الى ام اسيد1 وكل وحدة حاصلة واش الطيب - الصفحة 4

صدفات · 2014-09-16, 15:09

راني شفت الدولمة والله عجبتيني ماكاش قليان وتبان بنينة غادي نجربها بالفلفلة خضرا معمرة عمري ما درتها في المرق انا نشويها نقيها ونعمرها و نستفها في طبق ندير عليها صوس طماطم وندخلها فالفرن.و نزيد معاها البطاطا المقلية العضو الدائم هههههههههه

ام محمد انيس · 2014-09-16, 16:24

Rani men motatabiik mais le calavier tai mafihch arbia c'est pour ca naadjez nekteb

ام حمزة22 · 2014-09-16, 17:26

اقتباس:

المشاركة الأصلية كتبت بواسطة sidali 2007

صباح لخير ام حمزة يعطيك الصحة انا راني نتبع فيك من وراء كوليس هههههه غير كملي
كل ليوم نضرب طلة وان شاء الله ريحة نتبع طريقتك بارك الله فيك

صباح الانوار شكرا على الرد هادا يشجعني بارك الله فيك كملي طلي علية غير مالعوينة راكي مسامحة

اقتباس:

المشاركة الأصلية كتبت بواسطة صدفات

يعطيك الصحة أختي ام حمزة على المجهود انا من محبي الخرشف خصوصا لما قريت على فوائده الغذائية فهو يساعد الكبد على تطهيرالجسم من السموم على هذا انا لما نقيه نحتفظ بالاجزاء الخارجية نقيهم و نديرهم في مرق الطعام(الكسكس) نهار الجمعة يعطوا بنة مليحة و فائدة. .

الله يسلمك اختي
عندك الحق الخرشف عندو فوائد كبار ولهادا اقنعت ولادي باه يكلوهبصح يكلوه غير بالباطاطا

اقتباس:

المشاركة الأصلية كتبت بواسطة صدفات

راني شفت الدولمة والله عجبتيني ماكاش قليان وتبان بنينة غادي نجربها بالفلفلة خضرا معمرة عمري ما درتها في المرق انا نشويها نقيها ونعمرها و نستفها في طبق ندير عليها صوس طماطم وندخلها فالفرن.و نزيد معاها البطاطا المقلية العضو الدائم هههههههههه

حبيبتي صدفات الفلفل يزيد النص في الضولمة جربها و رديلي بالخبر
ندير ضولمةفالكوشة بصح ما ندرلهاش الفلفل ندير غير القرعة والبطاطاونديرلها صوص بيشامال والفرماج جي روعة

اقتباس:

المشاركة الأصلية كتبت بواسطة ام محمد انيس

rani men motatabiik mais le calavier tai mafihch arbia c'est pour ca naadjez nekteb

شكرا ام محمد انيس بارك الله فيك
انا حبيت نساعد وما لقيتش الردود قلت الموضوع مايهمش

ام ظافر · 2014-09-16, 20:04

لالاغير كملي اختي ام حمزة راهم يتبعو كامل فيك ولكن يتفنينو على الرد
ماتحرميناش من وصفاتك

ام حمزة22 · 2014-09-16, 20:14

شكرا على للتشجيع ام ضافر بارك الله فيك

صدفات · 2014-09-17, 09:13

صباح النور اختي أم حمزة اسعدني ردك واصلي ما تبخليش علينا بتدابيرك حبيت نقولك راني جربت الفلفلة معمرة مرق درتها مع البطاطا والكورجات عمرتهم بالداند مطحون جات روعة الفلفلة عطات نكهة هايلة للمرق حبوها الاولاد وأبوهم .

ام حمزة22 · 2014-09-17, 09:32

صباح الانوار حبيبتي
بصحتكم مطرح مايسري يمري
اسعدتني بردك وساواصل بادن الله

ام حمزة22 · 2014-09-17, 10:11

سلام
طبق اليوم هو من المعجنات (المقرون)
طريقتي في تحضير الصوس هي نقطع طوماطيش بعد ما نحيلها الزريعة ونضيف حبة بصل نقطعها طراف كبار كيما راهي تبانلكم نضيف سنينات ثوم ورند وعكري وطماطم مصبرة ملح و فلفل اكحل ونضيف كمية معتبرة من الزيت
هنا نضيف كمية قليلة من الماء حوالي كاس ونص او2
طابت المرقة ديالنا
نرحيها بالخلاط الكهربائي او اي رحيوة تكون عندنا وهادا طبعا بعد ما نحي الرند مالمرقة
وهادي نصيحتي للمبتدات لازم المعجنات كي طيب نشللها مليح بالماء البارد باه ما تبقاش معجنة وتتلاسق

شكراااااااااااا على المتابعة

صدفات · 2014-09-17, 10:28

مممممممممم جوعتيني طبق ساهل إقتصادي ويبان لذيذ و هاذا ما يحبوا الاولاد خصوصا مع الجبن مرحي شوفي اختي أم حمزة انتي حطي الطبق في الصباح و انا نطبقوا في المساء.

سمسومة 05 · 2014-09-17, 10:28

يعطيك الصحة روووووووووووووووووعة ومشكورة على مجهوداتك

ام حمزة22 · 2014-09-17, 10:53

اقتباس:

المشاركة الأصلية كتبت بواسطة صدفات

مممممممممم جوعتيني طبق ساهل إقتصادي ويبان لذيذ و هاذا ما يحبوا الاولاد خصوصا مع الجبن مرحي شوفي اختي أم حمزة انتي حطي الطبق في الصباح و انا نطبقوا في المساء.

ما يكون غير خاطرك حبيبتي
وبهاد الطريقة اي طريقة الصوس البنة ديالو ما تحتاجش الجبن
صدقيني ولادي كل ما يكلو المعجنات يقولولي اليوم جا هايل وقيلة كثرتي الفرماج ههههه
ما نكدبش عليك ساعة نديرو بالفرماج ساعات ﻻﻻ
ونديرو في الكوشة بالبيشامال والجبن بنتو جي لا تقاوم ههه

ام حمزة22 · 2014-09-17, 10:58

اقتباس:

المشاركة الأصلية كتبت بواسطة سمسومة 05

يعطيك الصحة روووووووووووووووووعة ومشكورة على مجهوداتك

الله يسلمك
مرورك اسعدني وزادني تسجيعا
مشكووووووووورة

ام ظافر · 2014-09-17, 11:43

صباح الخير ام حمزة
لما تخلطي الصوص والمقارون ترجعيه يتجمر شوي والا تسربيه مباشرة في الاطباق لانو المقارون راكي بردتيه بالماء
عندي شوي مرقة زيتون لراجلي ونكمل بالمقارون ان شاء الله للاولاد يحبوها

بوقوطي · 2014-09-17, 18:54

السلام عليكم أختي الفاضلة بارك الله فيك وفي بيتك
عندي فقط سؤال : هل يستهلك هذا الطبق في المساء كذلك أقصد صباحا ومساءا
مشكلتي أن الأولاد لا يحبون نفس الأكل صباحا ومساءا
وشكرا

ام حمزة22 · 2014-09-17, 19:40

اقتباس:

المشاركة الأصلية كتبت بواسطة ام ظافر

صباح الخير ام حمزة
لما تخلطي الصوص والمقارون ترجعيه يتجمر شوي والا تسربيه مباشرة في الاطباق لانو المقارون راكي بردتيه بالماء
عندي شوي مرقة زيتون لراجلي ونكمل بالمقارون ان شاء الله للاولاد يحبوها

عدرا حبيبتي هدا وين دخلت وقيلة راح الحال بصح ماعليش ا نجاوبك نجاوبك على سؤالك صح المقارون بردتو بصح نخليه حتى قريب يجو ولادي يفطرو نسخنو شوية
اعتدر مرة ثانية

اقتباس:

المشاركة الأصلية كتبت بواسطة بوقوطي

السلام عليكم أختي الفاضلة بارك الله فيك وفي بيتك
عندي فقط سؤال : هل يستهلك هذا الطبق في المساء كذلك أقصد صباحا ومساءا
مشكلتي أن الأولاد لا يحبون نفس الأكل صباحا ومساءا
وشكرا

وعليكم السلام اختي بارك الله فيك
انا نطيب فطور وعشاء وهاد الطنجرة نسخنها في وقت الفطور وكي تبرد الطنجرة نحطها في الثلاجة باش ما يقراصليش المقارون وفي العشاء نسخنو غير على نار قلييييييييلة واش نقلك لعشية يزيد بنة على بنة
شكرى على المرور الطيب