مسابقة اعوان و ضباط اعادة التربية لادارة السجون

[العنوان الضائع]

المشاركة الأصلية كتبت بواسطة kamilyano

السلام عليكم
ايها الاخوة و الاخواة اعضاء المنتدى و متتبعي النتائج الخاصة بادارة السجون بكل حرص وامل
اخبركم و من مصادر مقربة ان النتائج قد حضرت و لم يكشف عنها بعد وذللك لاسباب ادارية متمثلة في عدم جاهزية مركز القليعة الذي سيتولى هذا العام الاشراف عن هذه الدفعة و ستكون النتائج في الاجل القريب انشاء الله
و كل من لديه (معريفة ) يستطيع معرفة نجاحه لان هذه النتائج رسمية و مصادق عليها من جميع الاطراف (المديرية - الوظيف العمومي)
اما نحن فنترقب و حسبنا الله

برك الله فيك

[العنوان الضائع]

المشاركة الأصلية كتبت بواسطة نورالدين نورالدين

انا سمعت بلي راني ناجح من طرف شخص عندو صاحبو خدام في المديرية وقالو عليا بلي راه ناجح اذا ما عاودوش لعبو في لاليست و النتيجة رااهم اخروها باش يديرو التربص في القليعة لكن اذا ما وجدش مركز القليعة قبل نهاية الشهر راح يكون التربص في المسيلة

اما فيما يخصني انا فو الله راها تالفتلي مارانيش عارف اذا راني حاب ننجح او لا بالرغم من اني مضطر نحدماي شيء
حتى الناس اللي نعرفهم خدامين في القطاع نصحوني باش ما نخدمش فيه
وزيد الفتوى اللي جاتني من ادارة الشيخ فركوس ودرتني خلاص

الف مبروك اخي

صلي صلاة الاستخارة اخي و ادعو الله و لا تخف من شئ قد كتبه الله لك

موفق

[mourad milano]

في بالي هدرت بالعربية وقلت انو التربص في المسيلة بالنسبة للطباط. وهدرة رسمية لان شفت التيليقرام بعيني وقالي مانطيهلكش حنا نبعتمهلك ودوك خلاص مكانش تلاعب القيمة واجدة والتربص مسيلة واش من قايعة هدي لي.راكو تهترفو عليها

[mourad milano]

والله والله والله غير.شفت. بعيني ولا كعريفة لا والو رحت وحدي للمديرية العامة والتربص مسيلة.رسميا مكانش قليعة خلاص.

[samibadluck]

المشاركة الأصلية كتبت بواسطة mourad milano

في بالي هدرت بالعربية وقلت انو التربص في المسيلة بالنسبة للطباط. وهدرة رسمية لان شفت التيليقرام بعيني وقالي مانطيهلكش حنا نبعتمهلك ودوك خلاص مكانش تلاعب القيمة واجدة والتربص مسيلة واش من قايعة هدي لي.راكو تهترفو عليها

خويا مراد و الاعوان في المسيلة ثاني ؟؟

[قلم حائر]

نجد أن بعض الاخوة في تردد
قل لن يصيبنا الا ما كتبه الله لنا
واش نقولكم لحب يروح يخدم يروح ولي محبش ميروحش وزيد كل الاعمال فيها الخير والشر
من هو متردد فيصلي صلاة الاستخارة ويذهب
ا ام عن الفتوى فلو نتعمق في هدا الموضوع فهو طريق طويل وكل الاعمل هكذا فيها شبة لندع امرنا للخالق
ربي يوفق الجميع

[نورالدين نورالدين]

mourad milano

ماتديش الهدرة على صدرك خويا وماحد ماراهو يكذب فيك
احنا من النهار لي جوزنا فيه المسابقة سمعنا انو التربص راح يكون في القليعة اذا كا ن المركز واجد وهذا نفس الشيء اللي زدنا سمعناه في هذو الايام و عادي انك تشوف التيليغرام فيه المسيلة مادام مازال مابعثوهش قادر يتغير

[mourad milano]

انت راك تجيب فالهدرة. تع الناس قتلي وقالولي ادي صحيح صاحبي فالمدرسة نفكرك وشكون قال فالقلية نهار المسابقة هدوك وين علابالهم وكيد المسيلة رتها دايما للطباط قليل وين يدهم للسور قليعة هدي مكانش مها خلاص سعفني صاحبي انا متاكد واش نهدر ونزيد ناكدلك مدير. المدرسة. تع مسيلة وليد بلاد صاحبي نجح قالو اك تجي عندي واش تحب نزيدك كثر من هكا

[oussama19872009]

السلام عليكم جماعة
قبل كل شيء الله يوفقنا جميعا ان شاء الله
ثاني شيء اخي بما انك لا تريد هادا العمل و يراودك الشك فلمادا دفعت الملف اصلا و اجتزت المسابقة
و الان لا تريد الذهاب كنت تخلي مكانك لاخر محتاج مين ماراهش عينك ثالث شيء هل كل الضباط يفوتو التربص في المسيلة كيما حنا اصحاب الغرب فوتنا المسابقة في بلعباس هل سوف يكون التربص هناك ايضا

[mohammed2927]

المشاركة الأصلية كتبت بواسطة mourad milano

انت راك تجيب فالهدرة. تع الناس قتلي وقالولي ادي صحيح صاحبي فالمدرسة نفكرك وشكون قال فالقلية نهار المسابقة هدوك وين علابالهم وكيد المسيلة رتها دايما للطباط قليل وين يدهم للسور قليعة هدي مكانش مها خلاص سعفني صاحبي انا متاكد واش نهدر ونزيد ناكدلك مدير. المدرسة. تع مسيلة وليد بلاد صاحبي نجح قالو اك تجي عندي واش تحب نزيدك كثر من هكا

على حساب قولك يا مراد رك صحيح و انا رني مامنك........

مراد نت ربحت ضابط مم صاحبك مي متزعفش ربحت معريفة و لا نجحت واش خدمت في الامتحان باش نعرفو رواحنا و سمحلي كاين لقالي الضباط المعريفة. و اعوان كي جات جات....على بالي كلشي على ربي.
واش من اختصاص ربحت فيه ضابط تع 187 ولا تع 100 و سمحلي هدا مجرد كلام لا غير.

[mourad milano]

نعم الحمد لله معريفة ربي كاش كيما هي انا نعرف روحي مليح اخ محمد راضي بقضاء الله بالرغم مطلوم بزاف فهاد بلاد كيما ناس بزاف لكن هدا لي رزق ربي. علما نسحق خير من هاك واذا تلاقينا تعرفني مليح وتعرف طروفي وتعرف واش سوفريت باش صحنا منصب هذا وتشوف لمعارف لي عندي يا يا سي محمد لان لو كانت المعريفة نشوف بيها حاجة خير في بالي ماشي ادارة السجون وعلى كل حال تزعفش من هدرتي

[dib1988]

السلام و التحية للاعضاء....التردد امر عادي و ليس فيه اي عيب لان اجراء المسابقة شيء والعمل في السجون شيء اخر.
المهم ان نتحاور باحترام و لانحكم على بعضنا بعض.
و في حالة عدم انتقال احد الناجحين الى مركز التريص فكما تعلم انهم يمرون الى القائمة الاحتياطية .ولا يبحثون عن واحد بطال من اجل ادرجه.
ادا نجحنا يجب ان نعلم جيدا انه نظام عسكري و يمكن ان تحبس لمدة 8ايام في حالة ارتكابك لخطا ....هدا ليس كلامي و انما هو القانون لسنة 2008المنظم لهده المهنة.
زيادة عن دالك ستعمل خارج الولاية التي تقطن بها هدا يعني ان الاجر لاباس به لكن ستصرف نصفه في العودة الى الاهل .
سنعمل مع اخطر الناس اجتماعيا اخطر الناس فكريا.
المهم بعد هدا يمكن لك ان تتردد ويمكن لك ان تسرع في السير في نفق مظلم .انا شخصيا افضل التردد.
بالنسبة للقليعة نعم هناك مركز جديد و كان من المفترض اجراء التربص به لكن لم يتم اتمام انجازه و المشاورات لازالت بشانه.
نامل من ضابط او عامل بهدا القطاع ان يفيدونا بعمل الضباط و شكرا.نحن اخوة في الله نحترم الراي و الراي الاخر

[mohammed2927]

المشاركة الأصلية كتبت بواسطة mourad milano

نعم الحمد لله معريفة ربي كاش كيما هي انا نعرف روحي مليح اخ محمد راضي بقضاء الله بالرغم مطلوم بزاف فهاد بلاد كيما ناس بزاف لكن هدا لي رزق ربي. علما نسحق خير من هاك واذا تلاقينا تعرفني مليح وتعرف طروفي وتعرف واش سوفريت باش صحنا منصب هذا وتشوف لمعارف لي عندي يا يا سي محمد لان لو كانت المعريفة نشوف بيها حاجة خير في بالي ماشي ادارة السجون وعلى كل حال تزعفش من هدرتي

بارك الله فيك اخ مراد والله يعتيك الصحة انت نجحت اطلب ربي ينجحني و ينجح خواتنا و نتلاقو في المسلة ان شاء الله. رنا قع كيفكيف مظلومين حسبي الله و نعم الوكيل.

والله منزعف منك انت خويا عند ربي و قع خوتي.ان شلء الله ينجحنا و تنلاقا بيك ان شاء الله.

و نزيد نقولك تستاهل خير من هدا المنصب مي كلشي ب المكتوب.

الله ينجحنا في هدي المسابقة. ان شاء الله خاصة اخ اب ريماس.

[kamilyano]

نورالدين نورالدين
العمل في هذا القطاع شريف ككل الاعمال الاخرى و لايوجد اي ضغط فيه الا المهام المخولة لك غير ذلك شهرية مليحة و خبزة حلالية واحد ميخربلك في راسك بالقيل و القال
المشكلة الوحيدة مكان العمل فقط لانك تقدر تكونمن زهرك الصحراء

[mohammed2927]

المشاركة الأصلية كتبت بواسطة mohammed2927

بارك الله فيك اخ مراد والله يعتيك الصحة انت نجحت اطلب ربي ينجحني و ينجح خواتنا و نتلاقو في المسلة ان شاء الله. رنا قع كيفكيف مظلومين حسبي الله و نعم الوكيل.

والله منزعف منك انت خويا عند ربي و قع خوتي.ان شلء الله ينجحنا و تنلاقا بيك ان شاء الله.

و نزيد نقولك تستاهل خير من هدا المنصب مي كلشي ب المكتوب.

الله ينجحنا في هدي المسابقة. ان شاء الله خاصة اخ اب ريماس.

اخ مراد حكيلنا واش درت فيها واش ديبلوم عندك خدمت مليح ولا شوية شوية.وانت فاني متزعفش مني.