تحليات باردة من اروع مايكون

[ام اسلام وسرين]

المشاركة الأصلية كتبت بواسطة زينب 83

أضع بين أيديكم اليوم
موضوع تحليات سهلة و بسيطة بأذواق رائعة ، اتمنى ان تنال إعجابكم غالياتي




تحلية بموس الفراز
هاذي التحلية من اروع مايكون ذوقها لا يوصف لذيييييييييذة

الكيفية
اولا الجينواز
4بيض 100غ سكر
80غ فرينة
2 ملاعق كاكاو
كيس خميرة كيميايية
فانيلا

نطلع بياض البيض وحده على حدى
نطلع باقي المقادير ثاني
و مباعد نخلط الخليطين بالشوي حتى يتجانس الخليط
نفرغوه في مول مغلف بورق الزبدة و نطيبوه في فرن سخون 8 دقايق ، بعد مايطيب نقصوه دائرتين

ثانيا
نطلع علبة موس الفراز+ملعقة شانتيي بودرة في 200ملل حليب بارد
ثالثا
نوجدو صوص فراولة بإضافة نصف كوب فراولة مقطعة مع ملعقتين سكر و ربع كوب ماء و نطبوها حتى تعقد بعد ما تبرد نضيفولها موز مقطع

نغلف مول دائري ببلاستيك نحط اولا طبق الموس و نطلع الحاشية ثم الجينواز ثم خليط الفاكهة ثم الجنواز ثم طبقة موس الفراولة و ندخلوها تبرد مليييييح بعد ما تبرد

نقطع فراز من الافضل قطع صغيرة و نستفوها فوق التارت
نطيبو علبة فلان فراز في كاس ماء و نفرغوه بالتدريج فوقها
و ندخلوها تبرد مليح ، كل ما طول ذوقها يرجع اررررروع















تحلية الشكولا بكريمة البرتقال
هاذي الشوكولا ذوقها رهيييييييييييب
اولا
نذوب الشكولا فوق الكسكاس على نار قليييييلة
ندهنوها في مول السيليكون و نخليها تبرد
ثانيا نحضر الكريمة
نخلط 2 صفار بيض او بيضتين مع ملعقة سكر و ملعقة نشاء و نصف كاس عصير برتقال +قشر برتقال و قطعة صغيرة زبدة
نحطهم في الكسكاس على نار قليلة و نحرك حتى تعقد الكريمة

ثالث
نطلع موس الشوكولا مع 200ملل حليب

نعمر الشوكولا بالكريمة ثم موس الشوكولا و نخلوها تبرد مليح
صدقوني طعم خيال










تحلية موس الليمون بالكريمة

هاذي التحلية تحففففة فيها خليط من النكهات رائع رائع

اولا نخدم كريمة الليمون بنفس طريقة كريمة البرتقال

ثانيا نطلع موس الليمون في 200ملل حليب

ثالثا نوجد ميرانغ نطيبو و نهرسو باليد فقط و نخلط معاه شوي مربى حتى نقدر نشكله
رابعا نطلع 50غ شانتيي مع 100ملل حليب بارد و ملعقة كريمة ليمون و قطرات ملون غذائي اصفر سائل

نحط الموس في مول السلكون و نحشيها بالكريمة و ندخلها تبرد مليح حتى تتماسك
نحط طبقة من الميرانغ ثم كرية الموس و تغطيها بالشانتيي ، طعم اممممممممممم










فلان بالفواكه
هذه اسهل تحلية و ممكن نديرو فيها اشكااااال و نكهاااات كثيييييرة
اولا نخلط كاس قازوز الذوق لي نحب مع ملعقتين سكر و ملعقتين نشاء و نحوهم فوق النار حتى يعقد الخليط
نخلط معاه فواكه مقطعة و نفرغوه في المول و ندخلوه يبرد
انا عملت واحد بقازوز التفاح و التفاح
و الثاني ب فانتا فراز ر الفريز مقطع و الكيوي
و الثالث بعصير المانغا و فننا فراز
طعم لذييييذ و في نفس الوقت سهل و أنيق

ملاحظة

صراحة لاحظت التفاعل ناقص بزااااف و الردود تعد على الأصابع ، صحيح اننا نضع الوصفات من دون مقابل و لوجه الله ، لكن اي إنسان محتاج دائماً الى الدعم ،الكلمة الطيبة صدقة و تشجع على العطاء اكثر

في امان الله و حفظه

الله يبارك ماشاء. الله دمت و ربي يحفظك ان شاء الله

[زينب 83]

المشاركة الأصلية كتبت بواسطة om ahmed

بارك الله فيك افكار هايلة بالنسبة للوصفة الاخيرة الملاعق المستعملة صغيرة ام ملاعق اكل شكرا حبيبتي

و فيك بارك الله غاليتي
ملاعق كبيرة

[زينب 83]

المشاركة الأصلية كتبت بواسطة معتزة بديني

اختي زينب التحالي رائعة حنونة
هل يمكن استبدال لاموس تاع الفراز بلا كرام باتيسيار فينواز ذوق فراز الي تتباع

شكرا غاليتي
لا لا يمكن قوام الكريم باتبسيار مختلف تماما عن قواام الموس . الموس خفيييفة بزاف هايلة

[أم تقي الدين]

رائع بكل معنى الكلمة فنانة أدام الله عليك صحتك وحفظ لك زوجك وأولادك

[اسمهان79]

وااااو
ما شاء الله وتبارك الرحمن
اكيد منعش ومن يدك أحلى حبيبتي
تسلم الأيادي
وأحلى تقييييييييييم

[ام اياد 2013]

اممممم يعطيك الصحة زينوبة وصفات هايلين

[اشرقت نفسي]

الله يبارك حبيبتي
مشكورة

[ياسمين قدسي]

بارك الله فيكي

[om zayd]

و الله وصفات جد رائعة ربي يحفظك و يعطيك ما تتمناي

[اشرقت نفسي]

الله يــــبارك مــــاشــــاء الله

[Nada Alomer]

رووووووعة الله يبارك

يعطيك البصحة

[كاتمة الاحزان]

السلام عليكم عندي سؤال ،
هل نستطيع نجرب هذه الوصفة مع عصير بدون غازات ؟
و سلمت يداك

[assia47]

merciiiiiii

[منصفاف]

بارك الله فيك الله يجعلك دائما متالقة

[kala11]

و الله وصفات جد رائعة ربي يحفظك و يعطيك ما تتمناي