ادخلوا تشوفو واش درت في الاقامة الجزء الثاني ^-^

[yuuke-chan]

العنوان يبان تاع فيلم ماتضحوش علياااا
اليوم راح نديرلكم حاجة مليحة خلااااص نموت عليها و لكن بطريقة مبسطة و سهلة و اتمنى انكم تجربوها و تدعيولي و هذي الطريقة مش غير لبنات الاقامة حتى لي في الدار يقدرو يديروها مثلا كيما يكون عندكم فرد من افراد العائلة ماياكلش مرقة بطاطا و لا اي حاجة نحيلو قسمتو تاع اللحم و ديريلو بيها الوصفة هاذي خير ماتقعدي كل عبد طيبيلو وحدو و خاصة انو الناس كامل يحبو اللحم مقلي



شاورما الاقامة



ملاحظة : ماتتخيلوهاش زي الشاورما تاع برا راهي مبسطة برك لكن عندها طعم رائع و ديبانيني ديما كي نتحرق و يفرغولي دراهم

اولا لازم تسرقوا من الدار حبة فلفل و حبة طماطم ولا تشريوهم من برا + اللحم تاع الريسطو + ملح و فلفل اكحل + فرماج اختياري

المقادير : تكفي زوج عباد انا و صاحبتي






قطعوا الفلفل و الطماطم مربعات انا درتهم صغار نتوما كيما تحبو و ديرولهم الملح و الفلفل الاكحل








اقليوهم و اقليو اللحم تاع الدجاج مفتت و ديرو الفلفل الاكحل راهو مهممممممممم هو اللي يمد طعم الشاورما :








و خلطو كلش مع بعضاه فوق النار و ديرو في الخبز اللي دهنتوه بالفرماج :














و في الخير حطو الخبز فوق المقلى و اضغطوا عليه بصحنة و لا اي حاجة باه يتحمر و يولي يتقرمش انا حطيتو فوق résistance نحبو محروق
راهي مرحلة مهمة و دير فرق في الطعم
و هذي النتيجة الاخيرة شكلو ليس رائع لكن الطعم رووووووووعة










ارجو ان يعجبكم اذا اعجبكم طبقوووووووووووها و ادعيولي

صلوا على رسول الله عليه الصلاة و السلام