لتعرف هذا لكروكي تساعدني - الصفحة 2

zamilio · 2014-03-15, 23:28

ممممممممممم شكرا للاخوات خاصة الاخت امازغية وافتخر جاك هايل غدوة بربى انشاء الله انديرو

نجمة منيرة · 2014-03-15, 23:39

لله يسلمك حيبتي امنياتي من عيوني اتفضلي الوصفة بالتفصييل
6 بيضات +2 كيسان سكر تضربيهم ملييييييح حتي يبياض الخليط من بعد زيدي 2 كيسان زيت و 2 علب ياوورت اكتيفيا ذوق قارص ولا فراز انا نحب نديرو بالفراز و زيدي 4 شكاير خميرة "لازم" و من بعد اقسميه على 2 واحد اكثر من لاخر شوية و الكمية لكبيرة زيديلها مغرف لافاني ولمي بالفرينة العجينة تكون شوية طرية والباقي زيديلو 2 مغارف كبار كاكاو اسود و اكستري تاع الشيكولا او نيسكافي و من بعد شكلي كويرات البيضا كثر من الكحلا و حلي كويرة بيضا و قدامها وحدة كحلا فوق بلاستيك وديريهم فوق بعضاهم و زيدي حلي شوية و روليه مليح باش يجي شكلو باهي من داخل و ديري فسنيوة مدهونة بالزيت يطيب في فرن متوسط من تحت و م بعد من فوق

و بالنسبة للشيكولا حنا نشريو تاع الميزان نذوبها و نزيدلها فنجال حليب خاثر و مغرف كبيرة لافاني و ملون ابيض و نخلط مليييح و كي يبرد الكروكي ندير فوقو الشيكولا و نزين بشيكولا كحلا كيما نحبو و نخلية شوية برك و نقطعو بسكين حاد ماشي مسنن و شهية طيبةان شاء الله تجربيه و يعجبك حنونة منقول للامانة

امازيغية وفتخر · 2014-03-16, 08:06

اقتباس:

المشاركة الأصلية كتبت بواسطة zamilio

ممممممممممم شكرا للاخوات خاصة الاخت امازغية وافتخر جاك هايل غدوة بربى انشاء الله انديرو

موفقة بانتظار صور من تطبيقك

zizou19332 · 2014-03-16, 14:53

اقتباس:

المشاركة الأصلية كتبت بواسطة امازيغية وفتخر

المقادير
8بيضات
2كيسان سكر
2كيسان زيت
2مغارف فاني
2 باكي خميرة الحلويات
2مغارف كاكاو
قشور حبة قارص
قرصة ملح
فرينة حسب الحاجة
طريقة التحضير
نبداو بالبيضنغسلوه و نكسروه لازم 8

نضيفولهم 2كيسان سكر و 2 كيسان زيت و 2 مغارف فاني و قرصة ملح و نخلطو

نزيدو نضيفو 2كيسان فربنة و الخميرة و نخلطو و نقسمو الخليط على 2 نصكبير و نص شوية اقل شوفو

في النص الاقل نحطو 2 مغارف كاكاو

ونزيدولو الفرينة و منيبسوش بزاف يبقى جاري شويا
نروحو للنص اللي مافيهش الفاني نزيدو نديرولو الفرينة حتى تتلملنا العجينة
نقسموه على 6 كيما في الصورة

نحلو كل وحدة بيدينا و نحطولها العجينة اللي فيها الكاكاو تكون جارية شوية

ونروليوها كيما البيسكوي رولي

و نديروها قد البلاطو ونحطوها تطيب بلا ما ندهنوها من فوق

لما اطيب غطي كل حبة بالشكولا البيضاء واعملي خطوط بالسوداء او العكس
تقدري قبل ما اطيبيها تدهني بصفار البيض ولحليب ولفاني وتذرذري الجيجلانية والمكسرات
تقدري بعد ما اطيب تدهني بالمربى وتذرذري المكسرات اللي تحبي او ترحي حبات من نفس لكروكي وتذرذري من فوق
راهو ايجي خفيف وذوقوا رائع مختلف تماما على العادي اللي يجي قاسح شوي ويقرمش لا هذا طري وخفيف
ما نحمروهش على الجوانب كيما النوع لقديم

للاحتياط لما تجربوه اعملو نصف المقدار حتى تتمكنوا منها
دائما لما نجربو نعملو كميات قليلة
الوصفة ناجحة ومجربتها العديد من المرات لكن كل وحدة او كيفاه تكون تجربتها مع الحلويات لاول مرة
اللي ما يحبش السكر بزاف تقدر تنقص نصف كاس من هذه الوصفة لكن انا نعملها كما هي دون تغيير

بارك الله فيك اختي امازيغية وافتخر وانا اكيد راح نجرب الوصفة تاعك ربي انشاء الله يجعلها في ميزان حسناتك كلمة شكر لن تفيك حقك على هذا التفصيل

zizou19332 · 2014-03-16, 15:10

اقتباس:

المشاركة الأصلية كتبت بواسطة نجمة منيرة

لله يسلمك حيبتي امنياتي من عيوني اتفضلي الوصفة بالتفصييل
6 بيضات +2 كيسان سكر تضربيهم ملييييييح حتي يبياض الخليط من بعد زيدي 2 كيسان زيت و 2 علب ياوورت اكتيفيا ذوق قارص ولا فراز انا نحب نديرو بالفراز و زيدي 4 شكاير خميرة "لازم" و من بعد اقسميه على 2 واحد اكثر من لاخر شوية و الكمية لكبيرة زيديلها مغرف لافاني ولمي بالفرينة العجينة تكون شوية طرية والباقي زيديلو 2 مغارف كبار كاكاو اسود و اكستري تاع الشيكولا او نيسكافي و من بعد شكلي كويرات البيضا كثر من الكحلا و حلي كويرة بيضا و قدامها وحدة كحلا فوق بلاستيك وديريهم فوق بعضاهم و زيدي حلي شوية و روليه مليح باش يجي شكلو باهي من داخل و ديري فسنيوة مدهونة بالزيت يطيب في فرن متوسط من تحت و م بعد من فوق

و بالنسبة للشيكولا حنا نشريو تاع الميزان نذوبها و نزيدلها فنجال حليب خاثر و مغرف كبيرة لافاني و ملون ابيض و نخلط مليييح و كي يبرد الكروكي ندير فوقو الشيكولا و نزين بشيكولا كحلا كيما نحبو و نخلية شوية برك و نقطعو بسكين حاد ماشي مسنن و شهية طيبةان شاء الله تجربيه و يعجبك حنونة منقول للامانة

ماشاء الله عليك ربي يحفضك ويعطيك ماتتمني اكيد راح نجربو وراح تشوفوه عن قريب .فهذه كلمات الشكر قليلة في حقكم .

zizou19332 · 2014-03-16, 15:36

اقتباس:

المشاركة الأصلية كتبت بواسطة جيجلية

شوفي اختي انا جربتو بصح بهذا الكيفية وجاني كما لاخر على خاطر ما طيبتوش من الجناب

هو للاخت ام يسرا

. 7بيضات 2 كيسان سكر عادي 3 كيسان زيت 1 خميرة نتاع القاطو zest نتاع 2 حبات قارص و 1 نشاء و كملي شيحي بالفرينة ماتيبسيهاش بزاف اقسمي العجينة على. 2 و زيدي كاكاو لنص و من بعد تهزي طرف من البيضاء تقرصيها شويا برك و تزيدي فوقها طرف من الي بالكاكاو و تحطيها فوقها مليح و من بعد تقرصيهم رقيق و من بعد تروليهم و تعملي حربوش و تحطيه في البلاطو و تحكمي عصير 2 حبات قارص و تضيفي لهم المعجون و تحليهم امليح و تدهني بيهم القاطو و من بعد تحطيه يطيب و من بعد خرجيه و زيدي ادهنيه و هو سخون بنفس الخليط ضرك يشربو و عاودي رديه للفور 5 دقائق و نحيه و البنة امممممممم مانحكيلكمش مع القارص citron

شكرا لك اختي جيجلية وام يسرا جزاكم الله كل خيرا

zizou19332 · 2014-03-16, 15:50

ام ميار · 2014-03-16, 20:31

يعطيك الصحة لكن انا نديرو بالفو ندو

ام كوكو · 2014-03-17, 22:36

يعطيكم الصحة يا لبنات هذا راه قاطو المقصوص و العجينة نتاع الكروكي عادي و انت و افكارك ابدعي فيها كيما تحبي شكلا و ذوقا

ام جبريل ماريا · 2014-03-18, 09:42

سلام اختي هدا كروكي تاع لياورت والشكوله البيضاء ادا هو انمدولك

أم هنيدة · 2014-03-18, 14:21

صورة الكروكي هو للاخت سارة من منتدى اللمة ووصفته هي نفسها لي وضعتها نجمة منيرة

minoucha2008 · 2014-03-20, 11:15

ماشاء الله شكراااااااااااا

فاطمةع · 2014-03-20, 11:26

يعطيكم الصحة اختي جربي وقولينا وين هي لي شابة باه نعتمدوها انا تاني نحب الكروكي من بين الحلويات الاخرى

idron0 · 2014-03-20, 23:09

بارك الله فيك يا اختي الكريمة

ايوب ب · 2014-12-01, 16:35

الوصفة نتاعو هي 4 بيضات 4 فناجل سكر و 4 فناجل زيت و 2 مغارف معجون مشمش وتلمي بالفرينة خليه شوية جاري وزيديه النشا باه يجي خفيف واللون الاسود الي بالداخل ليس عجينة سوداء وانما طبقة من الكاكاو بمعنى تبسطي العجينة وتحطي الكاكاو من فوقها وتمشي بالمغرف وتدوري على شكل حربوش وحطيه يطيب