هل ستخرج يوم 12/02

[ZORRO__DZ]

المشاركة الأصلية كتبت بواسطة سعدي دروش

ع

عملت في القوات الخاصة و كنت ضمن سرية مكافحة الإرهاب
في ولاية تيزي وزو في في الوحدة 43 و استشهد أحد رفاقي أمام
عيني و لعلمك أني مظلي مغوار ... ومادا قدمت أنت للجزائر
لا تعبث بالناس .

لو يعلم العربي بن مهيدي ان تحرض على بلد المليون ونصف المليون لترك امثالك لفرنسا

[amine-maghnawi]

انا ضد هذ المهازل هذو تحركهم اياد خارجية لا تستعجلوا على الخروج بوتفليقة راه ديما يدير اصلاحات

................................... بوتفليقة ابقى بوتفليقة ابقى ..................................................

اللهم وفق ولاة امورنا

[ramzis]

قبل ماتخموا باش تخرجو في مظاهرات لازم تخدمو ريسانكم شوية وخلونا نستفادو من مظاهرات تونس ومصر بدون احداث اي اضرار على خاطر نظن بلي لميساج راه وصل للحكومة لي عادو يشمخو فراشهم فالليل من الخلعة وخلونا على الاقل نعطوهم فرصة اخيرة لا ما تعدلتش الحالة ثما نخرجو ونقلبوها عليهم


ياجماعة الجزائري صعيب بزاف ودمو سخون ولا قام غادي يحرق الدنيا

[bensalem karim]

عاجل بخصوص مسابقة التوظيف بتاريخ13/12 بجامعة التكوين المتواصل بالجلفة
تم الغاء دورة 13/12 نوفمبر 2010 التي أجريت بمركز جامعة التكوين المتواصل الجلفة، ولكل من يهمه الأمر أن يعلم بأن مركزالتصحيح دالي براهيم هو المسؤول عن الإلغاء لأسباب هي أنه انتقم من أمانة الوظيف العمومي التي كشفت تلاعب أمانة مركز التصحيح في محاضر النتائج النهائية بوضع معدلات وهمية للأفراد المرغوب نجاحهم السنة الماضية. فكان الأجدر بها أن تحقق في محاضر الإمضاءات التي تتعلق بدورة 13/12 نوفمبر 2010 التي روج أن فيها تزوير بعض امضاءات الأساتذة والغاء كل الأوراق المتشابهة قبل المراسلة المزعومة بالإلغاء.
فهي قد هزت مصداقية الإدارة المنظمة والمصالح المراقبة وهزت الثقة بين المترشحين والإدارة،واهدرت وقت الإدارات المعنية بالتوظيف .أنتظر ردكم على هذه المهزلة التي لاتزال طي الكتمان .فهل يعقل أن يعاقب من اجتاز امتحانه بصوره العادية والمعروفة بهذه الطريقةأم أن الهدف هواغلاق المركز.

[aminosaidi]

سنخرج للتظاهر بطريقة حضارية وسلمية لأننا ببساطة متعلمين ولنوريهم مدى قدرنا على تحمل المسؤولية وحبنا للوطن ... لا للتخريب لا للعنف

[chaker19]

المشاركة الأصلية كتبت بواسطة aminosaidi

سنخرج للتظاهر بطريقة حضارية وسلمية لأننا ببساطة متعلمين ولنوريهم مدى قدرنا على تحمل المسؤولية وحبنا للوطن ... لا للتخريب لا للعنف

يبانلي بلي متعرفش الشعب الجزائري الشباب لي خرجوا كسرو الخطرة لي فاتت يعني مكان حتى واحد فيهم قاري بركاونا و كي كسرو و حرقو شحال راكم تشريو في الزيت

[afred]

لا للمساس بأمن و سلامة البلاد
الأطراف الخاردية التي لا تريد الخير للبلاد تحاول دفع شباب الجزائر لتنفيذ مخططاتها الشريرة
الجزائر غاليا علينل و حنا فوتنا عشرية سوداء بما للكلمة من معنى و منحبوش نعاودوها
بوتفليقة خرج البلاد من النفق المظلم رغم أنو كاين بعض السلبيات في سياسات الحكومة إلا انه ليس من حقنا تشويه صورة البلاد
أصبروا شوية مكانش منها كي تتظاهر كلشي يتحقق بين ليلة و ضحاها . الدولة على علم بمطالب الشباب و هي تسعى جاهدة لتلبيتها فهي تعي و تعلم ما حدث في مصر و تونس و لا تريد لنا أن نعايش نفس الوضع لأننا عايشناه في التسعينات و دقنا مرارة الا أمن لذا تحيا الجزلئر
ليكن في علمكم أن أنا شاب بطال

[best.2b]

المشاركة الأصلية كتبت بواسطة afred

لا للمساس بأمن و سلامة البلاد
الأطراف الخاردية التي لا تريد الخير للبلاد تحاول دفع شباب الجزائر لتنفيذ مخططاتها الشريرة
الجزائر غاليا علينل و حنا فوتنا عشرية سوداء بما للكلمة من معنى و منحبوش نعاودوها
بوتفليقة خرج البلاد من النفق المظلم رغم أنو كاين بعض السلبيات في سياسات الحكومة إلا انه ليس من حقنا تشويه صورة البلاد
أصبروا شوية مكانش منها كي تتظاهر كلشي يتحقق بين ليلة و ضحاها . الدولة على علم بمطالب الشباب و هي تسعى جاهدة لتلبيتها فهي تعي و تعلم ما حدث في مصر و تونس و لا تريد لنا أن نعايش نفس الوضع لأننا عايشناه في التسعينات و دقنا مرارة الا أمن لذا تحيا الجزلئر
ليكن في علمكم أن أنا شاب بطال

وكأنني أسمع لكريم بوسالم تاع النشرة

باركا مالطرطر...

[المعتزة بالاسلام]

السلام عليكم
يا خويا وين تخرج احنا ماناش شعب تع مظاهرات.راك شفت ليامات لي عداو واش صرا في باب الواد و....و...و... احنا لي عقبناه يكفينا و العشرية السوداء تكفينا
بطلوا علينا هاد الشعارات .اقعد في دارك وين تخرج حنا ماتش تع بالون يخرجو يفرحو يموتو 50 فما بالك بمظاهرة و..و...و..
فكنا يرحم والديك

[nadirh]

je sorterai

[redguitare]

ان شاء الله السقوط لبوتفليقة ولكامل النظام الناهب والساؤق لاموال الشعب، يا هل ترى ماذا تنتظرون من رئيس زور الانتخابات 03 مرات
مزورييييييييييييييييييييييييييييييييييييييييييين سراقييييييييييييييييييييييييييين ناهبيييييييييييييييييييييييييييييين

[houssem2306]

يا جماعا باركاونا برك بلا ........
علاماه راح نخرجو عدنا حرية التعبير عدنا حقوق الإنسان حنا الدولة الوحيدة إلي تقريك ودزيد تخلصك 4000 دج
تهرب من الخدمة الوطنية وماتحوسش عليك
عدنا رئيس ربي يخليهونا خرجنا من العشرية السوداء
هزنا راسنا في وسط العالم
في يوم الماتش تاع مصر والجزائر بعتنا باطل للسودان
نهار كسرو الجزائريين تونس وحرقوها على جال ماتش شكون لي خرجهم من الحبس تاع تونس وخلص هو الخسارة كاملة
هو لوقف للمغرب للإنتهاكات تعها ضد الجزائر
هو لي مخلاش قواعد أمريكية تتبنى في الجزائر
أو بركاونا برك
والله ما كاين كيما الدولة نتعنا وصدقوني لي راح يدير هذي المظاهرات هو تحت يد أجنبية والدليل لي أعلن عن هذه المظاهرات ودار التاريخ تاعها
شكون هو واحد غير معروف خرج بين يوم وليلة وقال بلي ايا نديرو مظاهرات وواش المنصب نتاعو هو حاكم منظمة حقوق الإنسان والدفاع عن حقوق التعبير
خمم معايا لمصايب لي قاعدا تصرا في العالم كامل شكون لي يبداوها غير هاذي المنظمات إلي المركز الرئيسي نتاعها أمريكا والمركز الثاني بريطانيا وإسرائيل وفرنسا
أفهموها وحدكم بلي كاينا يد خارجية تريد البلا للبلاد نتعنا

[sarita22]

ليكن في علمك اذا خرجت مراح تغير والو عمرولكم رسانكم مليح
البطاله راهي في كل العالم ورانا كلنا ضد البطاله كامل حبينا نخدمو مي مش بالراي التالف
ربي يهدي ماخلق

[houssem2306]

المشاركة الأصلية كتبت بواسطة redguitare

ان شاء الله السقوط لبوتفليقة ولكامل النظام الناهب والساؤق لاموال الشعب، يا هل ترى ماذا تنتظرون من رئيس زور الانتخابات 03 مرات
مزورييييييييييييييييييييييييييييييييييييييييييين سراقييييييييييييييييييييييييييين ناهبيييييييييييييييييييييييييييييين

عندك دليل بلي سيادة الرئيس سرق ولا زور بركاونا برك شعب يعرف غير يحل فمو وكون دجي أنت رئيس واش راح أدير زعما
يا جماعا لي يحب يدير الإصلاح يبدا يصلح في روحو أسح

[NASSERL]

نشاء الله يلكتب ربي نعيشوا داك النهار انا واحد من الناس معارض لهده المسيرة

نخرجو رؤوس الأشرار في الحكوما راني معاك