كم اكره المدير

[fremaro02]

يا اختي عليك بمعرفة قوانين الغيابات الشهادة المرضية تقدم مسبقا اي قبل 48 ساعة كذلك لديك الحق في طلب الغياب بهذا ما يقدر ادير والوا ثانيا عندك زوجك يكلموا خارج المؤسسة باش يعرف بلي عندك راجل من ورائك لانه من كلامك ذئب ربي يهديه.

[kif]

المشاركة الأصلية كتبت بواسطة fat-21

مدراء المدارس الابتدائية حاسبين نفوسهم أوباما أو عندتا وحد الفرعون بلا أدب

هي تتحدث عن مدير متوسطة واش راك ماش معانا

[علالينو]

زوجي دركي و كي مشا يتكلم معاه قالهم جا زوجها و هددني في مكتبي و الله ما لقيت الح غير في تغيير المؤسسة و الحمد لله على كل حال

[fremaro02]

قلت لك يكلمه خارج المؤسسة لانه من النوع الذي لا يفهم هذه اللغة و لا تعطيه اي قيمة تعاملي معه اداريا فقط.

[farid1982]

المشاركة الأصلية كتبت بواسطة علالينو

السلام عليكم قصتي تبدا من يوم الي تغير فيه المدير السابق و جاء هذا الجديد و كان هذ اليوم هو نهار الترسيم نتاعي المهم قالي المفتش ساعات الترسيمالي كانو من 3 الى 5 ديرهم من 9 حتى 12 و ساعة للمناقشة يعني خرجت على ا1 و ماجيتش في المساء على نية عوضتهم في الصباح
المهم مرت الساعات جيدة و ترسمت الاولى على الولاية بنقطة 12 من 20 و كان المفتش و لي معاه فرحننين بزاف.
في الصباح تجيبلي المراقبة استفسار على الغياب قلتلها عوضهم الصباح و لكن المدير خصمهملي ماعليش
بعد اسبوع كان عندي درسcomment protéger le nature طلبت من تلاميذي يجيبو البذور و نغرسوها في الساحة للعلم ان ساحتنا قاحلة ما فيها و لو سبولة و خاصة في و لايات الجنوب ثم خرجتهم . غرسو التلاميذ و هم فرحنين و عاجبتهم الحة بزاف و بعدها نشوف سي المدير جا و قفلي كهتلر و بدا يشوف في غير بنص عين . انا والله ما فهمتش .دق الجلس .يستدعيني المدير و الله العظيم بدا يوبخ كالطفل الصغير حتى بغيت نبكي و شا قالي مانيش عارف كيفاش ترسمتي .كنت مصدومة بزاف بزاف و الغد قلت التلاميذي ..خبرتو والديكم ما قالولكم والو .. الكل قالولي ..بالعكس عجبتهم الحالة بزاف و هما لي عطاونا الزريعة المهم كملت العام الماضي معاه في الجحيم
هذا العام كان ادهى و امر و ذلك اني حامل و غياباتي كثرة بزاف كيما قال و كلها مبررة و حدة حامل كيفاش تشك في التبريرات المرضية تاعها
و لما دخلت من عطلتي المرضية الي دامت 75 يوم و انا ممدة في الفراش .اول شييء داره المدير غيرلي الاقسام .ماعليش .عطاني 5 اقسام اي بمعدل 27 ساعة في الاسوع .لا نصف يوم تربوي كل يوم من 8 حتى 12 و من 2 الى 5 و كانه يعاقب في و كي شكيتلها قالي لما عجبكش الحال قعدي في دارك.قتله حسبي الله و نعم الوكيل الخدمة و دار و المدير و الصحة و الله بزاف الحمد لله
و في الاخير دخلت الى المستشفى في عين صالح لسبب احتمال الولادة المبكرة و بقيت 16 يوم و كنت اتصل بالمؤسسة شبه يوميا و خبرتهم بحالتي و في المستشفى لم يقدمو لي اي تبرير حتى يوم خروجي .نهار لي خرجت من المستشفى و الله الي كانت ايام عذاب بالنسبة لي جحيم عشته فيها .وجدت في دالي اخطار بعتهلى المدير اني لم التحق بوظيفتي و بعثه الاكاديمي
رحتله الصباح و كنت في حالة خطيرة لازم مانمشيش اكثر من 10 امتار و طلبت منه يفهمني واش هذا
قالي ما جيتيش تخدمي من 25/4 و ليوم 11/5 .قلته كنت في المستشفى و علابالك خبروك في الاستشارة و درولك تقرير قالي ماكنش لي يثبتلي و انا بعت الاكاديمي و خبرتهم و بقى يتكلم بوحد اللهجة انت دايما مريضة شاهو ذنب التلاميذ و الله صدمني في الاخير قدمتله شهادة طبية و العطلة الاستشفائية و المرضية و قتلها تبقى على خير و الله ما تزيد تشوفني في هذه المؤسسة و لكان نحبس قاع الخدمة
سامحوني اذا طولت عليكم و لكن كنت بحاجة نفرغ ما في قلبي و نقولكم علاش نكرهه و اذا كنت ظالمته يوكل علي ربي هو نعم المولى و نعم النصير

السلام عليكم.انا مدير واكره المدراء

[farid1982]

المشاركة الأصلية كتبت بواسطة fat-21

مدراء المدارس الابتدائية حاسبين نفوسهم أوباما أو عندتا وحد الفرعون بلا أدب

السلام عليكم اختي ليس كل المدراء لانني مدير وانا اول من يكره المدراء الذين يتسلطون على الناس.

[amar26366]

يجب عليك ان تعرف واجباتك وحقوقك..
يجب عليك ألا تتشاجر معه أمام الملأ لأنه سيستغل الفرصة ويضم الى صفه شهودا ( لاتنس أن لكل مدير أذناب في صفوف المربين)
تعامل معه بالوثائق ( noir sur blanc )
لا تترك له الفرصة لينقض عليك ( يعني فيما يخص الغيابات و التأخرات )

[علالينو]

السلام عليكم
انا اطلب السماح من كل المدراء الي ما يستاهلوش و مشي قاع لصباع كيفكيف
انا و الله لكان ما قهرنيش و جرحني بزاف ما كنتش نتكلم عليه و خاصة اني محترمة و غالية عند كل الناس حتى تلاميذي و عمري ما تاخرت على حاجة فيها فائدة للمؤسسة و لكن وجه ربي خير
و سامحوني مرة اخرى

[محمدفارس4726]

متى تتغير نظرة المدير الى طاقمه على انهم اخوة واخوات له وانهم يكوّنون اسرة واحدة بواسطتهم يستطيع ان يحقق المعجزات ، ومتى تتغير نظرة المعلم والاستاذ لمديرهم على انه موظف مثلهم يقوم بأداء واجباتة وفقا لما تنص عليه القوانين ، والله لو اتحدنا وكنا يد واحدة لحققنا المعجزات . هل سيتحقق هذا الرجاء أم يبقى حبيس الأحلام .

[amar26366]

المشاركة الأصلية كتبت بواسطة farid1982

السلام عليكم.انا مدير واكره المدراء

هل لك أن تشرح لنا قليلا..؟
احترامي

[jamel2008]

و الله عمري ما عطيت قيمة لمدير أو مفتش و أعيش مرفوع الرأس لأنهم خدامين مثلي عند الحكومة و ما يملكو الا سلطة خصم الغيابات لا غير فلما هذه الدوشة .

[صخر17]

مدير الابتدائي قاعد غير يعس في المعلم ، السلام عليكم خسارة فيه ، حاشا للي ما يستاهلوش.

[manuela4400]

fais ce qe dois Advienne que pourra!!

[bilina]

أنا أيضا دفعني حتى تركت المؤسسة لانني من الشمال نوكلو ربي بدلي وتتهني كين مدرا خدمي خدمتك وروحي لدارك

[فواز]

المشاركة الأصلية كتبت بواسطة khaled-12

يأختي

أعتقد أنك أعطيته أكثر من حقه خلي كل تعاملاتك قانونية وعلى قول القذافي طز فيه وطز في الي حطوا مدير
من حقك العطلة لكن يجب عليك التبرير في ضرف 48 ساعة

وهو يدير وش يحب هو يقري التلاميذ ولا يجيب ليهم أستاذ مستخلف وأنت وقت متحبي ترجعي أرجعي

مدراء المدارس الابتدائية حاسبين نفوسهم أوباما أو عندتا وحد الفرعون بلا أدب
حتى لا نظلم غيرنا لا نعمم الحكم.... و الله لست الوحيدة ما يحدث لك هكذا ......... و لو أبدأ الكتابة حول ما حدث لي مع المضر لنسيت ما يحدث لك و أكرر لا نظلم غيرنا بالأحكام لأن و الله من المعلمين لو تعطبه أصبعك لطمع في ذراعك وهكذا دواليك........
المهم في حياتي المهنية وجدت نفسي أتعب أكثر و أنا مكلف وغير معفى والمد لله ولا تحت سيطرة أحد مثل هذا .. و أهمالي مقبولة حتى أن أحدهم قال ذات مرة لو تٌرأ ما تكتب بالمقلوب للمفتش لقبله وهذا ما سبب لي أكبر مشكل في مساري المهني مع القائل و هو مضر بالمدرسة ......... وأولهم هددني بسحب الترسيم ( ذات مرة قال لي و أنا أتفرج على الأمطار و هي تسقط كثير من الأشباء تجلك تركع فأجته بثلاث لغات مترجما الكلام: قال جنرال أمريكي لفرقة من الجيش: قاوم ثم قاوم و حين الشك قاوم أكثر حتى يهزم(للمجهول) عدوك) ......... المهم الله يخلص التعليم من هذه الطائفة ويصلح حالنا و حال بلادنا- آمين_......