موضوع مميز الجزء الثالث من وصفات حراير واش طيبتي اليوم - الصفحة 29

حياة نور الدين · 2016-09-26, 09:25

بارك الله فيك ام احمدي راكي قايمة بها وراء الكواليس حنونة

ام احمدي · 2016-09-26, 13:26

الغريبية على طريقة جازيا ام البنات

250غ سمن بحرارة الغرفة يعني يكون طري (ماشي دايب غامولي)
250غ زيت نباتي نوعية جيدة
250غ سكر رطب
ملعقة صغيرة لفاني
شوية قرفة
01 خمارة حلوى
1كغ فرينة
الطريقة
نخلط كل المقادير مع بعض لما تلتم العجينة نبدا نشكل كريات متوسطين وفي وسط كل حبة نرشق حبة لوز او نذرذر شوية قرفة ندخلها للفرن على درجة حرارة160 تطيب بيضاء وتتشقق

ام احمدي · 2016-09-27, 08:39

ارز مغلف بالسردين على طريقة RIMA.87

وردة الرمال43 · 2016-09-27, 13:21

44444444444444 الله يبارك

kahina maam · 2016-09-27, 14:08

merciiiiiiiiiiiiiiiii

ام احمدي · 2016-09-27, 19:06

كرانتيكا على طريقة اسيا 27

في بلاتو صغير 38/25cm
250 gr فرينة الحمص - مغرفة ملح -كاس صغير شابلور - مغرفة صغيرة كمون -بيضة - لتر و ربع ماء - فنجال صغير زيت - نص كيس خميرة تاع الحلوه
تخلطي كل شي مع بعض و تخليها تريح ربع ساعة من بعد تحمي الفور مليح و تدخليها تطيب كي تبانلك نشفت شوية شعليلها تتحمر من الفوق وبعد ما تطيب خرجيها و رشيها بالكمون انا نسيتو
البلاتو اللي تطيبي فيه لازم يكون الحواف تاعو عالية باه ما تفيضش كي تطلع على خاطر فيها الخميرة تطلع شوية و تعاود ترجع

RIMA.87 · 2016-09-27, 22:57

السلام عليكم

ام احمدي · 2016-09-29, 08:20

لي بينيي على طريقة زينب 83

الرفيس على طريقة زينب 83

ام احمدي · 2016-09-29, 08:24

لحم مفور مع روز حبة بحبة على طريقة ام محمد تاج

اولا الارز
زوج كيسان روز نغسلو ونحطو في برمة نزيد عليه اربع كيسان ماء ونملح ونص مغرف صغيرة فلفل اسود ونص مغرف صغيرة زنجبيل مرحي ورشة كركم وزوج ورقات رند وزوج مغارف زيت ونحطو يغلي على نار هادئة هاذا لي يطيب ابيض
الارز الاصفر نفس مقادير الارز الابيض يعني زوج كيسان روز واربع كيسان ماء ونملح ونص مغرف صغيرة فلفل اسود ونص مغرف صغيرة زنجبيل ونص مغرف صغيرة كركم ومغرف صغيرة زعفران مرحي ومغرف كبيرة راس الحانوت وزوج ورقات رند وزوج مغارف زيت ونحط الكل على نار هادئة ونخليه حتان يطيب كي يطيب نخلطهم مع بعض ونضيفلهم زوج مغارف كبار زبدة ستار
نذبل لي شومبينيو في الزبدة ونملحهم ورشة فرفل اسود ونرصهم في مول المسكوتة ونحط عليهم الروز ونضغط بلطف ونقلب في صحن التقديم

الصوص المرافقة للروز هي الصوص لي تخرج من اللحم المفور ونزيدلها كاس كرام فراش ونغلي غلوة ونقدمها والتزيين كل وحدة وشطارتها

اللحم المفور على طريقتي

في الميكسور نحط بصلة كبيرة وراس كامل ثوم وزوج طماطمات وربطة معدنوس هاذو لي يترحاو ونرحيهم مليح ونحطهم في صحن غامق ونضيفلهم مغرف كبيرة ملح ومغرف صغيرة فلفل اسود وزوج مغارف زيت وعصرة حبة ليمون ومغرف كبيرة هريسة وزوج مغارف كبار راس الحانوت ونص مغرف كبيرة كسبر مرحي ونص مغرف صغيرة كركم ونص مغرف صغيرة زنجبيل مطحون وزوج مغارف كبار موطارد نخلط مليح ونحط الخلطة على اللحم ونحاول ندخل مليح بيدي نحط السهمات تاع اللحم في اكياس الشواء ونحط ورقة رند في كل سهمة ونغلق الكيس ونخلي اللحم يبات من الاحسن يدخلوه الدواوات يجي روووعة روووعة ونغطي السهمات بالالومينيوم ونعمل ثقبة من فوق في كل كيس على خاطر راح يتنفخ ويهز الكسكاس ههههه ونخلي الكل 4 ساعات يفورو على نار متوسطة راح يطيب على مهلووو. وبالصحة حبيباتي

ام احمدي · 2016-09-29, 08:27

الرفيس على طريقة amina2003

المكونات :
750 غ تشيشة لي تتباع في الحانوت
كيلو غرس ( معجون التمر )
باطة زبدة ماما تستعمل فلوريال خالية من الكولسترول
اذا حبيتي كاس عسل (اختياري) انا ماما مادرتلوش العسل

طريق التحضير :
نقي التمر من العظم وحطيه في جفنة حنا في المدية نقولو جفنة معناتها قصعة
حمصي تشيشة وضيفها على التمر عينك هي ميزانك شحل تحتاجي التشيشة
وعجينيها مليح وضيفيلها الزبدة المذوبة وكملي اعجني
شكيلها كريات او اي شكل تحبيه

ام احمدي · 2016-09-29, 13:53

طاجين الزيتون ايفيلي على طريقة جازيا ام البنات

هما زوج اطباق مزجتهم في طبق واحد الاول طبق الكباب والثاني طاجين الزيتون
اولا نحط طراف لحم في الكوكوط ونحل شوية زعفران في الماء نفرغه على اللحم نعمل شوية زبدة ادا اللحم مشحم مانكثرش +بصلة نرابيها+ملح+عود قرفة+2 او3 ورقات رند نمرق قيس مايتغطى اللحم نقفل الكوكوط ونخليه يطيب
من جهة اخرى نغلي الزيتون مع شويه قارص باش ميتغيرش لونه وورقة رند تعطيه البنة
من الجهة الثالثة هههه نقلي البطاطا
الزيتون لما تروحلو الملوحية نردو في المرق يغلي شويه
عند التقديم نحط الزيتون في الصحن ثم البطاطا المقلية ثم اللحم ونفرغ شوية مرق من الفوق باش البطاطا تاني تدي من نكهة المرق

ام احمدي · 2016-09-29, 15:48

مربعات الليمون وجوز الهند لام رويدة

250غ زبدة.300 غ سكر عادي.5بيضات. 200غ ميزينة .200 غ فرينة.1 خميرة كمياءية.فاني.عصير ليمونة.مبشور ليمونة..أي القشور
نخدم السكر والزبدة مليح بالباتور ونضيف البيض حبة حبة حتى يتجانس الخليط نضيف عصير الليمون والمبشور ونخلط ومبعد نضيف الفاني و الفرينة والميزينة والخميرة حتى نتحصل على عجينة طرية نبسطها في سنيوة مدهونة جيدا بالزبدة ومرشوشة بالفرينة أو نفرشو ورق الطهي علاه خاطر تلسق
نحطها تطيب على 180درجة حتى يحمارو الجوانب نشعل من فوق مدة 5دقايق
نحضر الكريمة ب300 غ سكر ناعم وعصير حبة ليمون .2 ملاعق بياض البيض
نضرب البيض بالفرشيطة نضيف القارص والسكر ونخلط نتحصل على كريمة بيضاء يمكن تذوقيها وتضيف القارص ادا حبيتيها قارصة أكثر
انا درت حبة كبيرة نوعا ما وجات مممممم ذوق الليمون باين والحلاوة معدلة معاه
بعدما يبرد القاطو نبغطيه بالكريمة ونرش كمية مليحة تاع نوادكوكو فالصورة الأصلية غير نوادكوكو انا خلطت معاه شكولا بيضاء مبشورة
نخليها تنشف ونقطعها مربعات أو معينات وما ننساش صحاباتي في الجلفة

هدو بعض الصور
هنا كي طاب

هنا الشكولا المبشورة بالرقيق

~~شهيوات أم وليد~~ · 2016-09-30, 14:46

شكرااااااااااااااااااااا

كوثر التائبة · 2016-09-30, 23:12

وصفات في القمة

ام احمدي · 2016-10-04, 14:16

وصفة الأرز بالخضر المقلية دون لحم على طريقة توبة

غلي كمية من الارز في الماء مع الملح والزيت مبعدا فوريه
اقلي كلا من : البطاطا مقطعة مكعبات + جريوات (قرعة) + فلفل + بصل مقطع شرائح رقيقة
ويمكن تاني تضيفي البذنجان.. احنا مانحبوهش
ارحي حبة طماطم ولا زوج زيديلها 3 فصوص ثوم مرحية وطيبيهم في شوي زيت
زيدي غلي 3 بيضات وقطعيها مكعبات
خلطي الكل مع بعض مع اضافة التونة تاع الزيت
وقدميه بالصحة حبوووبتي وبسسسسسسسسس
يمكن تضيفي اسكالوب ولا لي زابا .. تاني الزيتون.. الجلبانة.. الماييس
راه يتقبل كلشي... شفتو اقتصادي ووجبة كاملة امممممممممم
الارز نحبو مع الخضر مقلية مش مفورة... وكل وحدة وذوقها