فرحت بنتي واليوم صبح كملتلها البونشو

[ام حمزة22]

السلام عليكم ورحمة الله تعالى وبركاته

ان شاء الله تكونوا كاااااااامل واهلكم بالف خير

هداوين كملت البونشو نتاع بنتي بعد ما شافتني خدمت طقم للبيبي باش نهديه هي غارت وقالتلي اخدميلي حتى لكبيرة كيف كيف بديت بصغيرة وان شاء الله الا قدرت نخدم للكبيرة علابالي ماراحش تسكت عليا ختى وليجي غار وقالي دبري راسك حتى انا اخدميلي جيلي ههههه
المهم انا خديت الفكرة من النت وراني حطيتلكم المودالات

كان عندي بقاية من الصوف فالارشيف وانجزت هاد البونشو
ان شاء الله يعجبكم وتعاندوني وتفرحو بناتكم مثل ما فرحت بنتي
راني حطيتهولها فوق سريرها باش كي تنوض تصيبو قدامها
ربي يهنيكم ويسعدكم ويحفضكم ويحفض جميع وليدات المسلمين