الثانية لا تستطيع طلب متطوع ربما بعتولك وماوصلتكش !!!
زيد شوف عند الدرك ورجع ليهم

[bob000]

السلام عليكم خويا ربي يسترك حاب نسقسيك انا تقني سامي
عندي سماعة اذن ما نسمعش باليمنى (بالملف الطبي + اوراق السماعة) و راني حاير اذا نروح للكازرنا ولا نروح نشارع ...عندي 2 استدعاءات واحدا ما رحتش واحدا الثانية ما وسلتنيش واش تنصحني اخي الكرام الله يسترك

[seif algeriano]

المشاركة الأصلية كتبت بواسطة bob000

السلام عليكم خويا ربي يسترك حاب نسقسيك انا تقني سامي
عندي سماعة اذن ما نسمعش باليمنى (بالملف الطبي + اوراق السماعة) و راني حاير اذا نروح للكازرنا ولا نروح نشارع ...عندي 2 استدعاءات واحدا ما رحتش واحدا الثانية ما وسلتنيش واش تنصحني اخي الكرام الله يسترك

اخى ادا كنت فوت الفحص الطبي دير دوسي خير يقبلوخ ان شاء الله
ولوكان راك ماكش متقلب روح للكازيرنا وادي دوسي معاك بربي ان شاء الله تخرج معفى بسبب طبي