الجزء 140 من واش طيبتي اليوم

[الرجاء الاماني المجد]

انا درت عشاء روز مفلفل انتع ام سراج وام ملاك وجاني روعة يعطيها الصحة ام افنان كيفه الجو عندكم

[Oum Habouba]

ليزااااااا شكرًا للمجاملة انت هي الشاف

[lyzzabel]

ام حبووبة هدا ويين راني نسمع بلي الشهدة يبخرو بييها .. زعما نعرف التبخييرة خخخخخخ .. انا بغييت نق وللها تااكل العسل تااعها و ترمي بييت النحل .. شكراااا لك و لمامااك على المعلوومة المفييدة حنووووونة و نسييت نق ولك القرييوش فييييييييييييلم بصحتكم

عشاانا لي بااااات و سﻻاطة و الحمد لله على النعم

هههه تفكرت داائمة الحمد و لي باات هههه

[*سماح 94*]

سلااام يا بنات
الرجاء بصحتك الروز انا الروز هو طبقي المفضل نوكلو بكل انواعو ههههه كيما كان الحال
اسيا الصابلي يهبل يعطيك الصحة
ام و ابنة البريوش روووعة
ليزا و ام افنان و ام اسلام و ام حبوبة و الجميع منوراااااااااااااااااااات

عشانا حريرة امي صايمة درتلها معاها تارتولات بالكرام ديبلومات و حميس و الحمد لله

[آسيا 27]

يالهوي دورتوها بخوورر و سحوور انا نهرب

[ام احمدي]

السلام عليكن
حنونة ساجدة ممكن وصفتك في المقارون

[الرجاء الاماني المجد]

سموحة بصحتكم وصح فطور ماما ام احمدي راهي دارت وصفة المقرون شوفيها في صفحة لفتت سموحة اروحي تتعشي معنا

[آسيا 27]

ام اسلام مرحبا
انا نسمع بلي الشهدة مليحة للحروق يضيفولها حوايج كيما زيت زيتون وو البيض ترجع كيما المرهم يتحط فوق الجرح يبرا بسرعة و ما يخليش اثر مي ما نعرفش الاضافات و الطريقة بالضبط

[ساجده 82]

سلام لبنات ام اسلام انا اللي نعرفو يستعملوه الصياغه فاش ماعلاباليش وبكري نشوف ماما و ختي تدوبو وتخدمو اشكال وتستعملو في لخياطه وتصحح بيه الخيط وابوالعيال شفتو يجمع فيه وماشفيتش لواش مليح

[آسيا 27]

سماح ام امينة فرحت مين عجبكم الصابلي تاعي

[melissat]

المشاركة الأصلية كتبت بواسطة ام و ابنة

نعمل كراميل عادي على نار هادية بش ما يتحرقش و يولي مر و نفرغو في المول
نخلط بالباتور بسرعة ثلاث بيضات كبار مع ثلاث ملاعق سكر و نصف لتر حليب بارد او سخون ما يهمش و معاهم لافاني و تفرغتم فوق الكراميل
نعمل جنواز سهلة نخلط ثلاث بيضات صغار او زوج كبار مع ذرة ملح و كاس شاي اللي حجمو مليح ماشي الصغير خلاااص سكر بالباتور بسرعة عالية و في اتجاه واحد يعني ندور يدي كيما عقارب الساعة كي نشوف الخليط بياض و زاد حجمو نفرغ بالشوية اقل من كاس شاي زيت مثل طريقة المايونيز ثم علبة ياوورت طبيعي او كاس شاي لبن او رايب نحبس الباتور نحط ملعقة كبيرة كاكاو اسود و باكي خمارة نخلط بسرعة بالباتور في نفس الاتجاه ثم نفرغ تدريجيا غير بالعقل اربع كيسان شاي فرينة و غير تدخل مع الخليط بسرعة نوقف الخلط
نفرغ خليط الجنواز فوق خليط الحليب و البيض يبان لك كلش ترون و تخلط ما تخافيش
حطي المول في مول اكبر منو فيه ماء ساخن، حمام مريم، و دخليه الفرن
ما تفتحييش عليه باب الفرن قبل نصف ساعة
على حسب الفرن ممكن تأخذ معاك أربعين دقيقة المهم كي تدخلي عود الاسنان و تلاقي الجنواز طابت
نحيه و خليه يبرد ثم حطيه في الثلاجة او ممكن تقليبه قبل ما تدخليه الثلاجة
نتمنى الوصفة واضحة و اي استفسار خليلي السؤال هنا

Kiraki okhti cv
Samhili mafhmtech khalit hlib wbayd kifach
9olili ch7al la3bar exact
Wasamhili rani habaltak
Merci beaucoup

[ام احمدي]

بارك الله فيك الاماني راني شفتها ونقلتها لوصفات الحراير
بصحتكم حبيباتي كاااااااااااااامل

[lyzzabel]

آسيااا انا تااني عجبني الصااابلي حسبت قلتلك هههه نموووووت علييه لوكاان غيير ارسلتييلي شوية راني عجزااااانة نديير

زييدو اعطوونا ف اائد الشهدة الشيرااات والله روو وعة معلومااتكم .. حقاا ما نعرف ﻻا تبخييرة ﻻا هم غير ما ع فتش نعبر خخخخخخخ

[ام و ابنة]

بما انو راجلي راح يتعشى في دارهم هو و وليدي و قعدنا انا و بنتي عجزت نطيب العشاء

جات في بالي نجرب نخترع حاجة و فكرت في العجينة نصف المورقة
عندي مدة و انا حابة نعمل تارت تفاح مورقة لانو عندي تفاح قاعد في الثلاجة ما حبوش ياكلوه بصح حبيتها ساهلة و اقتصادية
الوصفة اكيد تعرفوها كامل و هي التالية

و لكن حبيت نغير في طريقة عملها و نشوف النتيجة
هاهي العجينة خلطت مليح الماء و الزيت و الملح و لميت بالفرينة و ما عجنتهاش مجرد دخلت المكونات مليح مع بعضاها
اتلهيت مع بنتي و نسيت العجينة قريب ساعة كاملة
رشيت طاولة العمل بالفرينة
طرحت العجينة رقيقة


دهنتها بخليط النشاء و الزيت و روليتها

و عاودت طرحتها

و عاودت ادهنتها بخليط النشاء و الزيت و بما انو الخليط خلاصلي و ما كفانيش حكمت ملعقة كبيرة سميد رطب و رشيتها على كامل الوجه بواسطة صفاية صغيرة
شوفو بنتي ما زال ماكملش عامين و شااااطرة شكون تخطب خخخخ

ثم طبقت العجينة على ثلاثة


ثم على اثنين


بما اني لازم نجرب كمية قليلة من العجينة على الاقل بصح عجزت نعمل حشو اذا حطيت شريحة جبن و علبة طن مصفية و دهنتها بصفار البيض



حطيتها في المجمد يمكن ربع ساعة او اكثر بصراحة ما حسيتش الوقت لاني قريت انو العجينة المورقة لااااازم تبرد مليح بعد ما تتشكل و قبل ما تدخل للفرن بش تتورق مليح و ما تطلقش ليدام
و حمرتها و هذه هي النتيجة النهائية




جات بنينة و خفيفة و فيها بزاف الطبقات و طابت ناشفة ماشي مزيتة و ما تقهمش يعني باذن الله نعتمدها خاصة انها سهلة و سريعة و اقتصادية و تنفع للحصلات

[الرجاء الاماني المجد]

ام وابنة خرجتلك روعة بصحتك ملا شاء الله