وصفتي المعتمدة والناجحة لبسكوي رولي اتفضلوا حبيباتي

[ملاك ملاكي]

صباح الخيييييير عليكم يا الحراير ان شاء الله صبحتو على خييييير وبصحة جيدة
حبيباتي ألتمس منكم العذر سامحوني طولت عليكم خاصة الاخوات الفاضلات لطلبوا نني الوصفة
والله هذا وين سهل ربي وقدرت نوفي بوعدي ليكم
عذرا علبالي قلت واش دارت فينا هذه المشاكسة هاهاها احملوني برك
حبيباتي راح نحطلكم وصفتي المعتمرة والناجحة لانه بعد صراااااااع كبير باه توفقت وخرجلي بسكوي رولي كي نتاع الحرااااااير هاهاها
كان ديما يكسرلي واخييييرا كي قلت يا انا يا هوا الظاااااهرو خافني هاهاها
على بىكة الله اااااي ليكم الوصفة بالتفصيل

المقادير:
5بيض افصلي الصفار عن البياض
130غ سكر
كوب ونص فرينة مع كيس ونص خميرة
فاني وقرصة ملح
2مغارف كبار ماء دافئ

التحضير:
اخفقي البياض مع رشة ملح حتى بطلع كالثلج ثم ضيفي نص كمية السكر بالتدريج
اخفقي الصفار مع كمية السكر المتبقية والفاني حتى بتبدل اللون ويصبح فاتح مايل للابيض
اضيفي القليل من البياض المخفوق واخلطي جيدا ثم ضيفي الفرينة والخميرة بعدها ماء الدافئ
ثم اضيفي ماتبقى من البياض المخفوق واخلطي بحركة دايرية من تحت للفوق حتى تتخصلي على خليط متجانس
صبيه في صينية والى الفرن مباشرة مدة 15د
كي تخرجيه لفيه في فوظة مبللة

الحشو:
لك الحرية هاهاها ولك الاختيارات حسب ذوقك
تقدري تستعملي معجون انا نفضل معجون الفراز يامي يامي هاهاها
كرام باتيسيار محضرة في البيت ولا الجاهزة كي لي استعملتها انا كسووووولة هاهاها
كرام شونتيي مضربة ومخلظة بالفاكهة المرغوب فيها
كذلك سوبر كرام خاصة ذوق فرومبواز وااااو هاهاها
التزييين:
يرجع ليك ولاحشو المستعمل

وفي الخير نتمنى نكون وفقت في الشرح ونتننى تجربوه وتنجحوا وماتنياوش تديولي دعوة خيييييير صادقة منكم تكفيني ولكم بامثل
بالتوفيييييق:d