موضوع مميز ورشة تعليم خياطة البساطات مع لجين - الصفحة 20

chedni · 2012-12-15, 00:35

شكرا لكي أختي على هذه المبادرة والله يبارك لك وفيك على هذا الفن المتقن لدي الشرف أن تكوني استاذتي لأني أحب الإتقان والعمل المنظم .
وأشكرك لانك أعطيتنا من وقتك لكي تعلمينا فالكثير ما يحب يعلم صنعتو للناس مثل جارتنا قلتلها تعلمني كل مرة تقولي مانيش في الدار خافت نديهالها ونديلها الزبائن أنا حابة نتعلمهم روحي نصنع لدارنا .بصح تعلمتهم لوحدي رغم أنفها مع النت وهنا سأتعلم معك إنشاء الله بلونين فنك رائع وعجبتني كثيرا الحواف تشكرييييييييييييييييييين ربي يجزيك خيرا ويباركلك في أولادك وزوجك وكل ما تملكين .

لدي سؤال : عند الرسم هل ترسمين من الجهتين فوق و التحت ؟

هل بإمكاننا إستعمال الصوف على الحواف فقط ؟

كيف تلصقين الكوردو يعني هل بالخيط أو بالبيسطولي ؟

yatoyato31 · 2012-12-15, 12:04

واينك يا حبيبتي راني نستنى

loudjeine2000 · 2012-12-15, 12:35

اقتباس:

المشاركة الأصلية كتبت بواسطة yatoyato31

حبيبتي العزيزة راني كملت خياطة البساط بصح نعتيلي كيفاه نخيط الكوردو باش متبانش العقدة تاع البداية و النهاية

مشكورة أختي على سؤالك ويعطيك الصحة بالنسبة لسؤالك فالاجابة كالتالي الكوردوا نخيطوه بخيط حرير تقريبا من نفس اللون تاع الكوردوا وعندما نبداو الخياطة تاعو نحكم الطرف تاع الكوردوا ونكويه بالنار (بالبريكي) باش مايسنسرش وكيما تعرفي الكوردوا راهوا ملوي يعني كالظفيرة والخياطة تكون على السطح البساط يعني في القماش الفوقاني وهذا اجتهاد مني ودخلت الكوردوا في البساط .وإذا كان هناك غموض فأنا في الخدمة. ومشكورة مرة ثانية.

loudjeine2000 · 2012-12-15, 13:01

اقتباس:

المشاركة الأصلية كتبت بواسطة chedni

شكرا لكي أختي على هذه المبادرة والله يبارك لك وفيك على هذا الفن المتقن لدي الشرف أن تكوني استاذتي لأني أحب الإتقان والعمل المنظم .
وأشكرك لانك أعطيتنا من وقتك لكي تعلمينا فالكثير ما يحب يعلم صنعتو للناس مثل جارتنا قلتلها تعلمني كل مرة تقولي مانيش في الدار خافت نديهالها ونديلها الزبائن أنا حابة نتعلمهم روحي نصنع لدارنا .بصح تعلمتهم لوحدي رغم أنفها مع النت وهنا سأتعلم معك إنشاء الله بلونين فنك رائع وعجبتني كثيرا الحواف تشكرييييييييييييييييييين ربي يجزيك خيرا ويباركلك في أولادك وزوجك وكل ما تملكين .

لدي سؤال : عند الرسم هل ترسمين من الجهتين فوق و التحت ؟

هل بإمكاننا إستعمال الصوف على الحواف فقط ؟

كيف تلصقين الكوردو يعني هل بالخيط أو بالبيسطولي ؟

لا شكر على واجب والله بكل صراحة راني نفرح عندما أجد وحدة مهتمة وحابة تتعلم وأنا شخصيا لم أبخل على أي واحدة طلبت مني تعليمها وهناك الكثير منهم وأفرح دائما عندما ينجحون في تطبيقهم وحتى أنا تعلمت معاهم الكثير ساعات ايجيبولي افكار جديدة وتنجح معي .بالنسبة لأسئلتك :

1- في الرسم نرسم غير من الفوق يعني وين كاين اللاواط والقماش الثانوي.

2- نعم يمكننا استعمال الصوف على الحواف ويجيني البساط مشدود مليح وماش غير الصوف ممكن نستعمل قطع من القماش الزايد أو لاواط ...الخ

3- الكوردوا نخيطوا بخيط حرير ومن المستحسن يكون من نفس لون الكوردو والبساط باش يجي مايبانش.

وإذا كان هناك أي سؤال فأنا في انتظارك وشكرا

[/quote]

yatoyato31 · 2012-12-15, 13:16

مشكورة حبيبتي و ربي يعطيك على قد قلبك

omanis · 2012-12-15, 13:53

اختي راني رحت نشري الملاس و لقيتو و عندوكامل الالوان و حرت واش نشري انا نحب بزاف الموف و ما علافتش باش نكاسيه كاين البنفسجي الغامق و كاين الباج و الغوز و حرت قتلو نعاود نرجع هههه و مازالني حايرة ممكن تدبري عليا في خصوص الالوان

loudjeine2000 · 2012-12-15, 14:35

اقتباس:

المشاركة الأصلية كتبت بواسطة omanis

اختي راني رحت نشري الملاس و لقيتو و عندوكامل الالوان و حرت واش نشري انا نحب بزاف الموف و ما علافتش باش نكاسيه كاين البنفسجي الغامق و كاين الباج و الغوز و حرت قتلو نعاود نرجع هههه و مازالني حايرة ممكن تدبري عليا في خصوص الالوان

بالنسبة للون الموف يصل معاه الأبيض ولا روز أو دوري وممكن تلقي نظرة على بعض الصورللبساطات وهذا هو الرابط
https://www.google.com/search?num=10....1.ExksTobvdck

omanis · 2012-12-15, 22:21

اقتباس:

المشاركة الأصلية كتبت بواسطة loudjeine2000

بالنسبة للون الموف يصل معاه الأبيض ولا روز أو دوري وممكن تلقي نظرة على بعض الصورللبساطات وهذا هو الرابط
https://www.google.com/search?num=10....1.ExksTobvdck

يعطيك الصحة اختي راكي افدتيني بزاف انا خيرت خلاص

واش رايك استادتي الفاضلة

noha_ali31 · 2012-12-15, 23:02

لو امكن تحطيلنا فيديو كيفاه خدمتي في الوسط لانني ماكنت فاهمة والوا بصح شفت الفيديو بين فيه كلش يعطيك 10000000000الصحة ,وراني نستنى في البساط الكبير باه اول تجربة لي في لبساط تكون معاك

loudjeine2000 · 2012-12-16, 20:44

السلام عليكم اليوم ريحة نحطلكم رسم نموذج لبساط كبير الي رايحة نديروا وغدا إن شاء الله رايحة نزل الصور للدرس الأول الخاص بالبساط الكبير
المستلزمات * بونج + طرف تاع 20 سم السمك حسب الرغبة تاع الشخص ومن المستحسن يكون خشين * +لاواط
* قماش من الكريستال (4 متر لون أساسي و2 متر لون ثانوي) وان في هذا التطبيق القماش الفوقاني غيرت بقماش من القطيفة تاع القنادر
والباقية موجودة في الصفحة الالولى

وهذا رسم النموذج تاع بساط

amani32 · 2012-12-16, 21:52

روعة يعطيك الصحة

هدايات26 · 2012-12-16, 22:05

هل الملاس هو نفسهrepe du soie واذا كانت الاجابة لا ارجو ان تعطيني اسما اخر له وشكرا لك على مجهوداتك

loudjeine2000 · 2012-12-17, 08:08

اقتباس:

المشاركة الأصلية كتبت بواسطة هدايات26

هل الملاس هو نفسهrepe du soie واذا كانت الاجابة لا ارجو ان تعطيني اسما اخر له وشكرا لك على مجهوداتك

لا القماش الي نتكلم عليه يسمى في بعض المناطق بالكريستال أو عبد الرؤوف أو المالاس.هذه بعض التسميات حسب المناطق والتي أفادتنا بها بعض الأخوات من مختلف مناطق الجزائر وشكرا
ملاحظة:القماش يجي رولوات وعرضه 80 سنتمتر تقريبا وبمختلف الألوان.

حنان العنابية · 2012-12-17, 10:35

https://farachatdz.boardlog.com/f15-montadaاختي لهنا بنات حابين تعلميهم ادا امكن تعلمي البنات لهنا وتشاركينا في هدا الرابط تعلميهم ولكي جزيلا الشكر

asmasama7 · 2012-12-17, 10:39

يعطيك الصحة اختى و يجعلها فى ميزان حسناتك