دورة فراشات تزهو بالألوان بيوتهن قمة في النظافة و التنظيم و التدبير و الاتقان

[فرحة العمر]

شوفي حالتها الله يخليك طمنيني
[IMG][/IMG]
[IMG][/IMG]

[فرحة العمر]

سامحوني كثرت عليكم بصح مضطرة وعلابالي إذا درتو موضوع مانيش رايحة نلقالو صدا كيما ليقيتو عندكم
نطلب من صاحبة الموضوع تسامحني

[ام هزار]

اختي الكريمة فرحة العمر ربي يفرحك بشفاء بنتك في اقرب وقت اااااااااااااااميييييييييييين
والله غير رايحة نبكي لما سمعت و شفت ذراع بنتك .......اللهم يا رب يا حنان يا منان بجاه الحبيب العدنلن اشف بنت فرحة العمر شفاء لا يغادر سقما عاجلا غير اجل يا رب انك ولي ذلك و القادر على كل شيء
اعملي بنصائح الاخوات اللي عندهم تجربة ....... و خرجي معروف في السر بلا ما يسمع بيك اي واحد بنية شفاااااااااااء بنتك و انتظري البشرى باذن الله تعالى.......... لا تنسي الدعاء .قلبي معك يا اختي

[ام مؤمن]

المشاركة الأصلية كتبت بواسطة فرحة العمر

أختي سامحيني ثقلت عليك
ممكن نصورلك ذراعها وقوليلي حالتها طمن ولا لا والله خايفة من باباها وعجوزتي لا يطلقوني حابة تبرا قبل مانرجع لداري

سامحيني اختي راني خرجت من المنتدى و دائما نخلي حسابي مفتوح و درك وين رجعت

اطمئني اختي جرح بنتك ماهوش خطير ان شاء الله الحرقة صعيبة حتى و اذا كانت صغيرة

شوفي ديريلها زيت الضرو كيما قلتلك عوميلها يدها و ديريلها 3 مرات في اليوم ان شاء الله في يومين ينشف الجرح و يدير قشرة و اذا شفت حالتها ساءت لقدر الله خديها للمستشفى فورا

الحرقة تبان من الدرجة الاولى يعني ماش كبيرة بزاف و لكن لا احد يعلم اذا كان الجرح عميق انت تقدري تعرفي اذا كان هناك تحسن او تدهور لقدر الله

و من هنا للغد ان شاء الله تتحسن اذا بدا الجرح يشيح و ينشف و يدير قشرة معناها راهي في تحسن ان شاء الله و هي تلقايها ركحت و ارتاحت و تولي ماتبكيش

اذا كمن راحة تقعدي عند اهلك ايامات ان شاء الله رايحة تطيب و روحي معاهم غير بالسياسة هذه طفلة صغيرة و ربي كتبلها

حتى اذا زوجك غضب عليك اسكتي عليه و اخلاص كي تطيب بنتك ان شاء الله ينسى و ان شاء الله مايكون غير الخير

انتظرك غدا صباحا تطمنيني عليها ان شاء الله و ماتنسايش زيت الضرو المفروض انك درتيه ديجا

ربي يكون معاك اختي و الله يجيب الخير

[oum sabrin]

مساؤكم سعيد حبيباتي اتمنى تكونو بألف خير

المشاركة الأصلية كتبت بواسطة فرحة العمر

السلام عليكم
عندي سؤال ونتمنى متبخلوش عليا
بنتي في عمرها عام ونصف وتحرقت من ذراعها كي ديتها للسبيطار غسلوهلها ونحاولها القشور وقالولي كل يومين جيبيها نغسلوهلها
بصح أختي قالتلي متزيديش تديها ونحخليها الضمادات يعني متغطيهش
اللي عندها فكرة تقولي نديها ولا لا ونغطيهولها ولا لا الله يخليكم جاوبوني ربي يبقي الستر على ولادكم والله قريب نموت من الخلعة

أهلا أختي فرحة العمر
اتمنى تكوني بخير و ربي يكون معاك لا بأس على بنتك راني حاسة بيك و الله غير قطعتلي قلبي لأنو صرالها كيما بنتي صبرين كان في عمرها 3سنوات انحرقتلي في يدها كذلك بالشربة كي نقولك قريب ما هبلت بكات بزاف انا الحاجة الاولى درتلها ماء قلاصي باش نخفف عليها الالم و ديتها للمستشفى دارولها كيما بنتك و قالولي جيبيها تبدل الضمادات انا نقولك درت كيما قالولي يعني كنت نديها تغير الضمادة حتى قالولي نحيهالها كانو يديرولها labiafine كريمة خاصة بالحروق و بقيت نديرهالها حتى بعد ما نحات الضمادة و راحتلها لاسيكاتريس نهائيا و الحمد لله
انا نقولك تبعيهاو أعطيها efferqlgqn rباش ما يجيهاش السطر و الحمى و ترقد مليح ما يكون غير الخير عليها ان شاء الله
و كيما قاتلك الأخت ام مؤمن زيت الضرو تان قالولي مليح و لكن ما جربتوش ما حبيتش نخلط مع االكريمة

[ام مؤمن]

[size="5"]اختي ماقلتيناش واش حرقها ربي يشافيها ماء سخون او ماذا

شوفي انا حتى نبرا ذمتي امام الله نقولك

انت قلتي تديها للمستشفى كل يومين يغسلولها و يغيروها انت ديريلها الزيت اليوم و غدوة و شوفي معاها

اذا لقيتي الجرح نشف و شاح ممكن يديرولها نبايل و بدات تتشكل قشرة ماتخافيش راهي في تحسن ان شاء الله

و اذا لقيتي الجرح مارايح غير و هو يزيد و مانشفش و يسيح بالماء ماتتهاونيش و خديها للمستشفى و خبري زوجك عادي باش مايقولش خبات عليا و يغضب عليك

المكان حساس و الصورة ماش كيما الواقع ربما كي تطبق يدها مايرتاحش بسرعة و ربما لانها طفلة صغيرة ممكن ترتاح بسرعة
نطلب من الله عز و جل ان يسارع في شفائها ربي يحفظها و يشفيها و شوفي معاها و قلبك دليلك

انا هكذا درت اللي نقدر عليه و نتمنى يفيدوك الاخوات و لا تنسي الدعاء و التضرع لله و مابقالي غير ندعيلها ربي يعجل شفائها ان شاء الله

و طمنينا عليها كل وقت و تصبحي على خير اختي صلي ركعتين او صلاة الحاجة و اطلبي ربي يستجيبلك سبحانه حنين كريم[/size]

[ام رقية74]

اختي فرحة العمر ربي يشفي بنتك ان شاء الله ...وجعني قلبي كيف شفت الصورة

مثل ما قالت الاخوات اعملي زيت الضرو فهو مفيد جدا و عن تجربة مثل ما قالو البنات

ربي يشفيها يارب و يخفف عليها ايضا ماتنسايش اعطيها الجيفان او ابيبروفان على السطر و السخانة

[ام رقية74]

السلام عليكم ....

اخواتي بارك الله فيكم ..ما تشوفو شر ان شاء الله ....و ربي يشفي كل مرضاكم و يخفف عليهم

اختبي ام مؤمن ربي يعطيك ما تتمنى و يرزقك من واسع ابوابه يارب ....

سلامي للجميع الى الغد ان شاء الله

[chez biba]

السلام عليكم ورحمة الله وبركاته

اختي فرحة العمر ربي يشفيها ما تقلقيش ان شاء الله ما يكون غير الخير هو صح لحريق صعيب وزيد صغيرة ما تتحملش مبصح لحمها راح يبرأ بالخف ديري كيما قالتلك اختي ام مؤمن على زيت الضرو راهي كفات ووفات ربي يجازيها خير عن تجربة راهي مفيدة وكانت نصحتني بيها حبيبتي زينب وجابت نتيجة
ننصحك برك ما تخليهاش تكسل يدها طبقيهالها ساعة على ساعة ولو انو يوجع باش كي ترتاح ما يتلمش لحمها لانها منطقة حساسة،
انا بنتي كي كانت صغيرة تحرقت على يدها دارتلها pommade FLAMMAZINE هي تاع الحرق وارتاحت بلا cicatrice والحمد لله
مرة اخرى ربي يشفيها

حبوبة الحمد لله كي راكي بخير فرحت كي شفت اللون الوردي ، في انتظار رجوعك وجديدك طبعا

ام منال كي تدخلي جيبي معاك ولي أمرك انا راني جبت ولية امري وتسلم عليكم ههههه

[ام الخير 05]

صباح الخير عليكم فرحة العغمر ربييشفيلك فلوستك وسلام لكل الفراشات راني كنت غايبة عليكم مدة طويلة لكن رجعت الان حبيبتي حبية انشاء الله راكي مليحة كنت غايبة لكن القدر القليل اللي اديتو من عندك نفعني بزاف راني ما نيش عارفة وين راكم لكن من حين لالخر راح نطمن عليم سلامي للجميع

[أم أيوب 11]

صباح الخير عليكم جميعا ان شاء الله تكونو كامل بخير

أختي فرحة العمر ربي يشافيلك بنتك

أم مؤمن يسال عليك الخير كيف حالك

[ام اكرم31]

صباح الخير حبيباتي
اختي ام صبرين وام نسيبة شكرا لكم على الافكار الرائعة عجبتني بزاف

اختي سمراء الدنيا فرحت كي شفتك دخلتي للدورة يعجبوني افكارك واستفدت منهم بزاف خاصة طريقة 10د لكل غرفة راني ماشية بها لحد اليوم
اختي فرحة العمر ربي يشفيلك بنتك

[فرحة العمر]

[IMG]https://www.e3lm.com/wp-*******/uploads/2014/11/%D8%A7%D9%84%D8%B3%D9%84%D8%A7%D9%85-%D8%B9%D9%84%D9%8A%D9%83%D9%85-%D9%88%D8%B1%D8%AD%D9%85%D8%A9-%D8%A7%D9%84%D9%84%D9%87-%D9%88%D8%A8%D8%B1%D9%83%D8%A7%D8%AA%D9%87-3.gif[/IMG]
نشكر كل وحدة ردت وطلبت من ربي يشفيلي بنتي
هي تحرقت بسبب المدفأة قاستو فقط في الأول مبانليش لأنها بكات شويا وسكتت درتلها الماء البارد والحبر لأنو كنا في الليل ومعنديش اللي يديها للسبيطار
بدا ينشفلها وهي راهي تلعب والله اللي يشوفها يقول ما تحرقت

[سمراء الدنيا]

[أمة الله 84]

صباح الخير على الحباب
إن شاء الله تكونو بخير يارب
أختى فرحة العمر الحمد لله على سلام إبنتك