الجزء 136 من واش طيبتي اليوم *فلنغتنم عشر المغفرة*

[زهرة الريف*]

ربي يبارك فيكم أخواتي
دائمة كلامك صحيح علينا اغتنام هذه الأيام من هذا الشهر الفضيل ونكثرو من الدعاء والاستغفار والصدقة يارب يقدرنا ويتقبل منا
أم ماجد لله يسلمك ياغالية وين نبان قدامك
أم ساجد انا عمري لاندير بوراك المقلة يجي ثقيل وبوراك الفور خفيف وصحي
أم طيري الجنة ربي يبارك فيك ويرزقك فرحة عمرك وإن شاءالله دعواتنا مستجابة
رحمة الرجاء طالبة جامعية أم أيوب تحياتي لكم حباباتي ويومكم موفق
أم فاطيمة كلش هايل الله يبارك

[عازفة الناي]

احلى صباح لاحلى اخوات
اولا ابي راه تحسن شوي والحمد لله ... الصراحة منع من الموت ... كلوته و مصرانه تنفخو بزوج قريب يتفلقو مزية جرينا بيه للمشفى ... الم فظيع لدرجة انه كان يودع فينا ااااااااااااااااااااااااااااااااااااااااااه واش نقولكم فاتت لحظات قلنا مايرجعش للدار لكن رحمة الله واسعة ولطف بينا وبيه
ثانيا الف الف شكر يا غاليات على الدعوات وعلى سؤال حيرتكم معايا والله مالقيت كلام نعبر بيه على اللي حسيته الان وانا نقرى فردودكم والله الدموع نزلوا ربي يجازيكم خير ويعطي لكل وحدة واش تتمنى وتحب وينجح اولادكم يارب
امس كان يوم صعب جدا جدا وجاونا الغاشي بزاف الاهل والاحباب ماصبتش دقيقة ندخل ربي يكثر الاحباب و المحبين لانهم سند
تقبلو مني هذي الباقة البسيطة ماعرفتش بواه نرجع خيركم ووقفتكم معي ودعاءكم لوالدي

[زهرة الريف*]

أرزاق الجاج درتو في اكياس الشواء والخلطة درت معرفة موتارد ومعرفة مايوناز ومغرفة خل وشوي طماطم تاع المعجون وفلفل اسود وملح
وشوي زيت زيتون وثوم ومعدنوس مع معرفة ماء على جال الصلصة وكي طاب حمرتو بشوي زبدة

[أم فاطيمة]

اهلا عزوفة الحمد لله على سلامت الوالد ربي يخليليكم و يطول في عمرو رانا كامل خواتات و نحتاجو لبعضنا
ام تاجو ربي يتقبل حت انا نوض نشوف وا ش ندير ملينا من الكوزينة ولات همنا الوحيد الحمد لله

[oum islem]

السلام عليكم
رمضان مبارك
ان شاء الله راكم كامل بخير وعافية

سماح الف مبروك الكوزينة بالبركة عليك
والكوزينة الجاية من بيت الزوجية بعد التخرج اكيد ان شاء الله

راجعت 6 صفحات الاولى يعطيكم الصحة كامل
ربي يديم عليكم النعم

سماح اطباقك رائعة يعطيك الصحة

عازفة ربي يشفي الوالد ان شاء الله ويفرحكم برجوعه معافى ان شاء الله

صح فطوركم
دمتم بخير
في امان الله

[زهرة الريف*]

عازفة الحمدلله على سلامة الوالد وربي يعطيه الصحة وطولة العمر
تستاهلي كل خير وهذا واجب علينا
أم ياسو نعرض حبيبتي ونقعدها على رأس الطابلة آه لو كانت حقيقة نستقبلك بالبوس والاحضان
أم تاجو كلش مبروك وبالهنا إن شاءالله حطيلنا شوي كواليس باه نقلوا وربي يكثر الأفراح

[omhadil]

السلام عليكم اخواتى وصح صيامكم
دخلت على خبر مرض والد عازفة الناى
الحمد لله على سلامتو وربى يحفضو ويسترو من كل ضر يارب
اختى نوكيا الف مبروك افتتاح الكوزينة ربى يجعلها عامرة فى هذة الايام المپاركة

[زهرة الريف*]

أم إسلام وشحال يعجبني الديكور تاعك الله يباركلك ويزيدك ��
حباباتي نروح لشغالاتي وربي يوفقنا جميع
الحمدلله والحمدلله والحمدلله والصلاة والسلام على رسول الله

[الرجاء الاماني المجد]

شكرا اختي ام طيري الجنة و دومة لنا اخت وفية و خدومة وربي انشاء الله يرزقك بالدرية الصالحةوصح فطورك انت وجميع الاخوات

[Simassim]

ام ياسين قولها نخلصها غي تجي تحدد انا ماكنتش نكره الحديد وليت نكرهو كامل مايخلاصش سيغتو الصيف وزدت حت قش يوسف كااااامل بيه يتحدد ماعدا البيجامات وااااااع دخت

فطوري اليون حريرة وميني بيتزا بقاولي حبيبات نخليهم لسي سيد ونزيد الجلبانة حت العشية يجيبهالي ان شاء الله

عازفة الحمد له على سلامة الوالد. وربي يقدركم على الضياف

[أم ياسين الزهراء]

الحمد لله عازفة الحمد لله ردو بالكم عليه وبعدو عليه واش يضرو وربي يخليهولكم تاج على روسكم

لبنات زوجي طلب شربة بيضاء نديرهالو وبنتي الزهراء دير شربة الفريك للمتمردين منهم هي وسلمى خاطرها ميني بيتزا نقلها ديريها ونزيد نعصر مخي كيما الخايبة ونشوف واش نزيد وطبعا طلوع راح تجربو الزهراء

لبنات كيتسمعو خبر على النتايج قولولنا ونبهونا راهم يقولو قادر 1 جويلية ربي يسمعنا الخير يارب

ام مونية سلميلي على ام رحاب مليح مليح وقوليلها توحشناها ويارب نفرحو الكل

امومتي الضائعة وينك توحشناك المازتي ولا بناتك قضاو عليك هههههههههههههه ربي يفرحك بيهم

[أم ماجد]

ام ساجد الف شكر حبيبتي
عازفة الحمد لله اللي خرجت سلامات تهلاو فيه
فطورنا شربة فريك صابحة خخخخخ وطبق اخر من اعداد روزا مازل مابانش عليه اي خبر خخخخخخخخخخخخخ

[ام و ابنة]

السلام عليكم و رحمة الله تعالى و بركاته

عازفة الحمد لله على سلامة الوالد ربي يشفيه و يعافيه هو و مرضى المسلمين

اليوم راني كونجي راجلي قالي ما تطيبي وااالو ناكلو وش بقا من البارح عندو الحق الشهية ماكانش سيرتو هاذ ليام مع الطابلة مزية في السهرة كاين السقايط سينون نموتو
اليوم السخااااااااااانة مزية ما عنديش حتى شغل من غير نجري مور ولادي و هذا في حد ذاتو اكبر و اصعب شغل نرفد الدار كامل على كتافي ما نتقلقش و ما نعياش بصح الزوج زواوش هاذوك ساعة وحدة معهم تقتلني ربي يقدرني عليهم و يحفظهم و ولاد المومنين و يرزق كل محرومة

[ام لجين و فيصل]

عازفة الحمد لله على سلامة الوالد و ربي يطول في عمرو ان شاء الله

[ام مؤمن]

مساء الخير و الخيرات
الوحدة راحت دارت سهرة خفيفة لقات كوزينة جديدة و الصفحات ووووووواو ديما تفوتني البدايات

ماننساش نشكر ام فاطيمة على الاستضافة الطيبة

اختي سماح مبروك الكوزينة و ان شاء الله تكون كوزينة افراح و مسرات و يربحوا عليك اصحاب البياف و الباك

نتشرف بمعرفتك اختي و كنت قريت مرة موضوع ليك باسم نوكيا و قلت المخلوقة وين راحت ماعدتش نشوفلها مواضيع و انت غيرت اسمك

هذا باروكي باش مانخلش بيديا فارغين










شفت فقط شوية صفحات النت ضعيفة و اللي شدني مرض والد عازفة الله يشفيه و يعافيه و يسمعنا عليه سماع الخير يا رب


نروح نتصفح و نرجع