الجديد حبو والقديم ما تفرط فيه.تحضيرات الفحلات - الصفحة 2

دائمة الحمد · 2014-05-27, 22:22

عزيزات راني من فترة وانا نقوم بتحضيراتي لشهر رمضان لكن عندي مشكلة في ادراج الصور ووعدت ام راضية نضم تحضيراتي لملفها

بما اني خدامة وزوجي يحب اكلش على كارو حلول شهر رمضان هو فرصة نقوم فيها بتحضيراتي للشهر الفضيل وعرضيات العيد وصيام شوال اذاكنا من الاحياء

ربما هناك من يقول انو شهر رمضان للعبادة على بالنا لكن اختي الخضر الان راهي رخيصة واسعارها تلتهب في رمضان لماذا لا نوفر على ازواجنا اشياء كثيرة خلال الشهر الفضيل

رايحة نبدى بالسلاطة مشوية او الحميص في بعض المناطق خدمت كمية كبيرة وصورت كلش لكن اغلب الصور ما حبوش يظهرو المهم

هنا بعد ما قطعت الفلفل والطماطم عملت ليهم زيت الزيتون والثوم وعمرتهم في ساشيات حوالي 50 ساشية نمد منهم شوي والباقي الى المجمد

الهريسة

الفلفل الاحمر ما عجبنيش كان لازم نفرزوا ونظفو

فوحتها وطيبتها باذن الله غدوة نحط الصورة النهائية

كي فرزت الفلفل الحمر نحيت الصغير خبيتو بحول الله للحلة والجاري

الطماطم تاع البيتزا

هذي الدفعة الثانية خدمت دفعة اولى وما صورتهاش

هذي صوربعض مشترياتي للحلويات تاع سهريات رمضان

[url=https://www.gulfup.com/?ddToQ3][/url

يتبع

ام طيري الجنة · 2014-05-27, 23:30

شكرا ام راضية على الموضوع ان شاء الله نفيدو ونستفادو فيه
دائمة الحمد خمسة و خموس عليك راكي جايبتها الله يبارك بصح هذي الصورة

قلتلك هذ الصورة غادي نوريها للطبيب نتاعك و نقوله شوف الريجيم اللي حابة تديره دائمة الحمد في رمضان ههههههههههه

دائمة الحمد · 2014-05-27, 23:34

وهذا الثوم راني نقيت جزء ما زال ما كملتش نحطو في بلارة كبيرة بلاستيك والى الكونجيلاتور وين نسحق نجبد بسهولة

]
هذا القارص هو لي بديت بيه الاول انا كنت نكونجيليه من قبل بالصح فكرة مول السيليكن هي للاخت ليديمليون عجبتني]

دائمة الحمد · 2014-05-27, 23:36

ام طيري الجنة تعيشي عزيزتي هذيك القضية شريتها قبل مانروح للطبيب كلحتو ههههههههههههه بالصح خدمة القاطو ادمان لاشتا ماناكلش منو راه كاين النمل الابيض

moniz · 2014-05-27, 23:57

on attend vos préparatifs

أم ماجد · 2014-05-28, 06:49

الحمد لله على السلامة ام راضية والله كنت في بالي
الله لا يغيبك
لي عودة للافادة

أم محمد تاج · 2014-05-28, 08:16

موضع رائع حبيباتي ام راضية ودائمة الحمد
حبيباتي انا عائلتي صغيرة وفي رمضان ماناكلوش خلالالاص يعني مانخدمش هاذ لحوايج صح كنت في دار بابا نخدم الطماطم ونكونجليها وهريسة وثوم وعصائر ووووو بصح ضرك مانخدمش وزيد رمضان عاد يجينا في الصيف يعني الخضر تكون رخيسة عكس كي كان يجينا في الشتا ونتحزموووو للكونج ههههههههههه
اما التحضيرات الاخرى فحبيباتي شريت غير الفريك ونقيتو وغربلتوووو وخلالالالالاص في انتظار القضيان انتظرو صوري حبيباتي

ام طيري الجنة · 2014-05-28, 08:17

اقتباس:

المشاركة الأصلية كتبت بواسطة دائمة الحمد

ام طيري الجنة تعيشي عزيزتي هذيك القضية شريتها قبل مانروح للطبيب كلحتو ههههههههههههه بالصح خدمة القاطو ادمان لاشتا ماناكلش منو راه كاين النمل الابيض

صباح الانوار
هههههههههههه ربي يخَلِّيلْك النمل الابيض و بصحتكم حنونة ما تخافيش ما نخبرش عليك
اما عن تحضيرات رمضان انا راني نقول ان شاء الله نغسل كمية لا باس بها من الخضار و نطيبها في الايام القليلة قبل رمضان و نطحنها و نقسمها فى علب او في دي ساشي و ندسها في المجمد للحريرة باش ما نضلش كل يوم نطيب و نطحن مع الكوزينة نتاعي كوووووووووشة في رمضان
وايضا الفلفل او الطرشي كما يسميه البعض نشويه و نديره في دي ساشي و الى المجمد و نخدم ايضا لاصوص و نقسمها في علب صغيرة و ندسها
باش ان شاء الله في رمضان نتفرغو اكثر للعبادة
اللهم بلغنا رمضان

أم ياسين الزهراء · 2014-05-28, 08:23

ماشاء الله دائمة راكي قلفزة ربي يعينك

انا هدا العام ماوجدت والو راح نرحل مانقدرش نكونجلي العام الجاي ادا عشنا

اللهم بلغنا رمضان

طيري عجبتني البيعة انتاعك ههههههههه

ام تقي الله · 2014-05-28, 08:24

الله يبارك موضوع قيم وكيما قلت دائمة الحمدشهر رمضان للعبادة لكن هذا من العبادة عندما نوفرو ونحسن الصرف
بوركت انت وام راضية

ام طيري الجنة · 2014-05-28, 08:54

بالنسبة للليم او القارص انا درت نتاع مول السيليكون و تالباتو بنتي كل مرة تجبد و تدير العصير تبرد على قلبها حتى كملاتو
امالي هذ المرة عصرتو و درتو في قرعة صغيرة اللي عندها ثقب صغير في الراس ينغلق و ينفتح و درتها في الكونجيلاتور و كي يجي رمضان ان شاء الله نجبدها و نحطها في الثلاجة التحت باش نديرو كل يوم في الحريرة ان شاء الله

دائمة الحمد · 2014-05-28, 11:57

هذا الفلفل مرقد اسرتي يحبوه في البوراك

أم مروان · 2014-05-28, 14:30

الله يبارك و يزيد دائمة الحمد الله يعطيك صحتك و يباركلك فيها
راني مقررة انشاء الله السمانة الجاية نشري الفريك و كامل التوااااااااااااابل من الرحبة و نشري الماااااااااااااااااااااعن انا لازم كل رمضان نشري سرفيس جديد لاطباق رمضان انشاء الله

سرور2 · 2014-05-28, 20:11

[QUOTE=دائمة الحمد;1056507574]هذا الفلفل مرقد اسرتي يحبوه في البوراك

السلام عليكم مشكورة اختي على هذا الموضوع راه في القمة

انا جهزت كمية من الفلفل ورحيتو ودرتو في صشيات وكاين الى درتو في كيسان الجوتابل

وشريت الفحات ونقيتهم ورحيتهم جات ريحتهم هايلة خير من الي نشروه من برى جاهز

اختي دائمة الحمد حبيت نسقسيك على الشرمون هذا كيطيب يبقى هاك ولا يرقاق كيما الي يبيعوه في رمضان لاني حابة نخدمو اذا كان يتبدل لانو في رمضان يغلى عندنا بزاف وزوجي قالي لازمتلقاي كيفاه الطريقة ربي يحفضك جاوبيني بسرعة واذامفهمتنيش نعاود نفهمك وشكرا مسبقا

دائمة الحمد · 2014-05-28, 20:14

اهلين سرور ما فهمتش واش معناها الشرمون قصدك الفلفل المرقد ووضحيلي السؤال عزيزتي وبصحتك التحضيرات وكل رمضان ونحن بخير وربي يقدرنا على الطاعات والعبادات