أعطيكي نصيحة لأني عانيت نفس المشكل و عالجت نفسي و لله الحمد الأن و كأنه كذب و كي ما صار والو . و ان شاء الله ينفع معاك
أنا نغتسل ب lotion nettoyante cetaphile من عند الفارماسي . و معروف جدا .
هذا منظف للبشرة اللي تعاني من الطفح الجلدي و الحكة فقط يعني خصوصا لهذا المرض . بدون صابون -بدون عطر- غير زوائي بصح غالي شوية صنع في فرنسا 970 دج
هذا صباح و في الليل
و بعد الغسول ديري كريم ترطيب cetaphile يجي معا الغاسول
هاذو التريتمو غسول و كريم ترطيب يجيو مع بعض و انا تحسنت لاول استعمال علا خاطر اللي عندها طفح جلدي يتهيج كي تنظفي بالصابون و تحكي تحكي و تبدى البقع البنية تبان و هذا التريتمو ما عندوش عطر في المكونات نتاعهم و لا صابون و لا بارابين . يعني صنع خصيصا لمرض الطفح الجلدي .
و نرجعو للبقع حبسيييييييييييييييي العسل الحر ماشي ليح للطفح . يهيج و ينوض الحكة
حبسي الترطيبات الاخرين و الزيووووووت ممنووووووع منعا باتا . اصلا الطبيب وصاني ما نديرش زيت لان الطفح الجلدي يرمي زيت فيه سم . و تولي البشرة مزيوتة و جافة في نفس الوقت و تزيدي زيوت من عندك تولي كارثة . انتبهي
و كاينة حاجة اخرى كي تبداي الغسول و الكريمة تحسي وجهك مرتااااااح . ما يحرقش و ما يوجعش . كي شغل جلد طفل . هنا في المساء تقدري تمسحي وجهك بزيت الورد و تحكي بالقطن فقط مناطق البقع . دورك تقوليلي هاذي مهبولة . تقول لي ما ديريش زيوت اومبعد تقول حطي زيت الورد . ههههه
لا الحقيقة زيت الورد مليح للبقع االبنية و انا تنحاولي كي بديت نمسح موجي بزيت الورد مااااااا شاء الله كي نشوف القطن نلقاه أسود بالاوساخ و البقع تتفتح اللون نتاعها . بصح ما ننساش تنبيه الطبيب و تحذيره . غير نمسح وجهي بزيت الورد . تم تم نغسل وجهي جيدا بالغاسون و ننحي الزيت في وجهي . و النتيجة رائعة.
يعني كنت محتاجة الزيت برك لتفتيح البقع .و ننحيه . و الان وجهي ما شاء الله . اللهم بارك . خلاصو لي مشاكل الطفح و البقع.
اما النصيحة الثالثة جيل الأوفيرا صنع فرنسا . هذا عدو الطفح و شريتو مع الادوية نتاع الطبيب . و العجب نحالي البقع ثاني و هذا اللي ما فهمتش ههههه . كي نغسل بيه في المساء وجهي ورقة بيضاء .
المهم هاذ اللي عندي و أرجو اني أفدتكي
حبيبتي أدعيلي ربي يوفقني في الزواج قريبا مع أتمنى و يسهل الرزق
ربي يشفيك بوساااااا حبيبتي