تطبيقي لطاجين البسباس المحشي - الصفحة 2

إلهام07 · 2013-02-11, 14:57

اقتباس:

المشاركة الأصلية كتبت بواسطة أم ماجد

بارك الله فيك الهام متعودة نديرو لكن اولادي ما يحبوهش لكن نديرو مرق ابيض ونلوح فيه البسباس عادي مرة فقط درت ضولمة بجميع الخضر ودرت فيه حبة بسباس واكلتها انا اعطني طريقتك لعل وعسى ياكلوها اولادي

الهام شوفي موضوعي في واش طيبت اليوم ورديلي الخبر وشاركينا فهو ممتع

شوفي ندير مرق أبيض عادي : بصلة وثوم وملح وفلفل أسود و دجاج وشوية جلبانة ( حوالي رطل ) و 1أو 2 حبات جزر و نقلي و نمرق غير شوية برك و لما يغلي الماء نرمي فيه حبات البسباس حوالي 1كغ( الحبة الصغيرة خليها مجمولة وإذا كبيرة نقسمها على 2 بالطول ) و أغلقي عليه لا كوكوط حوالي 20 - 30دقيقة لا أكثر لأن الدجاج والبسباس يطيبو ثم ثم ولما تحطيه في الصحن أعصري عليه كمية مليحة من الليمون و زيني برشة نتاع معدنوس مقطع راهو يجي بنيين و حلو لأن الجزر و البسباس و الجلبانة كامل حلوين

، جربي بالاك تعجبهم.
ملاحظة : هذا الطبق ما يستلزمش دجاج بزاف الرق يجي بنين حتى بشوية دجاج برك و المرق يكون شوية برك

نافلة · 2013-02-11, 14:58

يعطيك الصحة اختي خرجلك رووووووووووووعة
انا ثاني راني ناوية نجربو ومازال ما جابليش زوجي البسباس

إلهام07 · 2013-02-11, 15:00

اقتباس:

المشاركة الأصلية كتبت بواسطة فاطمة بشار

يعطيك الصحة اختي خرجلك رووووووووووووعة
انا ثاني راني ناوية نجربو ومازال ما جابليش زوجي البسباس

الله يسلمك أختي ، نصيحة ديري مرق أبيض كيما الوصفة

amirateljazayer · 2013-02-11, 19:20

ههههههههههه والله يا شاطرة يا الهام ..انا شفتك قلتي راه هابطلي المورال قلت الكوزينة مارايحاش تدخليلها على سمانة ههههه
راكي فحلة الله يبارك واسلوبك تقريبا كيما اسلوبي لانو حتى انا الصباح قلت في قلبي لازمني نجربها بصح بمرقة حمراء هههه
يعطيك الصحة حبيبتي مام السلاطة خرجتلك شابة ..بصحاتكم

دموع تائبة · 2013-02-11, 19:46

يعطيك الصحة يا الهام
جاك يهبل

إلهام07 · 2013-02-12, 08:23

اقتباس:

المشاركة الأصلية كتبت بواسطة amirateljazayer

ههههههههههه والله يا شاطرة يا الهام ..انا شفتك قلتي راه هابطلي المورال قلت الكوزينة مارايحاش تدخليلها على سمانة ههههه
راكي فحلة الله يبارك واسلوبك تقريبا كيما اسلوبي لانو حتى انا الصباح قلت في قلبي لازمني نجربها بصح بمرقة حمراء هههه
يعطيك الصحة حبيبتي مام السلاطة خرجتلك شابة ..بصحاتكم

هههه ، كي نجرب حاجة و ماتصلحش ويهبطلي المورال ، في نفس اليوم أو في الغد ندير حاة أخرى باش نطلع المورال

.
الله يسلمك حنونة ، نصيحة ديريه بمرق أبيض أحسن لان المرق الأحمر فيه طماطم ومعروف أن الطماطم حامضة والبسباس بحلاوة ، يعني الطماطم رايحة تغطي الحلاوة والطعم نتاع البسباس شوية ، من الأحسن ديريه أبيض.
شكرا على المرور

اقتباس:

المشاركة الأصلية كتبت بواسطة دموع تائبة

يعطيك الصحة يا الهام
جاك يهبل

الله يسلمك حنونة ، شكرا على المرور