سري في طاجين الزيتون

[لجين وفاء]

السلام عليكم اخواتي اليوم حبيت نعطيكم سر اخر من اسرار مطبخي
لما نحب نطيب طاجين الزيتون نداويه بزيت الزيتون الحر ماشي تاع السوق نعم اختي زيت الزيتون يمدلو طعم هايل نداويه عادي بصل فلفل لكحل مغرف زبدة ومغرف زيت الزيتون والملح مانديرش حتى نقرب نطفي على الطاجين ندوقو ونزيدلو قد ما مخصوص برك
ما تخفيش من زيت الزيتون لانو مصنوع اصلا من الزيتون ولما يطيب الزيتون بزيت عرب رايح يجي بنييييييييييييييييييييييين امنوني وهدي وصفة مجربتها اكثر من مرة اما على ريحتو رايحة تروح تقعد غير البنة تاع زيتون جربو وردولي لخبر
التوم ما نديروش في الزيتون الابيض وادا عملتو حمر بالسنارية نحطلو سنة صغيييييييييييييييييييييييييييييييييييرة يجي تاني بنين بصح بالطماطم تاع الحب ما نديرش تاع البايط وطبعا دايما عصرة قارص في الاخير