مني الموقف ومنكم التعليق ........

[مريم الصابرة]

المشاركة الأصلية كتبت بواسطة بنت لبحر

السلام عليكم اختي مريم

يعطيك الصحة ما قصرتي ربي يجازيك

الناس هبلو كل يوم نسمعو حكايات تحيري الشيطان و ميخممش فيهم

ناس متخافش ربي
ربي يجازيك

السلام عليكم اهلا وسهلا اختي
اكيد هذا واجبي والله فعلا انا محتارة كيف الناس تفكر امانة هاته أعراض الناس ويلعبون بها وكأنها لا شي انا بقيت افكر ماذا لو كانت الصورة في عرس مثلا يا ربي والله لم استطع التفكير حتى في هذا
وقت وصلنا له الناس لا تخاف الله

[مريم الصابرة]

المشاركة الأصلية كتبت بواسطة زرقـآء اليمآمـة

السلام عليكم
الساكت عن الحق شيطان اخرس ........... لذلك افعلي ما ترينه في صالح الغير ....... هذه فتاة لا تتوفر فيها صفة الامانة وهي ضرورية جدا في العمل وهي مثال عن الخائن الاجتماعي ....... لذلك غير المؤتمن لا مكان له في المجتمع ............. ديري الخير وما تشوفيش موراك ...........

السلام عليكم اختي زرقاء اهلا وسهلا كيف حالك؟
انا في هكذا امور صدقيني لا أتردد ابدا ولا اخاف من احد مهما كان
الأمانة في العمل من شيم الاخلاق ومن أصول التربية والخوف من الله في أعراض الناس هكذا عمل محتاج إلى تربية وخوف من الله لا من بيع أجساد الناس وصورهم بكل بساطة
الله يهدينا شكرا لك

[* عبد الجليل *]

السلام عليكم ،، مساء الخير
اهلا مريومتنا الصابرة كيف حالك ان شاء الله بخير
عسى الوالدة الكريمة بخير ايضا

المشاركة الأصلية كتبت بواسطة مريم الصابرة

كان هذا موقفي السيء لليوم
ماهو رأيكم بكل ما رويته ؟
وجهها الأسوء تلك الخادمة في هذا المحل
الله لا تربحها وتحسب انها ستلقى الخير ... دعاوي الشر لاحقتها والى قبرها ... عرض الناس وشرفهم لا حول ولا قوة الا بالله
هل أنا مخطئة بتدخلي وهل اخبر زوجة صاحب المحل أو لا أتدخل ؟مع العلم لن ابالي إن اخبرت صديقها ذاك لن اخاف إلا من ربي
أنتم لو كنتم مكاني هل كنتم سوف تتصرفون كما تصرفت ؟
لا لم تخطئي يا مريم بل فعلت ما يجب فعله
برأيي إن اخبرت زوجة صاحب المحل سيطردها وستعلم انك السبب وستصبحين في مشاكل انت في غنى عنها ... الزمان ماراهش يرحم والمجتمع اكثر بكثير ... برأيي تبحثين عن صاحبة الصور هذا افضل حل او تتركين شخصا آخر ينوب عنك ليلمح له انه هناك من يعبث بالنت عنده ... والله لا اصدق مافعلته بنت ... عفوا على اللفظ ... لو كنت مكانك لصفعتها حتى تستعقل وتحط رجليها في ماء بارد .... خلاص طفرت ... فات الآوان ... لكن لا تخافي يوم لها ويوم عليها ... لن تلوم إلا نفسها ... فشرف الناس ليس كرة قدم تلعب بها .... الله يهدي ماخلق وخلاص
شكرا لموضوعك الحساس فيك ... آآآه آلمني حقا
دمتِ وفية للقلم ولهذاا الصرح
تحيتي يا طيبة

[مريم الصابرة]

المشاركة الأصلية كتبت بواسطة * عبد الجليل *

السلام عليكم ،، مساء الخير
اهلا مريومتنا الصابرة كيف حالك ان شاء الله بخير
عسى الوالدة الكريمة بخير ايضا

السلام عليكم أخي جليل أهلا وسهلا نورتني
للأسف هذا هو حال مجتمعنا وهذا حال الأمانة التي نودعها عند الناس
لا لا مشاكل ولا غيرو على العكس امي شجعتني ان اتكلم مع صاحب المحل وتلك لن تفعل لي شيئا على العكس انت ادرى بأختك مريم نسيق بها الولاية ككل وتجسب صديقها ويدير فوتوكبي عليه الف والله ما نخاف إلّا من ربي أمّا إنسانة بتلك الحقارة هي تخاف مني مش أنا على العكس كنت قادرة نقدّم فيها شكوى وهي تخاف على روحها لكن أنا راح نكتفي أنّي نبلّغ صاحب المحل وهو يتصرف
للأسف رجعنا في زمان لا نأمن فيه من احد
شكرا لك وجزاك الله كل خير

[eBusiness]

وما رأيك يا بنت الأكابر في الكاميرامان الدي يطلب منه تصوير الأعراس بالكاميرا ومن بعد ذلك يجتمع هو وأصدقائه لكي يروى نساء شبه عاريات في الأعراس وصاحب العرس حمار سامحوني على هذه الكلمة هو من وضع الثقة فيه وجلبه للتصوير وهل توضع الثقة في الغريب حينما يتعلق الأمر بالشرف !!! نعم هو حمار وحمار كبير من يجلب شخص غريب عليه يصور نسائه في العرس، ما بقاش الرجال عليها الدود راه كالينا...
أختي نرجع لمسألة كما تدين تدان هنا تسقط على تلك السحلية بمعنى أنه بما أنها أخرجت صور الفتاة سيأتي يوم وتخرج صورتها هنا كما تدين تدان تقع لأن وحده من إقترف الذنب من سيدفع الثمن وأتمنى لها أن تدفع الثمن غاليا في الدنيا والاخرة لأن حرمات الناس خط أحمر... شكرا أختي الزازايرية على هذا الموضوع القيم ورب يشفيك عاجلا لا اجلا

[*سندوسة*]

وعليكم السلام ورحمة الله وبركاته

اهلا اختي مريم

والله نستعرف بيك وربي مايسالك غير لخير
والله لعجب ناس ماولاتش تخاف ربي هادي طلق عليها اسم سحلية كيما قال الاخ بزنس

كما تدين تدان

والموقف لي ازعجني حقا
واحد نهار كنا نحوسو كنت نا وماما وبابا بقينا ندورو في هداك المكان حتى شفت واحد كل مانتواجدو في بلاصة نلقاه لاصق فينا كرهلي هداك النهار وهو يدير في ليجاست ويقلب في عينيه المهم كي كملها هداك نهار وبغينا نركبو فاللوطو لحقنا كي الوالد وضع رجله فالسيارة انا كنت ركبت والباب مزال مفتوح هو قرب اكثر ورمالي ورقة فالوطو جات عند رجليا والله بقيت مخلوعة لي وصل حتى يدير جاست كيما هدا مغفل وغبي والله لولا خوفي مالوالد يلا يرتكب جريمة لكنت غسلته ونشرته ونخلي لي مايشتري يتفرج




ومرة كنت انا والوالدة هي مع مريضة بالسكري يلزوملها تتمشى وانا ديما معاها ندير فالسبور هه
بقا واحد يتبع فينا بسيارته ويتوغل في الشوارع وكل مرة يخرجلنا من بلاصة المهم تجاهلناه وكي قربنا للدار دخلنا لمحل بيع مواد غذائية
دخل من مورانا شرا قرعة نتاع ما ومع لحانوت صغير فات حدايا وقالي سمحيلي انا قلت عادي
كي وصلنا لدار بقيت نخوي هادوك لي ساشي لي شريت فيهم في غرفة ماما وبقيت نجرب فالصولح لي شريتهم
وفاليوم الموالي كنت نخمل في غرفة ماما حتى لقيت ورقة صغيرة بقيت نحل فيها ونضحك حتى لقيت فيه نيميرو تفكرت هداك الشخص لي كان معايا فالمحل رمالي الورقة فالصاشي نتاعي والمغفل كان يستناني نعيطله


ومرة بغيت نشري ريحة كي خيرتها قالي مول لمحل هادي ليك ولا كادو قتلو ليا
كي جيت لدار لقيده ملصقلي ورقة في هاديك لقرعة نتاع ريحة وكاتب فيها نيميرو



والله ياختي مريم تحيري

سمحيلي كترت عليك

[eBusiness]

نسيت نقولك بارك الله فيك أختي الزازايرية على تصرفك الرائع... نعرفك فحلة وما تخليهاش في خاطرك ههههه لو كان هناك في الجزائر 10 مثلك لكانت الجزائر بخير

[staifia]

سلام
ولينا نسمعوا لعجب لكان. انا مكانك اذهب واخبر صاحب المحل حتى تتربى البنت
اكيد لي عودة لسرد موقف حصل معي في المستشفى
شكرا

[* عبد الجليل *]

المشاركة الأصلية كتبت بواسطة مريم الصابرة

السلام عليكم أخي جليل أهلا وسهلا نورتني
للأسف هذا هو حال مجتمعنا وهذا حال الأمانة التي نودعها عند الناس
لا لا مشاكل ولا غيرو على العكس امي شجعتني ان اتكلم مع صاحب المحل وتلك لن تفعل لي شيئا على العكس انت ادرى بأختك مريم نسيق بها الولاية ككل وتجسب صديقها ويدير فوتوكبي عليه الف والله ما نخاف إلّا من ربي أمّا إنسانة بتلك الحقارة هي تخاف مني مش أنا على العكس كنت قادرة نقدّم فيها شكوى وهي تخاف على روحها لكن أنا راح نكتفي أنّي نبلّغ صاحب المحل وهو يتصرف
للأسف رجعنا في زمان لا نأمن فيه من احد
شكرا لك وجزاك الله كل خير

السلام عليكم
اعلم انك لها يا مريم ... ربي يوفقك ان شاء الله حتى تنقذي بنت الناس
وربي يهدي ماخلق ... حتى الأمانة و وسوسونا فيها ... الله يجيب الخير
دمتِ بخير مريمنا الصابرة ... تحيتي

[مريم الصابرة]

المشاركة الأصلية كتبت بواسطة ebusiness

وما رأيك يا بنت الأكابر في الكاميرامان الدي يطلب منه تصوير الأعراس بالكاميرا ومن بعد ذلك يجتمع هو وأصدقائه لكي يروى نساء شبه عاريات في الأعراس وصاحب العرس حمار سامحوني على هذه الكلمة هو من وضع الثقة فيه وجلبه للتصوير وهل توضع الثقة في الغريب حينما يتعلق الأمر بالشرف !!! نعم هو حمار وحمار كبير من يجلب شخص غريب عليه يصور نسائه في العرس، ما بقاش الرجال عليها الدود راه كالينا...
أختي نرجع لمسألة كما تدين تدان هنا تسقط على تلك السحلية بمعنى أنه بما أنها أخرجت صور الفتاة سيأتي يوم وتخرج صورتها هنا كما تدين تدان تقع لأن وحده من إقترف الذنب من سيدفع الثمن وأتمنى لها أن تدفع الثمن غاليا في الدنيا والاخرة لأن حرمات الناس خط أحمر... شكرا أختي الزازايرية على هذا الموضوع القيم ورب يشفيك عاجلا لا اجلا

السلام عليكم اخي عبد المجيد اهلا وسهلا جزاك الله كل خير
والله في الموقف الذي حكيته الحق كل الحق على صاحب العرس كيف يجلب رجل ليصور نسائهم بملابس العرس اغلبها مكشوفة نعم كانت هاته العادة موجودة هنا حيث اسكن ولكن الآن المصورات نساء وديجي إمرأة اما رجل يصور نساء عرس
سوف اقص عليك موقف حدث معي جيراننا زوّجو إبنهم ولما دعونا للعرس لم اذهب لقاعة الحفلات وبعد العرس يومين إشتريت هدية وذهبت لهم وتعرفت على عروسهم وبحكم جيراننا يعرفون طبعي المزاح يحبون مجالستي بقينا نضحك وندردش فجأة سمعت صوت قهقهات رجالية سالت عمة العريس قالت لديهم ضيوف انسبائهم رجال معهم العريس وإخوته واولاد عمه تخيل يضعون شريط حفل الزفاف الحفلة في القاعة معناها ينفروجون على النساء وهن يرقصن ويعلقون ويضحكون دهشت قلت لها عيب هؤلاء محارم الناس يعني لما جاءت النساء لحفلكم لديهم ازواج والعازبات لديهم إخوة رجال هذا عيب من المفروض الشريط تتفرج عليه انساء وفقط وكيف لاخوك العريس ان يرى الرجال زوجته وهي مكشوفة قاتلي لا يوجد غريب انسبائنا فيو جهها قلت الحمد لله اني ما جيتش
سبحان الله تصرفات وقحة وغريبة وقلة ادب وسوف اقص عليك اخرى لنا جار تزوجت اخته وهو الىخر تفرج على الشريط ورأى النساء تتراقص تخيل ماذا فعل
ألتقى بجار لنا ىخر قال له مازحا بصح عندك الدار بمعنى الزوجة الله يبارك قلّبت العرس بالشطيح تخيل اللذي قالها حاشا خلقة ربي انا نسميه حمار لانو لو عندو ذرة عقل ما يروحش يقول لراجلها كلام هذا ولو شافها
تخيل موقف الزوج راح يغلي للدار ثورة غضب إنهار على زوجته بالضرب المبرح وطلّقها تخيل ماذا فعل ذاك الحمار اعزكم الله تسبب في فكاك أسرة
مواقف تفسد عقلياتنا وللأسف الجيل الصاعد ياخذ منها العبر بالنسبة للفتاة اليوم مررت من هناك نادتني
وعندما اقبلت نحوي قالت انا آسفة والله لقد محى الصور ولن اعيد هذا وفقط لا تخبري صاحب المحل قتلها بوسي عينك لالة انا قلت راكي بطلت وحدك ورحت خفت خيّري نقول لمول المحل او نروح منا ديركت للشرطة وراني سجلتك كل واش كنت تقولي تعرف وجها صفر خافت ماتت بالخوف قاتلي لا لا لا يا اختي دارنا يقتلوني وخاوتي قتلها خاوتك وعلاه ما خممتيش كي دايرة واحد يمشي فيك برايو و تدي فبنات الناس للرجال علاه ذيك ما عندهاش خوها لما مديتي تصويرتها للرجال درت تخلصي ومشيت وخليتها بالخلعة نخليها هاكاك
قوم كيما تقول إنت مازلت حايرة جيناتهم منين جاية

[مريم الصابرة]

المشاركة الأصلية كتبت بواسطة ebusiness

نسيت نقولك بارك الله فيك أختي الزازايرية على تصرفك الرائع... نعرفك فحلة وما تخليهاش في خاطرك ههههه لو كان هناك في الجزائر 10 مثلك لكانت الجزائر بخير

وفيك بركة اخي مجيد هذا واجبنا ومتأكدة لو كنت مكاني اكيد ما كنتش راح تستكت على الموقف
بارك الله فيك لو عشرة مني نخلو البلاد
شكرا لك

[مريم الصابرة]

المشاركة الأصلية كتبت بواسطة staifia

سلام
ولينا نسمعوا لعجب لكان. انا مكانك اذهب واخبر صاحب المحل حتى تتربى البنت
اكيد لي عودة لسرد موقف حصل معي في المستشفى
شكرا

السلام عليكم اختي سطايفية اهلا وسهلا جزاك الله كل خير يا رب
اكيد راح نخبر زوجتو وهوما يتصرفو
انتظر مشاركتك اختي سطايفية مرحب بك دوما

[oum imane83]

اهل العيب كي يطلع منهم العيب ما يصبحش عيب في نظرهم شيء عادي... ..وين لحق الوقت المتاجرة بشرف الناس .........

زين ما عملتي مريم .... في الحقيقة هي تستاهل الطرد لانها غير صادقة في عملها وتزيد تشوه عايلات اخرى بتصرفاتها الطائشة .. يادرا شحال من عايلة راحت ضحيتها ... ربما راهي معتادة على تصرفات كهاته .. سواء لانتقام لشخص تعرفه او لكسب اجر زائد فوق اجرها .. اعمت المادة القلوب

[first first]

موقفك رائع يامرييم وهو من باب النهي عن المنكر والامر بالمعروف............................ربي يكثر من امثالك .......والله عدد الناس لي يقولو كلمة حق راهو في تناقص رهيب لهذا كثر مانراه اليوم.

[j.p.sarter]

المشاركة الأصلية كتبت بواسطة مريم الصابرة

السلام عليكم اختي اهلا وسهلا
والله لو اي وحدة مكاني ممكن دارت نفس الشي واكثر
نعم صديق صديقها واداتلو خدمة يا ربي صدقيني يعني مضيعة نفسها وضيعت بنت الناس معاها الله ينتقم منها
لا والله موقفي عادي انا درت فيها حالة وعيطت عليها وقاتلي واش دخلك قتلها شوفي احكمي فمك ما راكيش عارفة مع شكون راكي نسيق بيك البلدية حمارة وما زلت تهدري عذرا على اللفظة لما رجعت للدار ندمت اني ما عطيتهاش طريحة نكسلها لكن غدا بحول الله راح نتوجه لزوجة صاحب المحل ونخبرها بكل شي وهم احرار
تحيري البنات هذو واش راهم ياكلو العلف كيفاه يخمو
الله يهدينا

ههههههه...واش حبيتي اتزيدي ديريلها ؟....انت وين تروحي اديري الشونطاج؟ها بنيتي هاو استعقلي.....كون انصحتيها بالتي هي احسن بلاك تستعقل المخلوقة هذه ...المهم موقف نبيل وشجاع منك ...اكيد راح تتراجع على تكرارو مستقبلا.