الجزء رقم 185 من الكوزينة بالمحبة والابداع نرتقي - الصفحة 30

أم يوسف2 · 2017-12-13, 16:31

صح قهيوتكم

RIMA.87 · 2017-12-13, 16:38

السلام عليكم اخواتي في الله كيف حالكم ان شاء الله بخير،
اختي ام يوسف صح قهيوتك انت تاني تفضلي انت و كل الاخوات بتي فور درتو اليوم

RIMA.87 · 2017-12-13, 16:43

ما شاء الله على هاداك المقرووط اختي طيور الجنان بصحتكم ،

ام هدوول ما شاء الله على الرفيس و هاداك الحمص راهو تاع بروفيسيونال،ولا مرة ذقتو شهيتيني فيه ان شاء الله نجربو،

اختي حياة ما شاء الله على الطابلة ديالك تشهي وراكي wanted هههههه
حطيتي التحلية و هربتي ،طيحي بالوصفة نحن في الانتظار ،

سحابة بصحتكم اللوبيا و الفريت ،

ولي نسيتها تسمحلي

أم فاطمه · 2017-12-13, 17:16

السلام عليكم
صح قهوتك ام يوسف لعزيزة
مساء الخير طيور شكرا على وصفة الرفيس تحفة والاخر لي كي طربوش اول مرة نشوف هدا الطابع
والمقروط يشهي الله يبارك

شكرا الله يعاونك اختي زوجي توام روحي يعطيك الصحة

اهلا ريما بتي فور جاك شباب يعجبني القطو لي حجمه صغير باش غي نبلع هههههههه. يعطيك الصحة

أم يوسف2 · 2017-12-13, 18:22

اختي ريمة ديت قاع الطبسي روعة شكلو البتي فوغ نحب نجربو بصح نحاف مايجينيش مليح معليش تمديلي الوصفة
ام فاطمة حبيبتي يعزك الله شكرا على اطبافك سلميلي على فاطمة
ام هدول طيور ووردة وشكون تاني وحيوتة الهرابة ولي مديلنا الوصفة ولا نديروا نزوح لعندك

حياة نور الدين · 2017-12-13, 18:35

السلام عليكن
اسمحولي البنات مكانش تريسيتي وتابلات طفاتلي وكي رجعت وشارجيتها مقعدتش اليوم وكي دخلت مقبيل نطل عليكم جاو ضياف منبعد نسبت كلشب اكتيبفي في تابلات عاودت طفات والتريسيتي مكانش حتى تفكرت عفسة راني نشارجي فيها من الباتري تع اللاب توب خخخ لعيونكم خياتي

ام هدول الوصفة تاعك راه منشورة ووعلاش تنخلعي حبيبتي انت الاصل واكيد كاين ناس يخموا كيفك ههه على هدي داروها يعطيبك الصحة حنونة
والحمص يشهي بصحتكم

ريمة البتي فور يشهي يعطيك الصحة حنونة وضحكت على wanted هههه

ام فاطمة اهلين حبيبتي وربي يخليك على حسن البضيافة وعلى اطباقك حنونةكلشي يشهي

سعيدة اهلاا حبيبتي والمقرةط يهبل نموت عليه بصحتكم

ام يوسف ربي يفرج عليك وعليا يااا رب

سحابة اهلااا حبيبتي وربي يخليك على كلامك وطيابك يشهي اللوبيا والفريت شهاااااوني ههه

لي نسيتها تسمحلي وموااااحات

وتفضلن الوصفة واسمحولي
انا حرفت شوية درت فلان شكولا نوارة باكي صغير مع زوج مغارف بودرة كريم باتيسري فانواز
والشكولا درت نوار باش نقص حلااوة
واستعملت التمر بدل الموز هو لبي كان متوفر عندي

RIMA.87 · 2017-12-13, 19:01

السلام عليكم ،
صح عشاكم اخواتي في الله ،
مشكوووورة حيوتة على الوصفة و الحمد لله راكي نشيطة و لقيتي فكرة باش طلي علينا و ربي يعينك و يحفظلك ابنائك و جميع ابناء المسلمين و ربي ينجحهم،
اختي ام يوسف من بعد ان شاء الله نكتبلك الوصفة مصورة هكدا باش يسهل عليك الاحتفاظ بها، و بصحتك راهو يجي هشوووش و بنين،
اختي ام فاطمة ضحكتيني عندك الحق كي يكون القاطو صغييير يسهل علينا و غي نبلعو برك هههههه،

اليوم درت بينيي الباذنجان للاخت رزيقة جزاها الله خيرا
مشكووورة على الوصفة لكني ما درتش رشة الخميرة الكيميائية لانها ما كانتش عندي ،بصح النتيجة روووووعة خفة و بنة

ام هدول · 2017-12-13, 20:32

صحة. عشاكم..عشيا بتزا عاديه....سامبولي على قول نهوله..بصح بنينه اكيد....ههههه...درت. حاله فيها نحبها من لكنت نشريها بخمسميات فرنك خخخخ....

ام هدول · 2017-12-13, 20:52

سعيدة..بارك الله فيك..على الوصفات.... وعلى المقروض...امممم..يهبل....تسلم الأيادي....
ام سيف..ربي يرحم الوالدة...ايه حتى حنا نعملو الرفيس بالسميد...وكايمه بالبسيسه...تع النافسه...وتشرفنا بمعرفتك وبناس عنابه....
ام يوسف..ان شالله تتحسن الضروف..وترجعنا بصور ..الجميله تع طيابك..
سحوبه اللوبيا..ولفريت...اممممم...بصحتكم يشهو
ريمه.شكرا على كلامك الجميل والبيت فور روووعه في انتضار الوصفة...وبصحتك بيني اابادنجال
حيوووته.....نستعرف بيك ...لقتي الحل..باش جيتي وجبتي الوصفة..تع التحلية..خخخ....عجبتني بززاف....ربي يعيشك..ويقدرك وينصرك على الضرووف.....بالنسبه لوصفه ايه ممكن كاين افكار تتشابه..فقط ..انا..حبيت نفهمك برك باي ما هزتهاش من الفايس....و الطبخ عالم واسع..فيه افكار غير منتهيه...
ام فاطمه بصحتك البسباس بالحمص.وسلطة. البيطراف..مطرح مايسىي يمري...

أم فاطمه · 2017-12-13, 21:05

السلام عليكم صح عشاكم حبيباتي

باش نبدا يا الكبدة ابدا بي اختي حياة اليوم دخلت بكري مضاري تدخل حتى نروحو نرقدو كي طير اليل ههههههههه

شكرا اختي على الوصفة والشرح وصح عشاك وتصبحي على خير

ام يوسف صح عشاك نورتي الكزينة

اهلا ريمة صح عشاك البدنجال ركي تفهمتي مع حياة

صح عشاك ام هدول البتزا هدا شحال مخدمتهاش رائعة

أم فاطمه · 2017-12-13, 21:22

تفضلو عشايا بقالي الحمص وزدت الفريت والفلفل. والكمنبار اطلب يحضر نشكرك حياة فكرتني فلكمنبار الشيباني كما يروح الحنوت يجيبهلي ههههههههه

تصبحو على خير نوم الهنى و السعادة

RIMA.87 · 2017-12-13, 22:19

السلام عليكم ،
ام فاطمة بصحتك الفريت و الفلفل و الكومنبار انا تاني يعجبني،و ربي يدوم المودة بيناتكم انت و الشيباني ،
ام هدوول بصحتكم البيتزا السامبولي ،عندك الحق بردتي قلبك،عندي مدة طويلة مادرتهاش ،
اختي ام يوسف2 و ام هدوول و كل الاخوات تفضلوا وصفة البتي فووور ،
ملاحظة :
الوصفة مدتهالي واحد الاخت في الله شافتها في قناة سميرة ،
هذه المكونات اعطاتني 37 حبة بحجم متوسط لي راهو في الصورة .

سبحانك اللهم و بحمدك اشهد ان لا اله الا انت استغفرك و اتوب اليك.

أم فاطمه · 2017-12-14, 08:10

السلام عليكم اخواتي صباح الخير والربح

الله ما ما اصبح بي من نعمة او بي احد من خلقك فمنك وحدك لاشريكا لك. الحمد ولك الشكر.
صباح الخير اختي ريما شكرا على الوصفة الله يخعلها في مزان حسناتك.

.

هدا كيك الشبلوغ تاع اختي امينة خدمته البارح فلعشيا تفضلو باش تتقهواو

وردة الرمال43 · 2017-12-14, 10:07

صباحكم عسل يا زهرات بلادي واش احوالكم ان شاء الله بخير كامل
حيوتة يعطيك الصحة على وصفة لاموس
ريمة بوتي فور يشهي والبادنجان مانحكيش
ام هدول بصحتكم بيتزا نموت على بيتزا سمبولي تشهس سيرتو تاع خمسمية ههههه
ام فاطمه عشاك يسخف والكيكة اكثر
راني راجعت غير الصفحة الاخيرة والبارح ابني دارت فيه السعانة حالة ماقعدت خلاص معاه وصدرو تاني تخرخش راهو نبت سنينة والتانية راهي بدات تطل مسكين ماسكتش من البكا ربي يفيه ويشفي جميع المرضى وربي يقدرنا عالتربية وعلى طاعة ربي
نخليكم درك عندي خدمة ياربي نخلص عليا في امان الله

nihal159 · 2017-12-14, 10:26

صباح الخير عليكم يالحراير إن شاء الله راكم بخير.
أم هدول يا أم هدول واش درتي فيا بالحمص دوبل زيت و زدتي بالبيتزا تاع زمان طيّحتيني بالضربة القاضية ههههههههه راكي ملاكمة محترفة ههههههه الله يبارك كلشي فور يا أروع أم هدول فالوجود؛ خاصة الطمينة تبان تحفة و عندهم الحق كي سقساوك ذا بقات للصباح.
حياة درتي الروبلة بالتحلية يعطيك ألف صحة و عافية؛ خرجتلك من أروع مايكون؛ كلشي حطيتيه فووووور، و راني لاصقة لاصقة فيك؛ نصبرو مع بعض على الحلو و المر هههه شوفيلي برك دار كرا بحداك هههههههههههه.
سحابة يميييييييييي على اللوبيا أوّلا و على لفريت ثانيا و على البربوشة بالسلق مسك الختام؛ حنا نديرو عيش بالسلق و نغرقوووووووه بزيت الزيتون؛ أكلة من أروع مايكون.
ريمة اللئيمة هههههه البتي فور يشهي خرجلك كما تاع المجلات شكلا و لونا يعطيك ألف صحة و عافية.
أم فاطمة؛ ماشاء الله عليك راكي قايمة بنا من مالح للحلو للمعجنات؛ كلشي ثوووووب بارك الله فيك.
فيفي؛ ألف مبروك لأختك تتربى في عزهم إن شاء الله؛ تمنياتي لأختك بالشفاء العاجل.
سعيدة بصحتك الروز بالطون زوجي يموت عليه؛ و راكي تعذبي فينا بالمقروظ كامل الأوصاف ههههههه خرجلك فووووور.
وردة بصحتك التريدة يالحرة؛ تبان مورقة الله الله.
أم عبد الله سقسيتي على أنس؛ الله يحفظك و يحفظلك وليداتك؛ نقولو الحمد لله راهو يتعافى بالشوية.
أسيا الكيكة خرجتلك رائعة و التزيين أروع؛ يعطيك الصحة
أم سيف؛ أم يوسف واش راكم خواتاتي؟
زيكا؛ جوري؛مريومة طلو علينا.
يالبنات راني نترعد بالخوف هههههههههه خايفة نكون نسيت كاش واحدة هههههههههههه.