قراتان مليح لأيام تـــشومير .... بــصح بــــنين

[أمنية غفران]

السلام عليكم أخواتي

حبيت نقدم ليكم هاد القراتان بسيط ينفع مع ايام التشومير الي تكون أغلبها اواخر الشهر مافيه ني لحم ني دجاج ني حوت

متكون من بطاطا و كورجات الي هي جريوات و حبيبات بيض و كاس حليب و بقايا الفرامج
و هي استيس نقول ليكم عليه هو في الايام الي من قبل كل ما يكون عندي جبن شيدار و لا اجبان اخرى ناخذ طريف صغير و نخبيه في كونجيلاتار و هكدا حتى نلم مجموعة ماشاء الله نلقاهها سوكور هههههه

شوفو بالاكم تحقروه راهو بنين و أكيد يعجب العائلة

باسم الله

نقطع البطاطا و الجريوات مثل D

و نقليهم و نخليهم يقطرو مليح من الزيت
وفي كسرونة نحطو البيض و نضيف له كاس حليب و ملح و فلفل اسود و شوية جبن مبشور هادا ماكان و نخلط مليح
نضيف البطاطا و الجريوات و نخلط تانيك و نفرغ الخليط في مول الكوشة و نغطيه سواء بغطائه و لا بالالمنيوم و ندخله للفور قيس ما يطيب البيض ماش بزاف

نخرج المول و نضيف له بقية الجبن المبشور و نرجعه للفور من غير ما نغطيه

قيس ما يحمار شوية من فوق

و بالصحة و الراحة و الهناء

و تفضلو الصور














ربي يهنيكم و يحفظكم