مرحبا صح فطورك
ارواحي نحكيلك انا صرالي كما انتي وليدي الاول كانت ولادتي عسيرة جدا حتى الاطباء قالولي غير اجلك كان مازال كنتي في الخطر انتي والطفل كان عندي 20عام فقط وما نعرف والو وولدت قيصرية وزاد وليدي مريض على خاطر سوفرا في كرشي بزاف وقالولي الاطباء فات موعد الولادة وفوتي 9 اشهر بأسبوع وووو على العموم انا لا اصدق انو كاين مرا تفوت 9 اشهر
على العموم بقيت مشوكية من بعد الولادة وخايفة ووليدي عذبتني تريبيتو وبقيت فايت الشهر باش بريت من العملية والجرح اتاعي كان فضيع لانها كانت عملية استعجالية
وبعد عام وتسعة اشهر تقريبا اتفاجئ بأني حامل مرة اخرى خفت وبكيت وربي يغفرلي فكرت نتخلص من الجنين لاني كنت مرعوبة لكن وقفت امي لجانبي وعندما اكملت 9 اشهر حصل معي ما حصل اول مرة 9 كملتها وماتوجعت ما جاتني اعراض ولادة لا والو عادي
خفت مشيت للطبيب شافني قالي نعطيك اسبوع ان لم تلدي ولادة عادية لان جنينك صغير عندها اخضعك لعملية اخرى
رجعت للدار حايرة مشيت عند القابلة قالت لي عنق الرحم عندك راه مغلوق خلاص مازال ماتفتحش........خفت مشيت لبيت اهلي
اخذني ابي الى طبيب اخر وكرر لينفس كلام الطبيب الاول وامهلني هو الاخر اسبوع لكني حزمت امري وقررت ان اخضع للجراحة فذهبت لعيادة خاصة اتفقت مع دكتور شاطر وتفهمت معاه على كل تفاصيل الجراحة وطلبت منو يعملي خياطة تجميلية للجرح اول
وفعلا دخلت للعيادة في حالة جيدة انتظرت في قاعة الانتظار وجاء دوري
عاملوني بمنتهى اللطف والحنية من الطبيب المخدر للجراح للممرضين
وعادي ولدت في ظروف ممتازة ووليدي بمجرد خروجه من بطني جابهولي الطبيب .......لاني خدرت تخدير موضعي فقط لحظات لن انساها ابدا وصلح الدكتور الجرح اول قصه كله واعاد خياطة تجميلية لا تكاد تظهر ورجع بطني كما اول عادي مشدود ودون ذالك الجرح الفضيع اللذي كان فيه من جراء اول عملية
وزاد عاقل من اول ليلة يرقد حتى للصباح ونادرا ما يبكي وعادي كبرو ربي يخليهم لي شوفيهم راهم في توقيعي
اسفة على الاطالة لكن حبيت نحمسك تشوفي وليدي الكبير متونس بخوه بزاف ياكلو كيف كيف يلعبو كيف كيف يرقدو كيف كيف يروحو للروضة كيف كيف
والله اني ندمت لما ما تقبلتوش
استغفري مولاك واحملي وجيبي اخ ولا اخت لبنتك ما تخليهاش وحيدة وكل ما كن فارق السن بينها وبين اخوها او اختها اقل كان افضل في المستقبل حتى لا تكون حواجز بينهما