دورة فراشات تزهو بالألوان بيوتهن قمة في النظافة و التنظيم و التدبير و الاتقان

[أم ريتاج زهرة]

المشاركة الأصلية كتبت بواسطة omkamel

السلام عليكم ورحمة الله وبركاته مساؤكم فل وعامر بالخير خياتى الغاليات وحبيبة القلب بلسم الجروح اختى حبيبة واش اخباركم رانى متوحشتكم بزاف وكى نطول ما نطلش نحس روحى خاصتنى حاجة كى المدمن عالقهوة لا يصبر ويقعد مقلق مكرفس
بغيت نشكرك اختى الفاضلة حبيبة نورتينى الله ينورلك دربك ولا يخيب ظنك في اى امر تتنمنايه انقدتينى والله لانى كنت نتخبط وحدى زوجى سجلنى وقالى الله يسهل عليك ياخى كنت علمى و انا نقولو يا حسراه واش بقى فى هدا الراس نحس روحى احيانا مولات ستين سنة واكثر منكثرة الهموم والمرض و قلة الحيلة سامحونى نسيت ما عرفتكمش على روحى انا والحمد لله ام لخمسة اطفال 4 بنات وطفيل صغير عنده 4.5 وبنتى الكبيرة عمرها 13 واختها11 اما الصغارات فعمرهم 6 و7 سنوات وان نعيش مع العائلة الكبيرة طول تحت كل الضروف والتحديات الى نواجها كل يوم فكنت احيانا نصبر واحيانا ننهار بصح كى نشوف لوليداتى نحاول ونطيح حتى نوقف بغلبة و نجابه الدنيا قداش من مرة وصلت للاخر طاقتى صحتى اعصابى احلامى ما يبقى عندى والو حتى روحى كانت خلاص ترفد العلم الابيض وتستسلم بصح تبقى رحمة ربك اوسع من ان يضيق عليك اى احد صدقونى اخواتى ما كنت نطلب اى شى لا العون ولا المساعدة غير دعوة الخير وكنت نتلاح فى كلش نحب نساعد المحتاج ونفك الحاصل ونوقف مع الطايح حتى ينوض بصح كى طيح بيا ما نلقى غير الشماتة والهمز يا خياتى ديما تقولى اختى الكبيرة الله يشقيها ويحفضها الحراير عندهم ما يعقبو والفحلة هى الى تثبت وتحكم دارها وولادها مهما حصل حكايتى طويلة هده الكلمات خص للفاضلات الى يلقاو تحديات مع ازواجهم العصبيين وحتى الانانيين وكاين المتصلطين وادا كانو مع العائلة فداك اكبر تحدى ليهم باش يثبت قدراتهم وما يسمحوش فى احلامهم ليك اختى نسيبة وكل اخت فى غلب وهم وقلة حيلة الله يفرج الكرب ويوسع الرزق ويفتح لكن ابواب اليسر اللهم امين
بالنسبة لخياتى الى عندهم احلام وراهم مصرين يحققوهم فالله اسال انه يعينهم و الاخوات الى يعانيو المرض والابتلاء نصبرهم ونصبر روحى ونقولهم الله يشفيهم ويدهب عليهم الباس لا شفاء الا شفاؤه ربى يسرلكم اسباب العلاج امين
وشكرى الى كل فراشة رقيقة دخلت لموضوعى وردت على محاولاتى رغم انى تاخرت عن الرد عليهم بصح حاولت وفشلت وكتبت لكل وحدة باسمها بصح اله غالب راحو المهم حبيت نسميكم كامل الله يبارك بصح خفت ننسى وحدة ويغيضها الحال منى
احبتى حبيبة الاستادة الفاضلة جيادا والرقيقة بعيدة المنال الصديقة ضيفة الرحمان و رقية الناجحة اختى البتول والغائبة الحاضرة فى القلوب الاخت حراير و الرائعة شي بيبا ام صبرين والحنون منال100 و المرحة دائمة الحمد ام الخير حسناء القمر ام وسيم والعزيزة فرشات العمر ام رتاج فرحة العمر ياسمين وكذا شوشو والغاليات ام احمد ام مؤمن ام جيهان ماريام امة الرحمان زينب والله حابا نسميكم وحدة وحدة سامحونى يالغاليات كلكن فى قلبى رنى كتبت جريدة سمحولى نسيت روحى

حبيبتي ربي يوفقك في بناتك و ولدك ربي يخليهملك و الله أسعدتيني لما ذكرتي إسمي و أنا أحبك في الله و ربي ينورلك دربك

[رقية الناجحة]

المشاركة الأصلية كتبت بواسطة بوديسة بوبو

شكرا احواتي الكريمات أم ريتاج ، جيادا ، منال100 ، نجاة 54 على ردكم عليا فأنا الآن أحس اني لست وحيدة . بخصوص صلاة الاستخارة فقد استخرة اكثر من مرة . بالنسبة للاخت لي قالت زيدي جيبي الاولاد فللاسف لق شلت الرحم بعد ازدياد ابني الثالث بسبب نزيف حاد .لاادري ماذا اقول فأا احس اني متمكنة من المادة جدا و زوجي عسكري متقاعد أي فاضي شغل و هو مستعد ليأخذني للجامعة كل مرة رغم بعد المسافة نوعا ما . كذلك عائلتي و عائلة زوجي تساندني و هم يسكنون بقربي و هم مستعدون لمساعدتي .أي ان كل الظروف متوفرة .كما اني اتمن ان انجح في الماجستار و اصبح استاذة في الجامعة و بالتالي ادرس يومين فقط فاتفرغ لأولادي .

سلام اختي اذا عزمت فتوكل كلام نبينا الكريم اذا كانت الامور كلها متوفرة فتوكلي عاى الله واحسمي امرك وخذي بالاسباب ولا تفوتي الفرصة بالتوفيق

[رقية الناجحة]

المشاركة الأصلية كتبت بواسطة ouricia

مساء الخيرات لبنات وشراكم
حبيبة انا جد اسفة ابنتي مريضة وراني معاها ومتخافيش عليا ضك نلحقكم
بنات شكون تقولي كيفاه نغير اسمي اعطيوني الرابط تعيشوا

ربي يشفي بنيتك ويعافيها مزال منعرفلهاش

[Om-Mehdi]

سلام الله عليكم جميعا الاخت ام نسيبة العامرية لا تياسي من رحمة ربي راهي كبيييييرة انا تاني عندي تكيس في المبايض و شحال من médecin قالولي ماتجيبيش ولاد فالاول فقدت الامل بصح مبعد امي فطنتني وقاتلي بلي هادي في علم ربي اتخذت بالاسباب و حوست partout لقيت خلطة العسل الحر،طلع النخيل و غذاا ملكات النحل انا خلطت غير زوج لولين خاطراكش غذاا ملكات نحل كل عطار ينعتل حاجة توكلت علي ربي و كليتهم و بعد ٣ شهر زواج رزقني ربي بمهدي و ما شفت حتي طبيب نصيحة اخري اتصلي بالدكتور جميل القدسي انشالله راح يعاونك وماتنسايش الاهم اليقين بالله ربي يرزقك الذرية الصالحة انشالله

[رقية الناجحة]

المشاركة الأصلية كتبت بواسطة feriel gestion

السلام عليكم ممكن تقبلوني معاكم

مرحبا اهلا وسهلا بيك اخيتي

[رقية الناجحة]

المشاركة الأصلية كتبت بواسطة meymouna*

سلام عليكم كامل الفراشات انا غبت 5 ايام بسسب عمل مذكرتي ولا وحدة تفكرتني راني زعفاااانة بزااااااف ....ام نسيبة يا عمري يا الحبيبة راني مقلقة علجالك راجلك هبل واش خصو ربي يهديه ان شاء الله راه يعيا نادم عليك تولي نسيبة امراة ان شاء الله يحسب غير ارواح واتزوج ربي ينصرك ان شاء الله ....اما في خصوص الاتصال يا عمري راني غير نستقبل منيش نرسل راها تكودات لبيس بصح هد السمانة نريقلها ان شاء الله

مانسيتكش اخيتي وادعيتلك في ظهر الغيب ربي ينجحك ويحضرلك الخير

[رقية الناجحة]

المشاركة الأصلية كتبت بواسطة ام مؤمن

اخواتي من فضلكن ممكن نكون خرجت عن الموضوع



متى تصلى صلاة الضحى بالظبط او بالاحرى هل نقدر نصليها على الساعة الثامنة صباحا او التاسعة

الفجر على الرابعة و خمس دقائق و الشروق السادسة الا عشر دقائق تقريبا و الظهر الثانية عشر و النصف زوالا

هل الثامنة صباحا يصادف المطلوب حيث يبدأ وقتها بارتفاع الشمس قدر رمح حسب فهمي انه يكمن ان نصليها بعد شروق الشمس ب 15 دقيقة و وقتها مفتوح الى الوقت 15 دقيقة قبل اذان الظهر اي قبل الزوال ارجوكم ارشدوني هل انا على صواب

يبدأ وقت صلاة الضحى من ارتفاع الشمس إلى الزوال (وقدّره الشيخ ابن عثيمين بأنه بعد شروق الشمس بربع ساعة إلى قبيل صلاة الظهر بعشر دقائق

[رقية الناجحة]

ان معنديش خبرة في الصبغة وما نحبهاش بصراحة لكن مع ذالك صبغت 3 مرات في حياتي تحت الحاح بنتي لانو شعري كان غاد ولونه اشقر ومع الولادات والرضاعة والمكوث في البيت تغير لونه للاسود قليلا صبغت باللون الاشقر الشمالي مرة عند اخصائية و2 مرات بنتي هي لي صبغتهولي وكل مرة كنت نحطلو بعد الصبغة زبدة طبيعية مدة 24 ساعة ونغسلوا بشمبوان سانسيلك الصفراء




وهي مريحتني جدا

وكل ما شفت شعري بدا يجف نحطلوا ماسك الموز والله يهببل

أولا: المكونات في طريقة عمل ماسك الموز للشعر :

- ثمرة موز – حليب جوز الهند - زيت جوز الهند – عسل – خلاط – وعاء – ملعقة كبيرة

انيا: الخطوات في طريقة عمل ماسك الموز للشعر :

1- قومي بتقشير ثمرة الموز وتقطيعها إلى قطع صغيرة ثم ضعيها بالوعاء



2- أضيفي إلي الموز 2 ملعقة كبيرة من حليب جوز الهند

3- قومي بإضافة ملعقة إلى الخليط من زيت جوز الهند ( ويمكنك إضافة ملعقة ثانية من الزيت إذا كان شعرك من النوع الجاف المجعد )

4- ثم اخلطي معهم ملعقتين من العسل

5- ثم قومي بوضع الخليط بمعالج الطعام أو الخلاط واخلطيهم لمدة 45- 60 ثانية حتى يسمح الخليط أملس ولا يوجد به قطع غير مخلوطة من الموز.

6- وبعد ذلك اخرجيه من الخلاط وضعيه في وعاء مجهز له ثم اغسلي شعرك وضعي له مرطب الموز وسوف تحصلين على نتيجة طيبة

واحيانا استعمله مع زيت الزيتون فقط والنتيجة رائعة وهو صالح لكل انواع الشعر

[رقية الناجحة]

تقبل الله صلاة الجميع بمزيد من الاجر والثواب


صورة صغيرتي وهما تصليان المغرب

[منال100]

المشاركة الأصلية كتبت بواسطة رقية الناجحة

تقبل الله صلاة الجميع بمزيد من الاجر والثواب


صورة صغيرتي وهما تصليان المغرب

oالله يحفظ صغيراتك

[منال100]

المشاركة الأصلية كتبت بواسطة meymouna*

سلام عليكم كامل الفراشات انا غبت 5 ايام بسسب عمل مذكرتي ولا وحدة تفكرتني راني زعفاااانة بزااااااف ....ام نسيبة يا عمري يا الحبيبة راني مقلقة علجالك راجلك هبل واش خصو ربي يهديه ان شاء الله راه يعيا نادم عليك تولي نسيبة امراة ان شاء الله يحسب غير ارواح واتزوج ربي ينصرك ان شاء الله ....اما في خصوص الاتصال يا عمري راني غير نستقبل منيش نرسل راها تكودات لبيس بصح هد السمانة نريقلها ان شاء الله

على سلامتك ميمونة مبروك المذكرة وان شاء الله تقبل بامتياز
أما النسيان أنا منسيتكش وراني دعيتلك بلاك ماقريتيش كل الردود مكانش عندك الوقت
رب يعينك ويحفظك ويطول في عمرك
ام مؤمن هو ذاك وقت الصلاة رب يتقبل بمزيد من الأجر والمغفرة والثواب
سلام

[أم ملاك مروة]

سلام يا يرقات و فراشات الدورة مدام رحبتوا بوجودي معكم نحليو القعدة بالتيراميسو وعلى رأسم القائدة الحبيبة حبيبة

[أم شيماءْ]

المشاركة الأصلية كتبت بواسطة جيادا

راني جبتلك الرابط شفتي قداه نحبك قلبت المنتدى كامل على جالك
https://www.djelfa.info/vb/showthread.php?t=1744253
انا ثاني حابت نغير اسمي

تسلميلي كشرودتي الغاليةوالله انا ثاني نحبك من صمصومة قلبي يا كشرودتي الجميلة والله انا حابة نبدل اسمي لام اية 03 باش تعرفيني وراني نستنى في الرد علبالك التقرعيج تاع الناس

رقية الناجحة الله يبارك ربي يخليلك بناتك يارب
وضك نروح نشوف واش راهم يديرو الكشرودات لشعرهم اهاهاهاه
حبيبة الموضوع فورررررررررررررررررر تاع التكشريد

[بوديسة بوبو]

شكرا لكل من قرأ قصتي و لمن رد عليا فكلاكم قد شجعني على اتخاذ القرار . حبيباتي انا لااريد الماجستار من أجل منصب أو مال وانما أريدةا من أجل العلم و الرقي بعائلتي ومن اجل ان اغير شيئا في بلادي خصوصا ان تخصصي هو التعليم .كما أنه هذا آحر عام للماجستار في بلادنا معناه اخر فرصة . ان شاء الله يوفقني ادعولي دائما و انصحوني وانشاء الله لدرت الماجسستار و ربحت نعرضكم عند التخرج و ساوافيكم بكل جديد

[رقية الناجحة]

المشاركة الأصلية كتبت بواسطة ouricia

تسلميلي كشرودتي الغاليةوالله انا ثاني نحبك من صمصومة قلبي يا كشرودتي الجميلة والله انا حابة نبدل اسمي لام اية 03 باش تعرفيني وراني نستنى في الرد علبالك التقرعيج تاع الناس

رقية الناجحة الله يبارك ربي يخليلك بناتك يارب
وضك نروح نشوف واش راهم يديرو الكشرودات لشعرهم اهاهاهاه
حبيبة الموضوع فورررررررررررررررررر تاع التكشريد:d:d:d

واش رايك تبدليه كشرودة الكشاريد هههههههههههههههههه

راني غير نقسر نحبك اوراسية