~¤ô¦¦§¦¦ô¤~ بيتك جنتك و رضاء ربك مبتغاك 6 ~¤ô¦¦§¦¦ô¤~ - الصفحة 26

ادرة مكنونة · 2014-12-07, 15:23

اليوم جبتلكم موضوع مهم وهو سطح البيت كل واحدة تقول كيفاش راي مستغلة سطحها يا ترى هل مو فارغ

ام مستغلينو

ولا تقعدو فيه

ما روع ان تكون سطوحنا هكذا

جازيا ام البنات · 2014-12-07, 19:00

الله غالب ما عانديش سطح لاني ساكنه في عمارة ممكن الاخوات يمتعونا بسطوحاتهم ههههه

جازيا ام البنات · 2014-12-07, 19:20

ياريت البنات تطالعو على هاد الموضوع اكيد ستستفيدن
www.djelfa.info/vb/showthread.php?t=1704161

عدلت رابط الموضوع ومع دلك لم يعمل لست ادري السبب المهم هو موضوع اختي سوسينو بعنوان نظامي لي ماشيه عليه في بيتي وحياتي

oummalak · 2014-12-08, 08:30

السلام عليكن البنات واش راكم
الحالة راقدة هههههه البرد قتلكم باينة
المطبخ الثلاجة دارتها بنتي نفوت عليها خفيف باه ما نخرجش على التطبيق
واليوم نغسل النافدة والباب ونخيط الريدو الجديد ونعلقو

جازيا ام البنات · 2014-12-08, 08:54

صباح الخير على النحلات النشطات حبيت نقدملكم طريقة باش تمسحو الفرن او الكويزنيار
اولا ناخد اناء لي يمكن يدخل للفرن نحط فيه خل ابيض وادا ماكانش عندك خل ابيض عملي خل عادي وضيفيلو عصير حبة ليمون وشعلي الفرن وخليه يغلي وبالاكي ينشف من بعد فتحي الفرن وبواسطة شفونه مسحي الفرن ديالك وستلاحظين اختفاء الدهون
بالنسبة للمجامر نتع الكويزنيار غسليهم بالصابون البلدي واجاكس او عملي كاسرونه فيها خل وليمون وحطي المجامر في الكاسرونة فوق النار وخليهم يغليو حتى يبياضو نحيهم وفوتي عليهم غير بالحبل نتاع الماعن ثم شليهم
اما الفايونص نتع الكوزينة والرخامة عملي خل ابيض في بخاخ ورشي على المكان المراد تنضيفه خليه شويه ثم مسحي بالطرف ستلاحظين الفرق
دائما باستعمال الخل الابيض نمسح لزلمو نتع الكوزينة صدقوني يخرجو يبرقو
والان حبيت نشكر سمراء على وصفة البريوش جربتها وكانت ناجحة مازالي الكروكي نتع دائمة الحمد اكيد ساجربه بادن الله
نمر الان للطلبات نتمنى تعطوني وصفة للتخلص من الرؤوس السوداء وياريت تكون مجربه
دمتم اوفياء ودامت المحبة في الله

سمراء الدنيا · 2014-12-08, 09:15

السلام عليكم و اسعد الله صباحكم بكل خير

بارك الله فيك اختي الدرة المكنونة ...... فكرة جميلة لتزيين السطح يا ريت نطبقوها لانو فوائدها كثيرة

اهلا باختنا جازيا ام البنات و لكن الرابط لا يعمل ممكن تعدليه اردت ان اعرف ما فيه
بارك الله فيك على النصائح المفيدة و الحقيقة الخل الابيض اصبح صديقي الدائم في المطبخ و راني نستعمل نفس النصائح للي حطيتيهم .... بنتي نظفت جانب من المطبخ يوم السبت مديتليها الخل الابيض عوض ماء جافيل و كانت النتيجة ملرضية و ان شاء الله نزودك بالصور .... اما الرؤوس السوداء ... نجيبلك وصفة عملناها الدورة للي فاتت و كانت تجربة جميلة

صباح الخير عزيزتي ام ملاك ..... غير سكتي عجزنا البرد .... لكن راكي تعرفي الشغل ما يخلاصش و ما يتوقفش .....هههه....
اذا تقدري تحطيلنا صورة الريدو محتاجة نشري قماش للمطبخ و ما زال ما اقتنعتش بنوع معين

سمراء الدنيا · 2014-12-08, 09:48

قناع لازالة الرؤوس السوداء للاخت جازيا ام البنات

اقتباس:

المشاركة الأصلية كتبت بواسطة سمراء الدنيا

هدا القناع المنظف للي جربتو و جاب نتيجة هايلة و قررت نتبعو مرتين او ثلاث في الاسبوع

نأحد بياض البيض نخلطوه شويا بالشوكة .... و نحطو بالبانسو على وجهنا طبقتين من بعد نحطو فوقو المناديل الورقية .... سارفيات جوتابل حوالي طبقتين او ثلاثة و نثقبو مكان الانف و العينين و الفم و نزيد نحطو طبقتين او ثلاثة من بياض البيض و نخلوه يجف تماما حتى يرجع يابس انا خليتو اكثر من نص ساعة و بعدها نحي القناع بهدوء و شوفي واش رايحة تلقي فيه ها\و نقط سوداء هادا شعر هادي بلاوي ههههه .... رايحين تنداهشو من النتيجة و بعدها يغسل الوجه عادي و يرطب بكريم مرطب

نبض الفؤاد · 2014-12-08, 10:05

[IMG][/IMG]

جازيا ام البنات · 2014-12-08, 10:23

اقتباس:

المشاركة الأصلية كتبت بواسطة سمراء الدنيا

قناع لازالة الرؤوس السوداء للاخت جازيا ام البنات

شكرا لك اختي سمراء جاري التجريب

oum sabrin · 2014-12-08, 15:25

السلام عليكم و رحمة الله وشراكم حبيباتي
شكرا اختي سمراء على البرنامج انا مازال ما بديتوش
لي عودة ان شاء الله
نروح نجيب صبرين من الروضة

سمراء الدنيا · 2014-12-09, 08:52

السلام عليكم و رحمة الله و بركاته
تطبيقاتي
الجانب الديني ............؟؟؟؟.........الاستغفار و الاذكار و الصلاة على النبي عليه افضل الصلاة و ازكى التسليم .. مراجعة الحفظ بالاستماع

التنظيفي ........ ما نظفتش غرفة الجلوس كانت فترة اختبارات و انتقلت مباشرة للمطبخ ..... كل مرة نظف بلاكار تحت البوتاجي حتى كملتهم يبقالي البلاكار لكبير ..... في الويكاند عاونتني بنتي و نظفنا حيطان المطبخ
و استعملنا هذه الخلطة

مكونة من خل ابيض + ازيس برل + بيكاربونات

و هاذي ايضا بعض المنظفات للي نستعملهم

بما فيهم الاكسسوارات المعلقة

و علب البهارات

و نظفت الثلاجة

تبقالي الكويزينيار مع الحائط للي وراءها و ايضا لي زيليمون
ما خلصتش المطبخ لانو كان عندي شويا خياطة
خيطت لبنتي طابلية

و لجارتنا سيدة كبيرة في السن هاذو

و ما زال باقيلها واحدة نكملها باذن الله اليوم

مازالني مع ابداع و موضوع لنحكي لهم حكاية و الاولاد منسجمين مع القصة اكثر مما توقعت جزاها الله كل خير
و اما التجربة للي فاقت كل توقعاتي هي تعليم اللغة الفرنسية لابني بطريقة هبة الرحمن بارك الله فيها
الحقيقة تقبلها ابني بكل حماس و اصبحت متعة عندو ..... بديتلو بالافعال و من بعد زدت اسماء الحيوانات و بعدها بعض الاسماء و كل ما نحسو تمكن منهم نضيفلو حاجة اخرى ...

الجانب الجمالي 0000000000 الترطيب اليومي فقط

نبض الفؤاد · 2014-12-09, 09:07

[IMG][/IMG]

سمراء الدنيا · 2014-12-09, 09:15

فيما يخص الروابط و الوصفات
انا عاملا قائمة بالوصفات البسيطة و السريعة نحضرهم في حال ما يكونش عندي وقت
و الوصفات المتعبة نطبقهم لما يكون عندي اكل جاهز

كاين الخبز هذا من اروع و اسهل الوصفات للي جربتهم يصلح مع قهوة الصباح و لعشية و مع الشوربات

ديري 2 بيضات + 2 كيسان حليب دافيء+ 2 ملاعق كبار سكر + ملعقة و نص خميرة خبز + ربع كاس زيت + كاس فرينة + ملح و تخلطي مليح + مرات نزيد 2 كيسان فرينة مرات نزيد 3 و نخلط تجي خفيفة كي المسكوتشو و تدهني بلا و ذري الفرينة و تفرغي الخليط و تخليه يخمر اذا حطيتيه في مكان دافي يخمر بالخف ربع ساعة .... و تسخني الفور مليح و ديريه يطيب انا نطيبو في الفور الكهربائي و نشعل من لفوق و لتحت في نفس الوقت
البلا نستعمل لكبير نتاع الفور تجيني خبزة وحدة و اذا عندك صغار قسمي لعجين
اذا لقيت الرابط نحطو

لاحقا نحط الوصفات او الروابط

oummalak · 2014-12-09, 09:30

ماشاء الله سمراء على التطبيقات
حتى انا نظفت امس فريزر الثلاجة وغسلت النافدة والباب ومسحت فوق الخزانات ومسحس علب البهارات راهم عاد جدد
اليوم انشاء الله دالت الكويزنيار والحئط الي وراءه
على فكرة راني اي حاجة نظفها ننظف الحائط الي بجانبها والا اليي وراءها جاتني ساهلة
ربي يعاونكم الى الامام سر والى العمل قم هههههه

سمراء الدنيا · 2014-12-09, 09:45

صباح الخير نبض الفؤاد و ام ملاك
يعطيك الصحة ام ملاك .... اكيد لما تنظفي بهاذ الطريقة يجيك العمل ساهل ربي ما يحرمنا من افكارك النيرة
بديت عملية البحث عن الروابط و ان شاء الله ربي يوفقني و نجيبهم كامل .... راح نطلب المساعدة من ام رجاء
على فكرة لقيتليكم موضوع هايل عن الجمال نروح نجيب الرابط