موضوع مميز واش طيبتي اليوم ؟الجزء الرابع - الصفحة 3

إلهام07 · 2013-04-08, 09:10

اقتباس:

المشاركة الأصلية كتبت بواسطة أم ماجد

صباح الورد والفل والياسمين
الهام التحاليل مطمئنة اليك بعض الصور بلاك تعلقي عليها هههههههههه

عشاء خفيف داروه لبنات كنت عند أهلي

وهاذي في حديقة التسلية بسطيف

وهذا غذاء العاصمة حسيت بروحي بدوي في المدينة ههههههههههههه

حفيظ في سطيف يوم الجمعة

وراحت لي بعض الصور تاع العاصمة وتاع العرضة اللي درتها لسلافاتي

الحمد لله كي عادو النتائج ملاح
ضحكتيني كي قلتي حسيتي روحك بدوي في المدينة ماعلاباليش لاه اللي يروح للعاصمة تصرالو هكذا ههههه الواحد لازم ديما يخرج ويبعد باش يشوف الجديد ويتعلم هكذا ماما تقلي ديما
حبيت نقلك شكرا جزيلا كي تفكرتيني في العاصمة وجبتيلي الآيس كريم :d:d:d
بصح سامحيني راهو ضحكني عبد الحفيظ ، يقتل بالضحك راهو هارج بزاف ههههه
أما البنات فباينين رايحين يخرجو فحلات كيما أمهم ، بصح حابين نعرفو أسمائهم الحقيقية وأعمارهم إذا مافيهاش إحراج

اقتباس:

المشاركة الأصلية كتبت بواسطة ام غزلان

السلام عليكم يسرني الالتحاق بكوكبتكم النشيطة
رحبو بي عضوة جديدة بالمنتدى الي عجبني بزاف
ليوم نطيب كفتة وحريرة راني صايمة

أهلا وسهلا بيك في عائلتك الثانية
هيا أمتعيني بطيابك و صيام مقبول

ساندي 28 · 2013-04-08, 09:12

هاني جبتلكم تارت بمناسبه الكوزينه الجديده لازم حاجه حلوه نفتتحو بيها باش تكون ايامنا كلها حلوه ان شاء الله

ام احمد وصال · 2013-04-08, 09:12

الهام اني نستنى في الجواب

أم شيماءْ · 2013-04-08, 09:12

اقتباس:

المشاركة الأصلية كتبت بواسطة اماني السلام

صباح الخير حنونة واش راكي واش راهي العايلة الكريمة كاش اخبار على اختك النافس

صباح الانوار جارتي وشراكي والله الحمد لله وبنوتة تاعها تهبل صغيرونة حرت فيها
وانت وشراك واش رايحة ديري للغداء انا مازلت نفكر

أم شيماءْ · 2013-04-08, 09:13

اقتباس:

المشاركة الأصلية كتبت بواسطة omnadjem.10

هاني جبتلكم تارت بمناسبه الكوزينه الجديده لازم حاجه حلوه نفتتحو بيها باش تكون ايامنا كلها حلوه ان شاء الله

صباح الخير ام نجم واكيد اول طرف ليا سبقت الهام

ساندي 28 · 2013-04-08, 09:20

بصحتك حبيبتي اوغسيا توحشتك يا الغاليه راه كاين الخير تفضلي بالصحه والراحهليكم كامل حبوباتي راني منسيتكمش

أم ماجد · 2013-04-08, 09:21

اقتباس:

المشاركة الأصلية كتبت بواسطة ام منيب

مبروك الكوزينة الجديدة والله يطرح فيها البركة
انشاء الله نستفادو ونفيدو
ام كوثر طاجينك يهبل
ام خير الدين كل يوم تمتعينا باطباقك
......عندي رجاء يا الخواتات .....
اليوم راني عارضة ناس جاونا من فرانساوراني نوجدللعشا
..حريرة مرمز
..سلطة فلة
..كوكا تومات وجبن
..مطلوع الكوشة
لكن عندي الجاج وراني حاصلة في الطبق الرئيسي
..انتضر اقتراحاتكمعلى احر من الجمر....

الله يسلمك
ديري طاجين ام كوثر في الصفحة الاولي واذا حبيت التقليدي هاكي
https://www.djelfa.info/vb/showthread.php?t=1207351

https://www.djelfa.info/vb/showthread.php?t=1228375

https://www.djelfa.info/vb/showthread.php?t=1221158
أو

ام لقمان02 · 2013-04-08, 09:21

صباح الانوار حبايب مبروك الكوزينة الجديدة

حبيبة ام لاكوثر طجينك ىشهى نموت على طياب فيه حبيت تخبرين كيفاه درتي الخطوط لفي الخبز العربي

ام منيب ديري طاجين الدجاج بالشامبنيو تاع مصطفي وخاصة اذا درتيه في طاجين مغربي يجي رائع

أنوثة شرقية · 2013-04-08, 09:25

ام كوثر الوصفة تاعك نجربها في القريب العاجل
قوليلي طبقتي الخبز تاعي للشاوما يبان روووعه
الهااام درك نجيبلك رابط البرنامج حمليه
ام نجم راني رديت في صفحة التطبيقات كل عان وانتي وزوجك بالف خير خنونة
لبنات راح ندير جلبانة بالقرنون جابلي زوجي بزاف منها ونحبها تكون جديدة.البارح مادرتش العشا ماكانش زوجي موجود

ام احمد وصال · 2013-04-08, 09:25

اقتباس:

المشاركة الأصلية كتبت بواسطة ouricia

صباح الانوار جارتي وشراكي والله الحمد لله وبنوتة تاعها تهبل صغيرونة حرت فيها
وانت وشراك واش رايحة ديري للغداء انا مازلت نفكر

لاباس الحمد لله هكداك زاد ولد خويا كيما نقولو مطارق شوا ومن بعد ولى ماشاء الله عليه يهبل الي يشوفو يحير فيه ميصدقش انا الغدا متهنية منو مندير ما والو لانو الراجل ميروحش و ولادي ماياكلوما والو بلاك نديرلهم بربوشة بالحليب يحبوهاو العشا رايحة ندير الروز تاع الهام ان شاء الله

إلهام07 · 2013-04-08, 09:27

اقتباس:

المشاركة الأصلية كتبت بواسطة اماني السلام

صباح الخير عليكم مبروك الكوزينة الجديدة بالربح ان شاء الله الهام الحمد لله على سلامة اختك ومشكورة على وصفة البدنجان ان شاء الله نديرها اليوم للعشاء ان شاء الله رايحة ندير الروز نتاعك حبيت نسقسيك واش هو لفاح تاع تونس انا معنديش وزيد حبةحلاوة قداه المقدار وقداه الوقت والروز وهو يفور ونديرولو الزيت ولا يفور بلا زيت

ههههه طولت عليك ، أسئلتك بزاف هههه ، شوفي :
1- لفاح نتاع تونس يتباع يقولولو الذواقة إذا ماعندكش عوضيه لفاح العادي اللي يتباع اللي هو خليط فلفل أحمر +كسبر+كروية
2- مقدار حبة حلاوة : حوالي 1/2 م ص في رطل أرز ، ممكن ديري 1م ص على حساب الملعقة نتاعك كبيرة أو صغيرة وماتخافيش الطعم نتاعها مع التوابل مايبانش بزاف
3- وقت طياب الأرز : كي تلقايه طاب نص طياب يعني خلاص ، لاوم يكمل طيابو مع امرق باش يشربو ويجي بنين ( حوالي 40د والله لا أذكر المدة )
4- الأرز يفور بدون زيت بعد مايفور تحطيلو زبدة ، الزبدة ألذ

خلصت ، أي أسئلة راني هنا

اقتباس:

المشاركة الأصلية كتبت بواسطة ام منيب

مبروك الكوزينة الجديدة والله يطرح فيها البركة
انشاء الله نستفادو ونفيدو
ام كوثر طاجينك يهبل
ام خير الدين كل يوم تمتعينا باطباقك
......عندي رجاء يا الخواتات .....
اليوم راني عارضة ناس جاونا من فرانساوراني نوجدللعشا
..حريرة مرمز
..سلطة فلة
..كوكا تومات وجبن
..مطلوع الكوشة
لكن عندي الجاج وراني حاصلة في الطبق الرئيسي
..انتضر اقتراحاتكمعلى احر من الجمر....

أم منيب تحبي نعطيك طريقة الجاج المحمر مع الخضر نتاعي راهي

أو الروطي نتاعي في الكوكوط ثاني بنين
اللي ذاق هاذو 2 ديما يطلب الوصفة
حكمتك متلبسة ، ياخي قتلك أعطيني وصفة الخبز هربتي علي وخليتيني ، هاني حكمتك

اقتباس:

المشاركة الأصلية كتبت بواسطة omnadjem.10

هاني جبتلكم تارت بمناسبه الكوزينه الجديده لازم حاجه حلوه نفتتحو بيها باش تكون ايامنا كلها حلوه ان شاء الله

ممممممممممممممممم راني جيت ندي قطعة واللي تمد يدها قبلي ما تلوم غير حالها

اقتباس:

المشاركة الأصلية كتبت بواسطة ouricia

صباح الخير ام نجم واكيد اول طرف ليا سبقت الهام

واش أوغيسيا درتي عليا ، كنت ديما تخليلي حقي معاك