زوجي لا يغار

[لمعة السيف]

وعليكم السلام
اختي الكريمة الخطأ خطأك وين هو

توسمت فيه الخلق و الدين فقد أكد لي ذلك في الرؤية الشرعية

يعني خطبك فقط توسمت فيه الاخلاق والدين وامر جدي لا لعب ولا مزاح وهو اصعب قرار تقرره الفتاة وأهلها اتخاذه هو القبول بزوج صالح ويحرصون على السؤال عن احواله واخلاقه وحياته وحتى اهله .. روى الترمذي عن عائشة - رضي الله عنها - قالت: سمعت رسول الله صلى الله عليه وسلم يقول: من التمس رضاء الله بسخط الناس كفاه الله مؤنة الناس, ومن التمس رضاء الناس بسخط الله وكله الله إلى الناس...لم تسألي عنه او ان سألتم طبعا قيل لكم انه خدام وليس فيه عيب ولاشئ لم تنظرو لجانب الاهم وهو الدين .فالرجل مهما كانت معاصيه..بقوله صلى الله عليه وسل ( لا يدخل الجنة ديوث) يعني حيوان تجد فيه الغيرة ..فيقول الشاعر مُفتخراً بالغيرة :
ألسنا قد عَلِمَتْ معـدٌ *** غداةَ الرّوعِ أجدرُ أن نغارا .ولذا كان ضعيف الغيرة يُذمّ ، حتى قيل :
إذ لا تغارُ على النساءِ قبائلُ ***
يوم الحفاظِ ولا يَفُون لجـارِ
وواجبُ المؤمنُ أن يُحبَّ ما يُحبُّه الله . وأن يكره ما يكرهه الله .

قال ابن القيم : وإنما الممدوح اقترانُ الغيرةِ بالعذر ، فيغارُ في محل الغيرة ، ويعذرُ في موضع العذر ، ومن كان هكذا فهو الممدوحُ حقّـاً .لهذا هذا امر خطير جدا قبل فوات الأوان ..تدراكي هذا لانه سيسبب لك مشكل كبير في حياتك الزوجية ..

[كاميلا]

اولا اختي الكريمة تحوسي على راجل يقتلك بالغيرة مثلا؟ وتاع الخروج مسيرك تخرجي خاصة بعد الزواج ويكون عندك اولاد لانه موحال الرجل يطلق الخدمة ويجي يوصل الاولاد اما يديهم للطبيب في حالات الطوارىء الخ
كيما وحدة جارة لنا البسها النقاب رغما عنها وهي متجلببة ومخلاهاش تخرج كي كبروا الاولاد والا يقولها روحي ديهم ماش شوفار تاعكم
زيد اياكي ثم اياكي تتكلمي على اهله او تداخلي فيهم الزمي حدودك اختي راكي تحوسي على المشاكل فقط هذا مازالك مدخلتيش وراكي هكدا من بعد تولي تزعكيهم على جال لبستهم؟ ماها يا الاهي تبانيلي قبيحة سامحيني ننصحك نصيحة من القلب الراجل مهما يكونوا اهله كيما تقولها جدتي وحوش او غوال ميحبش الهدرة عليهم راكي بالعربية طحني فيه وتظغطي عليه الاهل مفروضون ومفروض علينا احترامهم مهما كانوا مام اذا مرة فرغ قلبوا ماش انتيا تحكميها وتكوني فكرة كبيرة
فكرتيني بزوجة اخي منتقبة لكن لا علاقة لها بالدين تحب تخرج بزاف تحب تخدم مخلاهاش لانه شرط عليها قبل الزواج ودركا راهي معيشته في جحيم شوف خواتاك يخرجوا واحنا كاينة اختي طبيبة والاخرى استاذة جامعية وانا حاليا نعمل على مشروعي الصغير قاتلوا وعلاش هوما دايرين رايهم بالدارجة الدخاصة وين وصلت دارتنا قنطرة باش تعقب علينا الى ان توصل الحال الى اخي ان ضربها كي هدرة علينا هكذا هاذي بدارها وحاطتنا في راسها خرجيهم من راسك انت مشكلتك معاه استخيري وخلاص

[مريم الصابرة]

السلام عليكم اختي
فالحقيقة مستغربة لخطيبك يعني الغيرة ميتة عتندو وقريت الردود واش من تصلحي دارهم وواش من تعلميهم الدين ربي يهدي الناس يتلكو بمثالية ناس عايشين حياتهم كامل نورمال كل شي عندهم عادي تجي الكنة تبدلهم يرجعوها معقدة يولو هوما يحاولو يرجعوها كيما هوما
أختي انا نقولك حاولي تخليه يغير جربيه وشوفي فالكلام عير خطيب صديقتك مثلا اوصفيه وشوفي كان يغير او يزعف بالعاني وشوفي إبداي تجربيه كان شفتيه قاعد على حالو أعرفي هذا ما يتسقمش وما يهمو والو قلبو ميت بكل صراحة لما توصل مع خوتاتو و كل شي عادي اللي يقبل على ختو يقبلها على مرتو إسمحلي هذا واقع اللي راجل راجل يعني على ختو ودارهم وعلى مرتو مش نشكك في رجولتو حاشا لالا لكن ممكن الغيرة عندو ما جربهاش وراقدة مش ميتة حوالي تخرجيها منو وتكلمي معاه فالدين بينك وبينو وشوفي نظرتو للأمر كان لقيتيه سطحي حتى في دينو من رأي عاودي حاساباتك موفقة

[بيلسان الجنان]

السلام عليكم

تعرفين اختي منذ تناقصت الغيرة في رجالنا انعدم الحياء في بناتنا,,,,,,,الله يجيب الخير

لا تتخلي عنه بل حاولي اصلاحه و تغييره + صارحيه (ليس بما لمسته في اهله بل اموركما الشخصية حتى لا يتهمك بالتحريض ضدهم لا سمح الله)

المصارحة تجعلنا نتفادى الكثير من التفكير (لماذا ,,و لو,, و ماذا لو وووو)

+ الخروج انت مزلت في دار باباك و هو الي يحكم تخرجي او لا

وفقك الله

[كاميلا]

المشاركة الأصلية كتبت بواسطة بيلسان الجنان

السلام عليكم

تعرفين اختي منذ تناقصت الغيرة في رجالنا انعدم الحياء في بناتنا,,,,,,,الله يجيب الخير

لا تتخلي عنه بل حاولي اصلاحه و تغييره + صارحيه (ليس بما لمسته في اهله بل اموركما الشخصية حتى لا يتهمك بالتحريض ضدهم لا سمح الله)

المصارحة تجعلنا نتفادى الكثير من التفكير (لماذا ,,و لو,, و ماذا لو وووو)

+ الخروج انت مزلت في دار باباك و هو الي يحكم تخرجي او لا

وفقك الله

نعم اختي الناس راهم يحرضوا فيها على اهله مازالو معرفوش باللي الراجل وين يكون اهله حتى وحوش جامي تتعداي حدودك معاهم في اي حاجة وزيد راهو يكره ويولي يكرهك وتنقلب الامور عليها من الافضل تحل مشاكلها معاه ماش تبنيها على اهله
رايحين يباصيو المخلوقة

[بيت النّسيم]

السّلام عليكم و رحمة الله و بركاته
لا أقول لك قد فات الأوان و لكن عليك أن تدعي له بالهداية فقط,, فهناك بعض الرّجال بطعبهم لا يُحسُّون بالغيرة
المهمّ أن تفرضي أنت رايك في بعض الأمور مثل عدم مقابلة أحد أخوته أو أقاربه إلّا و أنت بالحجاب الشّرعي
انا لا أقول لك إبتعدي و لكن اساليه بعض الاسئلة عن تحجّب بناته في المستقبل!! لعلة يكون متساهلا في هذا الأمر
قد يمنعهنّ من الحجاب الشّرعي! أو يمنعهنّ من الزّواج و يجبرهّن على العمل
و إعلمي يا أخيتي ان الدين و الأخلاق لا تعرفيها بسؤال واحد أو سؤالين
لذلك أنصح كل أخت و الأولياء أن يسالوا جيّدا عن الدين و الاخلاق
و حتّي المتدين ربما تجدين أن عقيدته فاسدة,, لذلك فاللّقاء الشّرعي له أهمية كبرى في التّحري عن الدين و الخلق
و ليس بإمكاننا أن نعلم دين المرأة من جلبابها و دين الرّجل من تردّده إلى المسجد
أعيدي حسابك يا أختاه و تريّثي في إطلاق الأحكام على الآخرين
وفقك الله

[om chiraz]

ربي يعطي لحم لمعندوش السنين تعيي اختي اسمحيلي

[بنت غليزان]

اختي حنا النساء صعاب
و ارضاء الناس غاية لا تدرك
كيما ماراهوش يحاسبك و ما يقولكش ما تخرجيش مش معناتها ما يغيرش عليه معناتها داير فيك ثقة عمياء و لازملك تحترميها و تحافظي عليها و كي قلتي على الخدمة سي نورمال يخليك تخدمي و لوكان قالك لالا تاني يغيظك الحال
انا بالعكس بانلي راجل مثقف شوفي اختي احمدي ربي على هاد الشيء و ادا راكي تحوسي على الغيرة و الله غير تندمي و تشوفي وحد لبنات الي يغيرو عليهم رجالهم غيرة عمياء هادي مرض و يدخل فيها سوء النية و الشك
كاين الي دارهم ما يخليهاش تبات فيها يعني ما يأمنش في والديها و يدير في راسو بلي بالاك تخرج و لا كاش ماتدير

[**د لا ل**]

اصلح الله احوالكِ ويسر لكِ كل خير

[abdel02]

مشكلتك ليست سببا لطلب الطلاق...إنما عليك النصح لزوجك
ربما هو تربى على ذلك..فلا تربي أبنائك عليها.

[khawlita.dz]

عقليتك و طريقة نشاتك واسلوب حياتك غير عقليته و طريقة نشاته و اسلوب حياته هدا كل ما فى الامر وهدا طبيعى بين الناس
فان توافقتما فبارك الله وان رايت ان هدا يشكل مشكلا حقيقيا بالنسبة لك و فى حياتك فصارحيه و كل واحد يشوف ما يناسبه
لا شان للغيرة هنا فكل انسان له مبادىءه و نظرته لهاته الكلمة
ارى ان تعتمدى الصراحة و تصارحيه بما تفكرين فلعله ايضا يرى فيك ما يناقض طريقته و اسلوبه فارى ان توضحى ما تريدينه و يوضح ما يريده
بالتوفيق
اما بقولك

إذ عارضني حين قلت له لا أريد العمل و على حد تعبيره " وش فيها ؟؟" يا لموت الفضيلة ..كيف يرضى أن أعمل مع الرجال ؟

فتاكدى بانه لا احد ملزم بتبنى مبادىء احد و اعتناقها فليس كل الناس يفكرون بما تفكرين به فن رايت ان العمل جرم فليس بالضرورة ان يعتقد هو واخواته بهدا فان لم تناسبك العقلية فلك ان تختاري من يفكر بطريقتك حتى لا تجدى صعوبة بالتاقلم معه ومع اهله مستقبلا و الا فطبقى نظرياتك و معتقداتك على نفسك ولك الحق و لكن على محيطه و اهله فكل واحد حر فى حياته و كدلك بالنسبة لهم فليس لهم ان يجبروك على ان تفكرى مثلهم
اظن فقط انه وان اردت اتمام مشروع الزواج بهدا الشاب ان تككون لك سعة الصدر لتقبل الاختلاف فى التفكير بالتالى ان حرة بعدم العمل و هدا حسب شخصيتك فان لم تريدى العمل فلما يغضبك انه يفكر بعكسك فى النهايه هدا قرارك فهل سيجبرك مثلا بل هو رايه وهو حر به وانت حرة بما يخصك و واهدا راىى فقط

علم شيئ سيء على أخته غضب يومين و مبعد رجع يكلمها كيفاه ؟ ما

اما قولك ان اخته اخطاءت و سامحها فاتعجب و كانك متضايقة
وهل تريدينه ان يدبحها مثلا هى فى النهاية اخته و يح بمصلحتها و تهمه ان تعيش مرتاحة و سعيدة و يهمه ان لاا يضايقها قد يغضب ان اخطات و لكن هدا الغضب ليس كره وانما هو خوف عليها فمن الطيعى ان يسامحها و ياخد بيدها الى بر الامان
قد تخطىء يوما ابنته او ابنه لسمح الله سيغضب و سيسامح و سيحتوى
و هدا الدليل على سماحة الخلق و صفاء القلب فهدا يشجعك على الارتياط به فسيكون لينا طيبا رفيقا بادن الله وهدا رايىى طبعا و اعتدر ان اخطات او قسوت عليك فيبقى هدا راييى و داك رايك و الاختلاف فى الراى لا يفسد للود قضية
فى النهاية اتمنى لك التوفيق بحياتك و ان تجدى من تتمنينه زوجا ومن يناسبك و يكون سندك

[wafa16]

اولا الغيرة مطلوبة للرجال ة النساء يعني الغيرة على الدين
لوكان جات عندك الغيرة على الدين ماتحتاجيش راجل اللي يوريلك واش تديري
شفتي الخدمة ماشي مليحة ماتخدميش ماشي حتى يفرض عليك هو
دارهم ماكان ما دخلك فيهم نتي باينة عجبك الحال كي مايهدرش مع ختو.........
بلاك كان غالط فيها و بلاك عرفت غلطتها و اعتذرت و ولا معاها يعني اخ صالح ماشي ... كيما راكي حابة تقولي اصلا ما يجوش تخاصمي اخوك المسلم اكثر من ثلاثة ايام نتي راكي حابة يقطعها نهائيا ??????
بالاك ترتيبو في العائلة هو الاصغر او عندو اخوة اكبر منو و تربى يحترمهم لدرجة ما بقدرش يفرض عليهم لباس معين
لكن هذا لا يعني انو راح يربي ولادو بنفس الطريقة
انا ماراني شايفة حتى مشكل المشكل نتي حابة تديريه
لوكان الراجل يقولك ما تخرجيش تقولي مزير و حقرني و كي احترم رايك و دار فيك ثقة و لا .....عديم الغيرة و الشرف
الحل ساهل عجباتك عقلية باباك ريحي في داركم و الا استناي حتى يجيك واحد بهاد العقلية تع ماعندك حتى هدرة و المرة عندو كي الكبش تاكل و ترقد و تبع برك
خير ما تروحي عندهم و اديري مشاكل و قطيعة بينو و بين اهلو بحجة حابة تهديهم
لوكان جا مايغيرش كا يختاركش نتي المتدينة كان يشوف وحدة متبرجة و هدا دليل بلي يغير على مرتو

[kmilya]

ههههههههههه ماينة ليك
عقلية اوفار علكيف
مايعيش لحتى واحد عندو الحق والخدمة قالك على راحتك خلاك تخدمي كاشي قدك
نتي لي راكي تعقدي في روحك زيادة
والخرجة لقيتي لي يزيد يقولك اخرجي على روحك وتزيدي تشرطي
احمدي ربي لي عطاك راجل كيما هذا

[mimi 007]

انت راكي تخدمي و حاباتو يقلك ماتخدميش

انت حبيتي تخدمي مشي هو

[naamane3]

شكلك واخلاقك و ونصحك لهذا الشخص
بالحكمة والموعضة الحسنة كفيل
بتعييره واهله الى ما يرضاه رب العالمين