شريت لافورش - الصفحة 2

المسلمة21 · 2013-01-18, 10:36

اخواتي اللي في الخاص اسمحولي اسمحولي ما عنديش العدد الكافي باه نكتبلكم عالخاص و انا راني من العاصمة اللي من العاصمة و حابة ندلها عالحانوت ماكاش مشكل و اللي بعيدة نشريلها و نبعتلها بالبريد بادن الله الواحد الاحد

المسلمة21 · 2013-01-18, 10:38

اميرة ميرنا ربي يستجيب لدهاءك انشاء الله شكرا لك اختي
اكتبيلي العنوان فقط و انا نبعتهولك بالبريد

المسلمة21 · 2013-01-18, 10:39

نبعتو بالبريد الخاص باه نتوما تروحو تجيبوه من عندهم

أم ياسين الزهراء · 2013-01-18, 11:17

اختي اهلي من العاصمة قوليلي بشحال شريتيها ومنين وربي يعطيك على قد نيتك

المسلمة21 · 2013-01-18, 11:23

انا شريتها من بئر مراد رايس في الطلعة اللي موجود فيها المستوصف تع الاسنان كي نكونو طالعين للمستوصف الحانوت يجي قبل المستوصف عاليمين

أم مريم · 2013-01-18, 12:10

السلام عليكم كم ثمنها لم أفهم جيدا هل 150أو 1500فهميني مليح ربي يجازيك خير

nounoudjs · 2013-01-18, 12:51

سلام ياختي المسلمة21 شكرا على الاثراء وادا حبيتي تكملي خيرك اشريلي وحدة الله يخليك مالقيتهمش وبارك الله فيك

crono · 2013-01-18, 13:33

اقتباس:

المشاركة الأصلية كتبت بواسطة المسلمة21

اختي كرونو المشكل ماشي في الدراهم انا شريتلكم و خلاص ما نسحقش تخلصوني و اعطيني العنوان برك نبعتهالك في البريد

الجمعة مباركة
حبيت نقولك أنا كنت حابة نجي عندك ونتعرف عليك اهلي من العاصمة
أوكي حبيتي أبعتيهالي يعطيك الصحة وبارك الله فيك أونخلفهالك

المسلمة21 · 2013-01-18, 13:58

نشريلكم كااااااامل بادن الله
اختي كرونو انشاء الله توصلك بخير و على خير كي يعطوني لبنات اللي بقاو راني نبعتهم كامل ضربة واحدة
و رانا تعرفنا هنا والحمد لله ربي يخلينا دايما ملمومين انشاء الله

المسلمة21 · 2013-01-18, 14:00

اللي حابة تشري ما تحوسش عالسعر المهم تحط اسمها برك و انشاء الله كي يزيد يجيب الخطرة الجاية نشريهم كامل عليهو نبعتلكم
ما نطلب والو دعواتكم في الغيب فقط

أم عائشة · 2013-01-18, 14:05

انا حابة نشرىها اذا ما كان حتى مشكل من فظلك

نبوغ · 2013-01-18, 14:34

اقتباس:

المشاركة الأصلية كتبت بواسطة المسلمة21

صباح الخير يا وجوه الخير
شوفي اختي انا عندي خياطة في بسكرة نعرفها نقدر نبعتلك الفورش مع اقرباء ليا هناك و انتي روحي جيبيها من عتدها هي تسكن في بسكرة الوسط
و انا راني من العاصمة

أولا شكرا أختي مسلمة فيما يخص الخياطة ممكن تعطيني ولا تبعثيلي عنوان الخياطة باه نشوف نقدر نروحلها ولالا لأنني ما نسكنش في بسكرة سنطر وجزاك الله كل خير

المسلمة21 · 2013-01-18, 14:51

ضرك نشوفلك عنوانها بالضبط لكن علابالي بلي قدام لاجنس تع الحافلات الرئيسية

ام إثري · 2013-01-18, 14:57

اختي مسلمة قوليل برك شحال شريتيها نحوس عليها هنا في باتتنة حابة نعرف الثمن باه مايكلحنيش
بارك الله فيك
اذا 15الف ثمنها معقول

المسلمة21 · 2013-01-18, 15:53

اقتباس:

المشاركة الأصلية كتبت بواسطة أم عائشة

انا حابة نشرىها اذا ما كان حتى مشكل من فظلك

ما كان حتى مشكل اختي انشاء الله نتوفق و نلقالكم كامل