بساط بلونين من صنعي - الصفحة 2

سيرينا لبنينا · 2012-01-19, 19:15

السلام عليكم

اولا شكرا على تشجيعكم .

القماش هوالملاس العادي ثمنه 70دج للمتر.استعمل4م من البني و2م من الباج.

اللتحت استعملي 2م بني وزيدي زوره ماعليهش قديمة وزيدي البونج وزيدي2م الباج وفوقه 2م من البني .والرشمة ارسميها في طرف كارطون.

وقصيها بالمقص واطراسيها بالطباشير على وجه البساط وبعد ذلك خيطي كامل الرشمة بعد ذلك قصي يبقى الباج يبان .

نتمنى تكونو فهمتوني واي استفسار راني في الخدمة.

حلاوة_87 · 2012-01-19, 19:35

اسمحيلي اختي نزيد نتعبك..اسم القماش ""الملاس"" هكذا معندهش تسمية اخرى...لاني معرفتهش...

سيرينا لبنينا · 2012-01-19, 21:46

اختي حنا في الشرق نسميوها الملاس ,كي تروحي تشري منعند اللي يبيعو القماش قليلو الملاس معروف من بكري.

ومافيه حتى ازعاج بالعكس اختي راني في الخدمة.

وشكرا.

afrahe · 2012-01-19, 21:51

اجزاك الله خيرا

archioui · 2012-01-19, 22:46

الله يبارك فيك أختي الكريمة
خدمة هايلة

سيرينا لبنينا · 2012-01-20, 19:15

راني حطيت زوج اخرين زيدي شوفيهم بلاك يعجبوك.

سيرينا لبنينا · 2012-01-22, 09:12

السلام عليكم

اولا شكرا على تشجيعكم .

والبنسبة للبساط الثاني
القماش هوالملاس العادي ثمنه 70دج للمتر.استعمل4م من البني و2م من الباج.

اللتحت استعملي 2م بني وزيدي زوره ماعليهش قديمة وزيدي البونج وزيدي2م الباج وفوقه 2م من البني .والرشمة عبارة عن عصفور او اي رسمة عجباتك ارسميها في طرف كارطون.

وقصيها بالمقص واطراسيها بالطباشير على وجه البساط وبعد ذلك خيطي كامل الرشمة بعد ذلك قصي يبقى الباج يبان .

نتمنى تكونو فهمتوني واي استفسار راني في الخدمة.

سيرينا لبنينا · 2012-01-22, 09:19

ونقول للأخوات الكريمات انه كاين الوان اخرى اخدمتها لعائلتي(لانني نخدم غير للدار) بصح مصورتهاش منها النيلي مع الازرق الفاتح

الفاغ منيتار مع الدوغي والموف فونصي مع الموف كلار ....انشاء الله كي نلقى فرصة نصورهم ونورهملكم.

nouna-12 · 2012-01-22, 15:31

انا ماعجبنيش هبلني لون و الخدمة ماشاء الله علييك
لو سمحتي اختي ممكن توريلنا الطرييقة ان امكن

سيرينا لبنينا · 2012-01-22, 16:15

الله يجازيك اختي nouna-12 الطريقة راني حطيتها ذرك في موضوع جديد عنوانه

سيرينا لبنينا · 2012-01-22, 16:18

الله يجازيك اختي nouna-12 راني حطيت موضوع جديد اليوم عنوانه

مجموعة كبيرة من البسطات وطريقة خياطتهم

الجزائرية المحبوبة · 2012-03-10, 16:07

ماشاء الله أختي روووووووووووووووعة

عيوشة · 2012-03-10, 19:24

روعة ياعطيك الصحة

سيرينا لبنينا · 2012-03-11, 13:19

اقتباس:

المشاركة الأصلية كتبت بواسطة عيوشة

روعة ياعطيك الصحة

أختي عيوشة انت ومرورك الاروع.

والله يسلمك.

kakpop · 2012-03-11, 13:26

ماشاءلله اختي سيرينا خدمة هايلة ممكن سؤال

عندما تقصي الرشمات لي يتقصو يبقى تقطاع لقماش شوية باين بصح نتاعك مش باين تقطاع لقماش فيه ممكن تقوليلي واش درتي باش بانش التقطاع انتظر جوابك