تجربتي المرعبة مع البطاطا المقلية في الماء - الصفحة 2

نورسان · 2013-02-10, 14:39

اقتباس:

المشاركة الأصلية كتبت بواسطة المغتربة2

ههههههههههههههه اسمحيلي مقدرتش منضحكش ههههههه دموعي ولاو يطيحو من الضحك
المهم سلامت راسك

مع احترامي لكن ماهوش موضوع يدعو للضحك
المهم الاخت سلامات وربي ستر

لمسة حنية · 2013-02-10, 14:40

ربي سترك اختى انا لحد الان مجرتهااش وكل مره نقول نجربها بصح درك نجرب غير كمية قليلة ونشوفو

ام ملاك. · 2013-02-10, 14:44

ربي حفظك انا من نهار اللي قريت موضوع الاخت ام احمد واش صرالها تحرقت هي وولادها من هاد التجربة قلت جامي نجربها
وعندي يومين واش درت غسلت المقلا باش نقلي البطاطا تفكرتها قلت بلا مانشفها ندير الزيت ديراكت ونخليها تسخن ونشوف واش يصرى كيما قلتي هربت من الكوزينة والدنيا قع ولات دخان راجلي تخلع قالي واش كاين حكيتلو قالي مالقيتي واش تديري تنيرفا علي قالي اللي يجي تصدقيه في الانترنت
ربي سترك وستر بنتك

*بيتي مملكتي* · 2013-02-10, 14:49

الحمد لله على سلامتك
و اسمحيلي نعاتبك لأنك طبقتي الوصفة دونما الإقتياد بالمقادير اللازمة لنجاحها
الحق عليكي
أعتذر إن أزعجك كلامي لكن ربي سترك و ستر الملايكة اللي تحبي

أمانة يجب التأكد أولا من مقادير أي وصفة قبل الإستعانة بها باه واحدة ما تندم من بعد

و الحمد لله على السلامة مرة أخرى

نورسين سوف · 2013-02-10, 14:50

يا اختي معاااااااااااااش تعاااوديهااااااااااااااااااااااااااااا
وكااااااااااان عاودتيهاااااااااااااااااااا ديرهااااااااااااااا في الهواء الطلق هههههه
الحمدالله على سلاك راسك

jassmahd · 2013-02-10, 14:54

قبل كل شئ الحمدلله على سلامتك،الطريقة لي درتها هي:
تحطي فيla cocot شوية زيت و شوية ملح و تخليها تغلي من بعد تحطي البطاطا تاعك و بعدها بسرعة حركيها باش ماتتحرقش لبضعة لحظات ثم تضيفي القليل من الماء و تغلقي la cocot.

kiya · 2013-02-10, 15:07

الحمد لله على سلامتك

ام نسمة · 2013-02-10, 15:13

مرحبا الحمد للله على سلامتك اختي انت ووليداتك ...يا خواتاتي راجاء التجارب المنزلية اللي فيها خطورة ادا ما تطبقتش صح ما تزيدوش تحطوها في المنتدى هايليك الحالة الثانية المتادية من هاته الطريقة تخيلو لو لا ستر ربي واش كان راح يصرا ما نكدبش عليكم انا تاني خممت نديرها لكن الحمد لله قلت لزوجي قبل ومنعني لانو دايما ولادي مورايا في المطبخ وفي كامل ارجاء البيت كان من الممكن لا قدر الله تصرا حاجة وعندي نداء لصاحبة الموضوع الاصلية وانا هنا والله لا اقصد اي اهانة او تجريح ياختي في ميزك اللي جربتها وعرضتها للخطر ممكن تدعي عليك كل ما تتفكر الحادثة خلي تواجدك هنا لكسب الحسنات انا متاكدة انك لما حطيتي الموضوع مادرتيش في راسك راح يصرا هكا لكن تستطعين وضع حد ارجوك اطلبي من المشرفات رفع الموضوع وكل المشاراكات الخاصة بيه حتى لا تقرءه كاش امرءة زائرو وليست عضوة وتروح اتطبقه وكما يقولو مش كل مرة تسلم الجرة واعتدر بشدة ان كان كلامي قاسي عليك

ماجدة4 · 2013-02-10, 15:38

حقيقة نفس الكارتة وبنفس المقادير فالوصفة الاصلية ستر ربي برك ........

om anous · 2013-02-10, 18:28

اقتباس:

المشاركة الأصلية كتبت بواسطة omnadjem.10

الله بارك وتهلاي في روحك وفي اولادك اختي

يبارك فيك اختي

om anous · 2013-02-10, 18:31

اقتباس:

المشاركة الأصلية كتبت بواسطة lyna38

الحمد لله على سلامتك و سلامت ولادك و دارك
اختي انا جربت هذ البطاطا
يلزم ديري نفس مقدار الماء وزيت و تقطعي البطاطا خشينة شوية بش متتعجنش في المقلات

اذا كان الماء زيادة على الزيت ما يصرى والو و اذا كان اقل الزيت تبدى تترطق كما صرالك
تحياتي

الله يسلمك اختي لينا

amina260 · 2013-02-10, 18:34

الحمد لله لي راكي بخير اختي العزيزة

om anous · 2013-02-10, 18:35

اقتباس:

المشاركة الأصلية كتبت بواسطة zhor1970

الحمد لله علي سلامتك انا جربتها مي جات رووووووووووووووووووووعة وحطيتها في التطبيق

ممكن كيعاد كمية الزيت اكثر

الله يسلمك ....ردي بالك المرة الجاية

faizarbh · 2013-02-10, 18:37

ربي يستر اختي غير بشوية حنونة و حاذري

om anous · 2013-02-10, 18:40

اقتباس:

المشاركة الأصلية كتبت بواسطة ام سارة ورقية

اولا الحمد لله على سلاماتكم
والله يا اختي انا منين قريتها وانا ندير فيها تخرج البطاطا هايلة
المهم انا ندير قد الما قد الزيت مثلا كاس كاس
نحطها فوق النار مانقويش بزاف زنغطي عليها
كي نشوف الما بدا يغلي نلوح البطاطا àوطبعا للاحتياط نبعد وجهي هههà
ونعود نغطي عليها حت طيب
والله درتها شحال من مرة

يحمد رايك اختي ...انتي طبقتيها بحدافيرها ماشي كيفي