دورة صيفية جديدة

[رندة.]

مرحبا فراشات
التحدّي مازال قائم وهو: الاستغفار 500 مرة خلال اليوم، اما نستغفرو مرة وحدة أو نقسموها حسب الصلوات الخمسة، بعد كل صلاة نستغفرو 100 مرة. بالتوفيق

[رندة.]

يعطيكم الصحة يا سالي وأم محمد راكم شاطرات، من طياب الخبز والسندويتشات، لصنع الحلويات، ماشاء الله عليكم ربي يحفظكم ويباركلكم في صحتكم ان شاء الله.

وبارك الله فيك يا سالي على الدعاء، ولكي بالمثل ان شاء الله.

يا أم هزار في انتظار أنو الزوج يخدملك الفرن تاعك، كاين وصفات كثيرة في الانترنت تقدري تديرهم في المقلاة ولا في الطاجين تاع الخبز، وبالتالي اعتبريه نوع من التغيير، بصح اتحملي السخانة تاع الطاجين وتمتعي بأكلات جديدة.

[ابني نور عيني]

مساء النوور فراشات كاش نشاط

اليوم خرجنا للبحر أنعشنا روحنا شوية ، حنا حبينا نرجعوا للدار و وليدي ما حبش يجي ههه ماحبش يشبع لعب في البحر بالألعاب ...

كلينا ليزوغسان امممم نمووت عليهم و هما مفيدين بزاف للصحة خاصة لعلاج فقر الدم ...

[رندة.]

أصبحنا وأصبح الملك لله و لا اله الا الله وحده لا شريك له، له الملك وله الحمد وهو على كل شيء قدير.

صباح الخير عليكم

[crono]

ما فوائد كثرة الاستغفار لقد أمرنا الله عزّ وجلّ في القرآن الكريم بكثرة الاستغفار، وكذلك أمرنا رسوله الكريم صلّى الله عليه وسلّم، سواءً أقام الإنسان بعمل يستدعي أن يطلب بعده المغفرة مثل المخالفات الشّرعية، أو بعد أدائه للطاعات على كلّ الأحوال، حيث قال سبحانه وتعالى على لسان سيّدنا شعيب عليه السّلام: (وَيَا قَوْمِ اسْتَغْفِرُوا رَبَّكُمْ ثُمَّ تُوبُوا إِلَيْهِ...) سورة هود، 52 ، وقال سبحانه وتعالى مخاطباً النّبي صلّى الله عليه وسلّم: (فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّاباً) سورة النصر، 3 .
وقد كان النّبي - صلّى الله عليه وسلّم يستغفر الله كثيراً بعد الصّلوات، ويستغفره أكثر من سبعين مرّةً في المجلس الواحد، حيث قال صلّى الله عليه وسلّم: (من لزم الاستغفار جعل الله له من كلّ همّ فرجاً، ومن كلّ ضيق مخرجاً، ورزقه من حيث لا يحتسب) رواه أبو داود عن ابن عباس

إوالاستغفار يعتبر من أعظم أنواع الذّكر، ويعني طلب المغفرة، ودعاء سيّد الاستغفار قول (2): اللهم أنت ربّي، لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شرّ ما صنعت، أبوء لك بنعمتك عليّ، وأبوء بذنبي، فإنّه لا يغفر الذّنوب إلا أنت رواه البخاري .

كما يعتبر الاستغفار من أنفع العبادات عند الله عزّ وجلّ، حيث أمرنا به الله سبحانه وتعالى في كثير من الآيات، قال سبحانه وتعالى: (وَاسْتَغْفِرُوا اللَّهَ إِنَّ اللَّهَ غَفُورٌ رَحِيم) سورة المُزّمل، 20 ، وقال سبحانه وتعالى: (وَاسْتَغْفِرُوا رَبَّكُمْ ثُمَّ تُوبُوا إِلَيْهِ) سورة هود، 90 ، وقد أمرّ الله عزّ وجلّ سيّدنا محمّد - صلّى الله عليه وسلّم - والأمّة من بعده بالاستغفار في قوله: (فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّاباً) سورة النصر، 3 ، وقال سبحانه وتعالى: (وَاسْتَغْفِرِ اللهَ إِنَّ اللهَ كَانَ غَفُوراً رَحِيماً) سورة النساء، 106

[crono]

فوائد الاستغفار والتسبيح ترضي الله عز وجل. تطرد الشيطان. تجلب الرزق، وتبارك فيه. تمحو السيئات. تنور وجه المسلم. يزيل الغم، والهم. تحيي القلب. تجلب الطمأنينة، والراحة. تجلب السعادة، والسرور. تقوي القلب، والنفس. سبب من أسباب القوة، والنصر على الأعداء. يبقى لسان الإنسان رطب بذكر الله عز وجل. تسهل الأمور، وتخفف المشاق، وتسهل الصعاب على المسلم. تزيل الخوف من قلب الانسان. الاستمرار في التسبيح، والاستغفار تكثر من شهود الإنسان يوم القيامة. تجلب البركة في الوقت. تقرب الإنسان من ربه. تذكر المسلم بلآخرة، وتبعده عن الدنيا الفانية. تزيل الهموم، والأحزان، والغموم، والحسرات. تسد حاجات المسلم، وتغني القلب. يتم الابتعاد عن النميمة، والغيبة، والفحش.

[ابني نور عيني]

أهلا أختي رندة والله نورتي الدورة و شجعتينا ربي يجازيك ...ربي يكملك راكي مع البنيان كيما دارنا رانا كيما انتي كل يوم الغبرة و الرمل ههه معليش نصبروا شوية ....كل شيء بالصبر .

شكرا على شرح الطريقة تاع غسل الزرابي ، بصح عندي سؤال ياريت تجاوبوني ، عندي زربية تاع الصالون من النوع اللي فيها وبر ماعرفتش كيفاش نقيها كل حاجة تدخل تحتها هي مكونة من شعيرات ياريت اللي عندها فكرة تفيدنا

[crono]

السلام عليكن ورحمة الله تعالى وبركاته
صبحنا وأصبح الملك لله و لا اله الا الله وحده لا شريك له، له الملك وله الحمد وهو على كل شيء قدير.
أهلا فراشات كيف الحال ؟؟والله توحشتكم بزاف و توحشت التحفيز اللي نعطوه لبعضنا ...يدرة توحشتنوني ولالا
قلت ندرب طلة عليكم تمتم ونخروج
أنا راني مضغوطة مع البنيان وليت منوفر تع زوجي هههه كل يوم الغبرة و الرمل وبنتي نهار كمال مع البللي مسكينة والله عيت قتلي العطلة مزال مريحت


الله يعين كل الفراشات على أشغالهن
و الغدا محاجب دلكت العجينة غطيتها خليتها ترتاح
يومكن موفق بادن الله

[ام هزار]

[COLOR="DarkOrchid"]اهلا فارشات
رندة شكرا على طريقة المقلة هداك واش راني نديرسالي ربي يجعل مباركاتك في ميزان حسناتك انا ثاني نموت على صناعة الحلويات
ام حمد بصحتكم البحر اما عن سؤالم ما عنديش فكرة ضرك يدخلو الفراشات و يجاوبوك
كرونو رائعة بجميع المقايس و ربي يعاونك اما طيابك خاصة الخبز فهو مشهي بصح السخانة يا ختي تفشل
انا اليوم درت مسيح غبرة و زجاج لجميع اركان البيت و الغدا لوبيا خضراء بالجاج و سلطة ورقية و الفقوس
/COLOR]

[ابني نور عيني]

أهلا فراشات كيف الحال ؟؟

والله توحشتكم بزاف و توحشت التحفيز اللي نعطوه لبعضنا ...
واش بديتو تنظيفات العيد الكبير ولا مزال ؟؟؟
أنا راني مضغوطة بزاف هاذ العام ههه عندي زوج أعراس و خطوبة من العائلة الجد مقربة راني مع التوجاد كل يوم ننقص حاجة ...

[# أم عبد الرحمان #]

لم أعرف سبب ظهور الكتابة بهدا الشكل

سأحاول اصلاحها بإدن الله

[arwa alaa]

اهلا فراشات واش راكم سلامي ليكم كل وحدة باسمها راكم منورين الصفحات

[arwa alaa]

اهلا رندة واش راكي راني غير في الدار لاتصياف لا والو اعملها بيا الإنترنت برك

[قرويجة]

السلام عليكم خواتاتي كل وحدة باسمها

[جهينة اليقين]

سلام فراشات الضيوف شرفو وتلاقاو الاطفال واحد الانقلاب ما نحكي لكمش راني سرقت شوي وقت باش نراجع واش كتبتوا الله يبارك راكم نا شطين* وراه ما زال وفد اخر ما وصلش وهذو ليامات عندي عرس اعتذر لكم ونسلم على كل واحدة اعذروني سلام*