جيبي مشينتك و ارواحي .....سطايفيه

[عبده ونتيك]

اختي السطايفية جاوبيني ربي يعطيك دنيا وآخرة ما كنتي مثل ماكنتك singer20U43 حبيت نطرز بيها السنين مزيرين يتنحاوش كي ندير الغرزة الصفر الاسنان ماينزلوش راهو كاين مشكل بصح انا ما عرفتوش ربي يسترك جاوبيني راني في حيرة

[crono]

المشاركة الأصلية كتبت بواسطة عبده ونتيك

بارك الله فيكم ماشينتي جديدة والسنين مزيرين حبيت نطرز بيها كي ندير الغرزة في الصفر السنين ما ينزلوش راني سرقت معاها ماشينتي كبيرة صناعية 20u43 من فضلك اختي السطايفية جاوبيني وين المشكل ربي يعطيك دنيا واخرة

المشاركة الأصلية كتبت بواسطة عبده ونتيك

اختي السطايفية جاوبيني ربي يعطيك دنيا وآخرة ما كنتي مثل ماكنتك singer20U43 حبيت نطرز بيها السنين مزيرين يتنحاوش كي ندير الغرزة الصفر الاسنان ماينزلوش راهو كاين مشكل بصح انا ما عرفتوش ربي يسترك جاوبيني راني في حيرة

صباح الخير اختي السطايفية استقالة من المنتدى
تقدري متننزعش القدم راني صورتلك هادي بيسة ديرها باش نغطي الاسنان الي لتحت تقدري تطرزي بلاما تنحي الاسنان حطيلها هاد بياسه [IMG][/IMG]

[عبده ونتيك]

بارك الله فيك اختي كرونو راني درتي فيا خير كبير بصح الماكنات كامل كي اديري الغرزة فالصفر الاسنان ينزلو وحدهم لذا راني حابة نعرف وينو العطب فماكنتي وعلاش كي ندير الغرزة فالصفر الاسنان ماينزلوش جاوبيني اختي كرونو لانو ماكنتي ماهيش مريقلة نعتيلي بالصور كيفاش نريقلها ونبقى ندعيلك دنيا واخرة

[lila2007]

المشاركة الأصلية كتبت بواسطة stayfiya

السلام عليكم و رحمة الله و بركاته

كيف الحال و الأحواال

اليوم حبيت ندير موضوع خلي نسميوه حصة تعارف ههه

ماشي باش نعرفكم على السطايفيه بصح على ماشينه السطايفيه ههههه

و نتي ثاني صوريلنا مشينتك و عرفينا عليها و احكيلنا على ميزاتها و مشاكلها

ممكن راح نفيدو بعضانا و يستفاد حتى لي يمر على الموضوع دون مشاركه

انا عندي زوج ماشينات وحدة سانجار 20U43 اندوستريال مليحة مساعدتني

فوور و الثانيه مشينة السورجي

https://www.djelfa.info/vb/showthread.php?t=1307493

هاذي السانجار حبيبتي شريتها كيييما خرجو ب 3ملاين و 800

رحت حوست على قصة حياتها هههه قالولك راهي تخلقت في 1790 اخترعها اسحاق سانجر (يعطيه الصحه ) و كانت بالخشب و من بعد بدات تطور و يتغير شكلها و حجمها كل مره حتى ولات بالفولاذ

و هاذو لبياسات لي يجيو معاها

رقم1 هوما ليباري تاوعها مالازمش نغلط في لاريفيرونس DP*°5

هاو مثال في الفرق

تغلطي ماتخيطلكش

و الرقم مايهمش 14 للقماش رقيق و 16 للخشين و كاين نوع للبيزو بيزو هذا

نرجعو لصورة لبيااسات

رقم 2 و 3 و 4 نستعملوهم كي نبدلو رجل المشينه

باش يتوافق معاها

كاين لي نستعملوه في خياطه دروات معناها خط واحد رقم 8

و 9لزيقزاق و 7 للازرار و 5ؤ6 هاذاك للخياطه لخشينه مثل بساط بلاوات الرجل نركبو فيها لبياسه لي قدامها باش تحددلنا المسافه بين الحاشيه و لخياطه باش تمشي قدقد و ماتهربيش من و من ههههه

10 هاذيك لبياسه تستعمليها كي تكوني رايح تطرزي بالطمبوله و ماديريش في هاذي الحاله حتى رجل اوكي

و رقم 11 غنيه عن التعريف هي لا كانات

رقم 1 هو لي نحددو بيه عرض الزيقزاق نتاعنا و كاين بولون من فوقو يثبت الدرجة لي نخيروها و تقدري تتحكمي بيها بلوبيي دبيش يجي اسفل المشينه

و رقم 2 هذاك يحددلنا النفدة تاعنا كلما حبينا نكبرو نزيدو رقم

رقم 3 بيه نحددو وضعية الابره في النص او اليمين او اليسار

رقم 4 هذاك بوان داغي هههههه هو نوليو بيه للخلف باش نثبتو لخياطة كي نبداو و نخلصو

و هذي صوره توضح مسار الخيط

هاذ الفيديو يوضح كيفاش تمشي

https://m.dztu.be/watch?v=JWxIhiSQnno&rdm=z8jrd2ch&client=mv-google&layout=tablet

نصيحه في الاخير المشينه نتاعك لااااازم تنظفيها كل اسبوع من خارج و من داخل و تزيتيها و لو تطلب الامر تفتحي غطاها و تقطريلها الزيت و لكان ماتعرفيش تخدمي بيها اتعلمي وحدك بالتجربه تتعودي عليها و ساعفيها و استحفظي بيها باش تدووووووم و تدوووووووم و تدووووووووووم هههه

انتهى

و انتي واش تحكيلنا على مشينتك ههههه

معليش صوريهالنا برك و حطيها مع صحاباتها

[CENTER]

merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiii

[minaalger]

انا غير كيما شريو ماشينة jack f 4 بصح مزال منعرفش نيتعملها

[كتابي انيسي]

السلام عليكم الاخت السطايفيه اود استفسارك بخصوص ماشينتي وهذيهي نوعيتها simsstex S-T20u63Sالتي في الصورة وهي جديده ومعرفتش نمشيها انا الي كانت عندي القديمه سانجر

[امي حبيبة قلبي]

اختي السطايفية عندي مشينة سانجر سوبر زيق زاق مهبلتني تقطع الخيط وما حبتش تخيطلي وش هو الحل مع انها جديدة وربي يبارك فيك حبيبتي

[djazia87holi]

والله يا اختي لحد الان ماشفتش مودال بالبياسة هده مي نبحثلك وانشاء الله نلقالك او الاخوات

[rahille]

انا ايضا اختي الحقيقة اني لم اره ولم اسمع به من قبل انشاء لله تدخل وحدة من شاطرات المنتدى وتنورك وتنورك ونعرفوه بسببك

[stayfiya]

ياختي والله جامي شفتها شفت المودال تاع البابيونات يجي داير على الرقبه كول باتو نتي استعمليهم كي لي ستراس ديكوري بيهم و صاي ولا ابلاسيهم في صدر كروشي بويسك مخدومين بنفس الخيط نشالله يفيدوك لي شايفين المودال و يسهلو عليك البحث