حلوى بالفرماج لديدة كثير وسهلة واقتصادية من مطبخي - الصفحة 4

النرجووسة · 2015-02-25, 13:56

السلام عليكم
جبتلكم حلوى الفرماج كاين منبكري كنا ندروها كاين ليرمدها فالقفريط وهدا المرة حبيت نرمدها فسكر قلاسي اممممممممممممم وهي حلوى اقتصادية وسهلة جدا نروحو للمقادير
225 زبدة
2 مغارف كبار سكر
1 خمارة القاطو
5 فرماجات
الفرينة باش نلم

سكر قلاسي للتزيين

الطريقة
نخلط الزبدة والسكر حتى نتحصل على كريمة ونضيف الفرماج والخمارة وبعد دالك نضيف الفرينة ونلم العجينة الصور توضح اكثر

نحط الزبدة والسكر ونخلط على تتجانس ونضيف الفرماج مثلثاث ثم الخمارة واخيرا الفرينة ونلم العجينة حتى نتحصل على عجينة شوية طرية

ونشكل حربوش ونقطع على شكل مقروطات انا ستعملت الرشامة نتاع المقروط باش يجوني متساويات

هنا كاين صورة كي قطعت ودرتهم فالبلا بصح محبتش تخرج دوك نحاول كل مرة