الجزء81من مطبخ واش طيبتي اليوم ** مرحبا بالكل **

[awladi]

ليزا وحنان فطوركم اشهي بصحتكم
ناهد دوران بصحتك الطاس ولا لكريم هاتيه ليا نهبط القلق الي فيا
ام ساجد صح فطورك عجبني تاع المفتاح هههههههههههه
الي عجبوهم طراطق ولادي نبعثهملكم يمات اشيطوكم
فطور الضياف حريرة +سلاطة+حوت+طاجين الحلو+مطلوع
فطوري قليت حبة باذنجال وكليت الصح ماقدرتش كنت زعفانة من ولادي هههههههههه بصح الصراحة الصابلي جاء مع قلاصاج قارص و هو حلو امممممممممممم
الزوج قالي اذا ماخسروش مايكبروش راه فرحان بهم
ليزا يعطيك الصحة على الكوزينة جازت خفيفة كي مولاتها
تصبحو بخير نخليكم نروح نزين المشيمشات كي الزوج راه هنا وليت نخاف منهم

[ناهدوران]

اليوم عملت للفطور شربة وسلاطة و لاتورت و حميص وخبز الداروالدسار كالعادة وطجين الزيتون هو فقط صورتوا

[lyzzabel]

ههههه ام ساجد مشي قصدي تفتحيها بدون إذن المشرفااااات واااااع بغيتي تحصليني معاك هههههههه ،، راسلي حبيبتي ام انس و هي تعطيلك المفتاح انا خاطيني هههههه

ناهدوران بصحتك الطااااس شحاااال عجبني والله كلما نطلع لاكرام شانتيي نبغي نبكي على الحالة لي يديرهالي الباتور و نقول في قلبي علاش ما يبيعوش des cuvettes لي فيهم غطاء مفتوح فالوسط خخخخخخ ،، تستعمليه بالصحة و بصحتكم لاكرام

[islam1aya]

ليزا امم فطورك هايل بصحتكم
ام ساجد صح فطورك حنونة
ناهدوران اسمك واعر هه بصح اكلاتك ومشترياتك لروووعة منين اشريتيه الطاس راه هايل
ياس ملاكو يا حنان البيتزا هبلتني يا مصيبة رغم انني شبعانة والحمد لله لكن تشهيت

بنات هذه اطباقي للايام السابقة

قراتان

عجيجات السردين



هنا كرحت لدارنا الاطباق الي دارتهم امي





دولمة قرنون بالمصران

سيقار بالنواة كوكو والكاوكاو انا درتهم للسهرة



الحمد لله

[ناهدوران]

سيماسيم قالتلي طومة ازدمي على هديك زدمت
اولادي ختي ادي لاكرام بصحتك بصح خليلي الطويس ههههههه

[islam1aya]

ناهد لواش هذاك العملاق يستعملوه حنونة غير للتعطير ولا واش باينة عليك تحبي النظافة انا نموت على ليبرودوي
ليزا لالا ماشي كما تع فلة هو يجي عالي ومبسسس ويجي معسل وطري ووووووو اروع مقروط

[awladi]

اعطيني هذا برك والطاس بالسماح ناكل برك ههههههههههه


ام اسلام اية اطباقك رائعة يعطيك الصحة حتى جعت
صح سحوركم لبنات

[أم ماجد]

امممممممممم ولا اروع ماشاء الله اعجبتني طاولةالوالدة الله يخليها

[ناهدوران]

ليزابال ايسلمك حبوبة
اسلام اية شريتو من المركز التسوق اسمو la coupol عندنا في قسنطينة في المدينة الجديدة ب34 الف

[yasmalak]

ام ساجد علاه ما تحليها نتي و تخلينا نتمتعو بطيااابك
ليزاااتي وانا نسيتيني ماشي فيلم ههههههههههههه نتمسخر برك ميرسي حبيبتي عينيك الشابين يشوفو كلش شباااب
ناهدوران بصحتك قااع واش شريتي هايلييين والا طاجين الزيتون يشهييييييييييييييييييييييييي
ام اسلام و اية ياااه لوكان نلقى كيفاه نبعتلك و تكوني سخووونة والا طياابك يدييي العقل سيرتوو البوراك يعجبني كي يجي هكا مصفففر وعجبتني تاان الطاولة تاع الوالدة ربي يخليهالك
هههه اولادي راكي تعاني مع ولادك ياك ههههههههه ربي يخليهملك ان شاء الله و تشوفيهم رجال و ننسى و تولي تتوحشي الطوايش تاعهم

[lyzzabel]

داءمة الحمد شفتك حطيتي طاجين الزيتون المحشي مممممم لوكان تعرفي من وينتا ما كليتهش ،، نموووووت عليييه بصحتكم يالغالية ،، حنا هذاك الزيتون حبته تجي كبيرة نقولوله السفيانة كيما اسم سفيان بصح بالمؤنث ههههههه

اولادي واه خليهم يخسرو و يعاودو ربي يحفظهملك راهم باينين بلي غير تاع طوايش ههههههه

ناهدوران الزيتون يشهي بصحتكم

ام اسلام يعطيك الصحة كلشي يشهي و الطاس تاع العصير راه خو تاعي هههه حنا نقولو الغراف :d و طياب الوالدة ممممممممم. ربي يخليهالكم و يطوللها فعمرها ياااارب

سيماسيم شكرا حبيبتي ربي يخليك على الكلام اللطيف،، بالاك غادي نزيد نحل كوزينة جديدة لاكان حتى وحدة ماحلتها ههههه

[islam1aya]

بنات شاراكي لمعسل الي مازال ماعسلتوش خخخ
راني درتو بالابات ماجيك وكيلت الحليب درت نصها حليب نصها ماء الزهر وزدت لكستري تع الماء الزهر و2ملاعق لحظة



هنا راني طيبتو غير من التحت قلت في الويكاند نشعلو من الفوق نحمرو شوية لانه يجي شوية محمر وبعدين نعسلو سخون هكذا يقعدلي جديد ثم نزينو بالبيستاش او لوز افلي او كريات ارجونتي

[hasna19]

صح فطوركم لبنات بلييز قولولي كيفاه نذوب الشكولاتة البيضاء ...وكشما كاين نوع يجي بيها جابولي منها بزاف ومالقيت كيفاه نديرلها

ولي كورني تاع ام اماني عادي نتسعمل فيهم pate a glacer ولانشري امباسادور خييير ؟؟؟؟

[أم ماجد]

لبنات نروح للمطبخ رايحة نبدا البقلاوة لكن عينيا واع حابين يرقدوا

[ام ساجد]

ليزا ما تخافيش ما نوحلكش هههههههه

لنات افضلو للكوزينة الجديدة كوزينة التحضيرات للعيد

https://www.djelfa.info/vb/showthread...post3991304362