نتيجة الفرق في السن

[imane mon]

زوجى اكبر منى 12 سنة و الحمد الله صحيح كنت خايفة بزاف من فارق السن بصح بعد الارتباط موليتش نحس بيه

[إيـــمـــــان]

السلام عليكم ... يا اختي هذي المعلومة هي خاصة بالنساء و ليس الرجال المرأة التي تنجب في سن قريب من سن العجز عندها احتمال ان تنجب اطفال معاقين

[ManouraHilwa]

اللهم بارك لا عيب اراه في هذا الرجل مادمت ترضين دينه واخلاقه

[عيدة نور الهداية]

عزيزتي كاين شيوخا تزوجوا وجابوا اولاد في كامل صحتهم وقواهم العقلية والجسدية
بالاضافة الى ان 12 سنة ليست فارق سن ابدا
ومن جانب اخر هذا الذي ذكرتيه ليس صحيح علميا ابدا ولم يثبت شيء منه اكيد كانش وحدا غارت منك وعمرتلك راسك
صلي صلاة الاستخارة وتوكلي على الله
ان شاء الله خير

[دموع الفـرح]

سبحان الله نفس قصتي...تقول انا اللي راني نحكي...انا ثاني كي كنت نقرا سنة ثانية جامعي خطبني استاذ جامعي كثر مني ب12 سنة....الصراحة انا لم اوافق رغم انو حاول معايا كثير...لسببين الاول انو ماكنتش مفكرة في الزواج والثاني ماتقبلتوش حسيتو شويا كبير...........امي عجبها مي انا قتلو لا.........هذا رايي الشخصي نتمني ماباثرش عليك.......ايلا عجبك اتكلي علي الله وربي يسهلك اللي فيه الخير
...

[doua arij]

لا ارى اي مشكلة اختي فارق السن لا ينتج اولاد معاقين هذه خرافة الصح هو الدين والاخلاق و12سنة مشي ياسر كبير راهو في الثلاثينيات فقط صلي استخارة فقط وربي يوفق

[hanan krouk]

أختي قدوتنا في الزواج سيد الخلق محمد صلى الله عليه وسلم

[ابتسام smile &hope]

معلومة سمعت بها وليست خرافة
اضن ان الدراسة اجريت على مرضى التوحد ان لم تخني الذاكرة لكن سن الاباء تجاوز الخمسينيات على مااذكر ويمكنك البحث في قوقل
واكاد اجزم ان خوفك ناجم من فكرة الزواج لااكثر
ربي يهنيكم

[النجمة القطبية]

راكى رحتى لبعيد اختى
هداك ادا كان كبير في العمر يصبح هناك احتمال وجود خﻻيا مسنة اكث بحكم السن لكن هدا ادا كان فوق الخمسينات ولكن
تى في هذه الحالة التاثير ﻻ يكون كما فهمتيه
لكن خطيبك انتى صغير
الرجل حتى للخمسينات يقدر ينجب بجون مشاكل خاصة انك انتى صغيرة وربما حتى اكثر من هذا السن اذا كان بصحة جيدة
اما احتمال اﻻمراض الوراثية فتلك قصة اخرى اﻻمر يعتمد على عدة عوامل منها صحة الزوجين وخلوهما من اﻻمراض
يعنى شكوكك غير صحيحة اﻻ اذا محبيتيش واحد كبير يبقى حقك
ربي يوفقك ويرزقك بالذرية الصالحة السليمة ان اردتى رايي وشفتيه راجل مليح توكلى على الله

[بنت لبحر]

اختي راكي قارية الله يبارك و تامني بهدا لكلام

انا عن نفسي جامي سمعت بيه و ديري في حسابك قادى تزوجي بواحد في عمرو عشرين سنة و تجيبي المعاقين

استخيري ربي وربي يسخرلك الي فيه الخير

[Zahra 30]

خافي لوكان يكون مايخافش ربي الذرية بيد الله

[سماح 2]

_ مكــآنشْ منــهــآ خلاهْ ,, بسم الله من جبتيهــآ هادي ,,؟ الpc حبس -_- ,,باينة هدرة تع عجايزْ تع مـآ متباليش عليهــآ راه ما تزوجش خخ والآ تع وحايدْ ,, الغيرة قاتلتهمْ ,, , ربي يجيبلك الي فيه الخيرْ ,,

[El Montaser]

مجرد خرافات فقط

لو اخلاقه جيدة توكلي على الله

[تينا ماريا]

يااختي راكي عكستي لحكاية المراة كي تفوت سن 35 هيا اللي يزيد عندها احتمال انجاب اطفال معاقين مثال متلازمة داون ...الخ لانو في الدول الاجنبية الحامل اللي اكبر من 35 لازمها مراقبة خاصة اثناء الحمل و يعملولها تحاليل تاع الجينات باش يتاكدو بلي الجنين سليم
اما سن الزوج ماعندو حتى علاقة
وزيد 12 سنة عادي مش فرق كبير بزاف استخيري و اذا شايفة روحك مازلتي صغيرة كملي قرايتك و لكل حادث حديث

سلام