لنتشارك للتحضير بهدوء للشهر الفضيل

[صابرة2013]

بـــديـــــــت نـــقص في شـــويــــــة المصــــــروف كمــا طاجيـــــن الحلو كامـــل الأســـرة الجـــزائريـــة ديرو في رمضـــان
مــن دوك نبـــدا شراء "البرقــــوق" كمـــــا قـــول البعـــض "العيـــــن "كل مرة باكـــــي برك عنـــد شـــراء شوفـــي تاريـــخ الصنـــع
أشري جـــديـــد

[mina3]

بارك الله فيكم جميعا و في صاحبة الفكرة الف شكر لكل وحدة قالت فكرة لانكم افدوتوني خصوصا هذا اول رمضان راح نعقبوا مع زوجي

انا محضرت والوا من غير الجلبانة

و ايضا للي يستعملوا العجينة المورقة ممكن يخدموها و سقسموها و يخبوها كل مرة تجبدي غير وش تسحقي تخدمي بيها

[zahra30]

بارك الله فيك اختي ام راضية على الفكرة .... وان شاء الله نبلغو رمضان ونصومه بالصحة والهناء وربي يتقبل منا و منكم ...يارب
ما شاء الله على الاخوات افكار رائعة وربي يجازيهن بالخير ... وحالتي شوية السنة تختلف نصومو شوية في الصحراء والباقي في التل واش راح انديرو الحمد لله
تقريبا نفس الترتيبات نوجدو التوابل والفريك ضروري وبعض الخضر كيما الجلبانة والذرة والثوم( احنا نهرسوها مع الملح وشوية خل ) ... اللي ما يتوفروش ولا يكونو غالييين بصح اللحم والخضر العادية نستعملو الجديد وخاصة انو رمضان يجي في الصيف يعني الماء والمشروبات والفواكه هههههه
المهم كاش ما تفكرت حوايج نرجعلكم ..... بالتوفيق

[ام نسمة]

والله هادا وين شفت الموضوع دخلت نجري وقريت كامل الردود
والله الفكرة راها ممتازة وجات في وقتها انا مازال مادرت والو ...........لكن راه الوقت المناسب لقطف الزعتر البري وتنظيفه وتجفيفه كذالك الزعيترة كنت حطيت من قبل موضوع على الحشاوش تاع الحريرة هادا وقتهم انا الوالدة ربي يحفظها ويرزقها الجنة هي اللي تتكلف بهاد الموضوع وانا واختي ناخذو بلارتنا واجدين من عندها وزيد انا تبانلي التشيشة مازال خلو حتى يحصدو ويطحنو الزرع باش تكون عندكم جديدة الفرصة الان ايضا لتجميد الحمضيات برتقال ليمون اللذي يقل في رمضان خصوصا مع اقتراب العيد وان وجد يكون باهض الثمن ايضا سفرجل اشرو وقشروه ومباشرة حكوه بمورصو فارص وقطعو الشكل اللي حبيتو وكونجلوه وهناك فكرة قطعيه شرائح سميكة نوعا ما وقصيه بطوابع القاطو على جال ديكور طاجين الحلو جفو البصل مثلا اما تجفيف الثوم استنو حتى يدخل الثوم لحمر تاع البلاد وجفو على رواحكم اذا تفكرت كاش حاجة راني نرجع نكتبها

[أم ريمة*]

اقتراح حكيم نبدا بشراء كل الاشياء لى نستعملها و ممكن تخزنها فى الثلاجة مثل البرقوق والزبيب والمكسرات والعسل

[aynechamse]

شكرا على الفكرة
بارك الله فيك
اذا سمحتم لي سوف تكون البداية من عندي
اولا نحن في فصل الفول و الجلبانة وعليه الاسعار معقولة نحاول شراء كمية معتبرة و نقوم بتنفيتها و تنضيفها ثم الى البراد
ان شاءالله في الشهر الفضيل تكون حاضرة

[ام ظافر]

احببت ان اشارك بعض الافكار المجربة
التوابل اشري الكمية الي تحبيها انزعي شوي للاستعمال والباقي حطيه في المجمد تبقى جديدة وكانك هذا وين رحيتيها

الدجاج لما تنظفيه وتقطعيه قبل ما تخبيه تبليه شوي فقط (شمة ملح وفلفل اسود وسكنجبير وكسبر مرحي ووووو) غير شوي من توابلك وابتاعدي على الكركم والعكري والزعفران لانك ماتعرفيش واش راح طيبي بيه مرقة حمرة او بيضا والله نصحتني بهذه الطريقة امي وفرق كبير بين الدجاج الي نجمدو بدون تتبيلة وبين هذا الدجاج كل الاكل الي يجي بيه بنيييييييييييين

هذا العام رمضان راح يكون في فصل الصيف لا احب تجميد الخضروات والفواكه وهي متوفرة في وقتها مثلا الطماطم والفلفل راح يكونو بكثرة

والعكس لانو راح يكون رمضان مثل العام الماضي في السخانة نكثرو من العصائر لذلك نخبيو القارص والبرتقال الي راح يغلى الثمن تاعهم اكيد في الصيف ويولي خيال

وراح نعتامدو على العصائر الموسمية مثل المشماش والبطيخ وووووو

متابعة معكم

[منى ابراهيم]

ههههههههههه رديت بلا منشوف المشاركات يعطيكم الصحة ربي يخليكم راني استفدت منكم احنا نبداو في رمضان من شهر شعبان التحضيرات برك الجبانة نخبوها والفريك والمرمز نرحوهم هذا مكان وبما اني رايحة في ماي لداري الجديدة قررت نستعمل طرقكم في تحضير للشهر الكريم

[ANNA LEULMI]

حمستوني لرمضان نشاء الله نكونو من صيامو حتى نوفو ايامو انا نكونجيلي الجلبانة و نشيح النعناع في الضل باه يقعد اخضرو مبعد رحيه و نغربلو لشربة الفريك كي نجي نطفي عليها نحط شوية فيها مع الدبشة و الفلفل الحار وما نخلوهاش تغلى باه ما يكحالش النعناع والدبشة و زيد نسحقوه حتى في لا تاي و زيد ما تلقيشو في رمضان بكثرة نشاء الله راني افدتكم بحاجة

[ام ساجد]

يعطيك الصحة يا ام راضية على الموضوع
انا نخبي الجلبانة لان زوجي لازم ياكل الجلبانة قي رمضان تقريبا يوميا نستعملها
على بيها نشري كمية كبيرة نقيها ونغسلها ونخبيها في الساشيات هل هذه
الطريقة صحيحة ولا لا ولي عندها طريقة اخرى تفيدني بيها

[مريم المتفائلة]

شكرا واللهم بلغنا رمضان وهذا الشهر الفضيل لا يوجد مثله شهر فنستغله

[مريم المتفائلة]

مي راني متوحشة الخدمة في رمضان

[serine alger]

شكرا لصاحبة الموضوع .حقا موضوع رائع يهم كل العضوات

[janino]

موضوع جا في وقتوا شكرا اختي ام راضية على الطرح المفيد كامل عندنا هذ العادة و هي التحضيرلللشهر الكريم ملي كنا صغار نشوفو امهاتنا يحظروا ووجدو بصح كانت الناس تحظر كان شوي الرخص بصح ضرك الناس عادت تشكي من الغلاء الفاحش للخضر و الفواكه كنانخبوا الفلفل لحلو تاع الحميس كان يدير 50 دج للكيلو ضرك راه 150 دج والله الناس كامل تشكي ربي يكون في عون الخلق المهم كل واحد يوجد بمقدورو و لازم نركزوا في عباداتنا اكثر م رمضان راه يجيب خيروا معاه متخموش لي عودة نقلكم على زوجي و رمضان

[om hala]

السلام عليكم اخواتي بارك الله فيك اختي ام راضية انا جد متحمسة للفكرة ومتابعة معكن بحول الله ، بخصوص الجلبانة انا بهاذ العامين اعتمدتها لانه رمضان يجي بالصيف ومثل ماقلت الاخت المشرفة بخصوص البرتقال والليمون فكرة جميلة انا عن نفسي لما يقرب رمضان نرحي الطماطم والثوم والبصل اضعهم فى علب التجميد المخصصة ولاداعى كل يوم وانا نرجي فيهم ثاني شئ مثل ماذكرت الاخت بخصوص ال menu انا اعتمدته العام الى فات والى قبله وروووعة نحس نفسي جاهزة وغير محتارة وحتى كل شئ موجود بوقت قصير مع لى عودة ببعض الافكار الجديدة التي لااستغني عليها


اللهم بلغنا رمضان موفقات اخواتي