وصفات من حراير مطبخ وش طيبتي اليوم

[*عاشقة الجنة*]

أم محمد تاج

ام برهووووووووم مانسيتكش حنونتي وهاو ليك الميلفاي كيما درتووووو بالتفصيل



العجينة المورقة لفلة الله يعطيها الصحة نشالله وهاو ليك الرابط

https://www.djelfa.info/vb/showthread.php?t=1139551

الصح الصح الطبقات الزوج الاولين كي طيبتهم حطيت عليهم السنيوة باش ماتتنفخش الصراحة ماعجبتنيش مالا قلت الطبقة الاخيرة مانحطش عليها السنيوة وطلعت وجات روووعة خيرمن لي حطيت عليهم السنيوة جات مورقة فوووووور
الكرام باتيسييار
في كاسرونة خبطت بيضة مع اربع مغارف سكر وفاني حتان تجانسوو مليح وزدت نصف لتر حليب وثلاث مغارف مبار نشا وغليتها حتان خثارت خليتها تبرد وبديت المونتاج والميكساج والاخراج والحوار والسيناريو خخخخخخخخخخ
طبقة ميلفاي وحطيت عليها سنيوة وعبزت بالشوي باش تتساوى ماعليش تكسرتلي شوي بصح تلصق بالكريمة
وحطيت طبقة كريمة بسخاء وشفتي الطبقة الباهية درتها في الوسط لزوم التكلاح وزدت طبقة الكريمة بسخاء وفي الاخير الطبقة الثالثة وحطيت على الكل سنيوة وضغطت بالخفة وبالحيلة حتان استوى وجا رووووعة
نجيو للفوندون
درت سكر قلاصي ماشفيتش عيني ميزاني وزدتلو رشة ملون ابيض والحليب بالقطرة ويجي حاكم روحو كيما تاع القلاصاج خليتو بجيهة وزدت زوج مغارف كبار سكر قلاصي زدتلهم كاكاو ونقاط حليب باش نعمل بيه الخطوطو
حطيت الفوندون فوق الميلفاي وفي شكارة الحليب ثقبتها ودرت فيها فوندون الشوكولا وعملت خطوط وبالكيردو زينتهم وخلالالالالاص
بصح المرة الجاية في طياب الطبقات مانحطش السنيوة فوقهم وحقة راني ثقبت الطبقات بالفرشيطة مليح مليح ومبعد طيبتهم

[idron0]

طريقة البطاطا المقلية في الفور زينب83

تقطعيها عادي و تحطي كاسرونة فيها ملعقتين خل وتحطيها تغلي


كي يعود الماء يبقبق حطي البطاطا دقيقة و خرجيها يعني دوشيها برك و امباعد حطيها في فور سخوووون مسبقا في بلاطو مفرش بورق الزبدة ضروووووووي و بعد ما تحطي لها ملعقة او اثنين زيت و تمرمديها بيديك باه الزيت يقيس كل حبات البطاطا



وهاي ليك طايبة و درتها فريت اوملات صحية و اقتصادية و لذيذة

[idron0]

السردين oum ibrahim

السردين جابهولي هذاك الكبير نقيتو و نحيتلو العظم نتاعو و درتلو ملح و كمون و ثوم رابي من جهة اخرى رابيت كمة مليحة نتاع الثوم +ملح +كمون +فلفل احمر حار + فلفل اسود +قطرات زيت و اذا عندك معدنوس ديري ان ماكانش عندي خلطيهم تحكمي الحبة نتاع السردين اطليها بالدرسة و روليها من الجهة الضيقة للجهة لعريضة و رمديه في الفرينة و اقليه و الف صحة و هناء .

[idron0]

ميلك شاك chez biba

هاذ الكمية ديرلك 2 كيسان
في خلاط كهربائي bol mixeur
1/2 لتر حليب كانديا
2 حبات موز مقطع
5 حبات تمر ( دقلة) منزوعة النوى
خلطي مليح حتى تتحصلي على عصير كثيف
صبيه في كيسان وزيني بلاكرام شانتيي ونوتيلا وقدميه بارد

[idron0]

بسبوسة بنوادكوكو و القارص nadia 7888

3حبات بيض كبار او 4صغار +كاس سكر تخلطيهم مليح بالباتور وتزيدي ثلاث ارباع الكاس زيت يعني كاس الا ربع و تخلطي مليح + كاس الا ربع عصير برتقال او عصيرقارص مخفف او حليب ومبعد خدمي بالملعقة زيديلهم خليط 2 كيسان دقيق متوسط + كاس نوادكوكو اذا خشين ارحيه+ 2 ملاعق كبار فرينة هي اللي تخلي البسبوسة متماسكة و خفيفة+ باكي خميرة+ فاني+ زست تاع حبة قارص
حطي الخليط في مول مدهون بالزبدة و حطيها تطيب على 180 أو حسب الفرن تاعك
كي تحمار من التحت شعليلها من فوق تحمار وكي تخرجيها اسقيها وهي سخونة بالشاربات الباردة اللي هي:
كيما تقيسي الدقيق قيسي السكر يعني 2 كيسان سكر + 2 كيسان ماء + نصف حبة قارص وخليهم على النار حتي تعقد غير شوية وهكا ماتجيكش لاناشفة ولا معسلة بزاف.

إضغط هنا لرؤية الصورة بحجمها الطبيعي.

[ام سراج وملاك]

وصفة المهلبية زينب 83

وصفة المهلبية اسهل منها ما فيش
كاس حليب و كاس كريم فريش و 3 ملاعق نشاء و سكر حسب الرغبة ان نحط 3 ملاعق و فانيليا لو اي معطر تحبي او ماء ورد او ........
تخطيهم مليح في الخلاط تاع العصير و تحطيهم على نار متوسطه و تحركي و ماتعقديهاش بزاف ، يعني تكون شوي سائلة لاززززززززم وتحطيها تبرد
وصوص الرمان ، عصير رمان و سكر فوق النار حتى يعقد و رمان للتزيين
ما تحطيش الصوص و الرمان حتى وقت التقديم باه ما يطلقوش الماء

[أم ماجد]

ماااجد وااش من وصفة راكي تهدري عليها ياك هده ما فيهاش الزبدة

خبز الباي والا خبزة تونس yasmalak
طلعي 4بيض مع قرصة ملح و فاني وكاس سكر
اومباعد زيديلهم نص كاس حليب ونص كاس زيت وخلطي
اومباعد زيدي 2 كيسان سميد متوسط وكاس نوادكوكو وكاس شابليير ومغرف كبيرة خميرة تاع الحلوى وخلطييهم غير بمغرف
و طيبيهم في سنيوة مدهونة بالزبدة ورشي وجها بالمكسرات اللي تحبي والا نوادكوكو
انا موالفة نديرها فلي غامكان الصغااار ونرشها بللوز ايفيلي ونرشقها بحبة سوغير كونفيت
كي تطيب وتحماار اسقيها بشاربااات تكون باردة

[oum batoul]

بارك الله فيكن على كل شءى تقدمونه

[idron0]

البطبوط yasmalak

درت عيني ميزاني ديري كيلة سميد و كيلة فرينة و زوج مغارف خميرة و مغرف سكر و مغرف زيت و ملح و لمي بالما دافي و اعجنيه شوية ماشي بزاااااااااااااف كيما المطلوع تاع السميد و خليه يريح شوية اومباعد حليه شوية بالفرينة و قطعيه دواير ما يكونوش خشان والا تقدري العجينة تقسميها كريات صغار و تحليهم بيدك انا روماركيت اللي درتلهم هكا طلعو كتر من اللي قطعتهم غطيهم و خليهم يخمرو كي يخمرو سخني مقلاة تقييييلة كي تسخن مليح نقصي للنار و طيبيهم على زوج وجوه مليييح و النار تكون قليلة اوكي باش يطيبوو
وتحشيهم باش تحبي انا درت فرماج و بطاطا و بيض و كاشير و شلاضة و طوماطيش و مايونييز و بصحتتتتتتتتتتتتتتتتتك .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

جولي التفاح ام سهام02

بذور وقشور التفاح غطيهم بالماء و ديريهم على نار متوسطة مدة 20دقيقة امنبعد صفيهم وعبري الماء المغلي ديري نفسو عبر سكر وعاودي رجعيهم يغلو على نارهادئة مع تصفيته من الرغوة حتى ينقص الى نصف الكمية خاليه يبرد شوي وديريه في علبة او بلارة و ديريه في الثلاجة حتى يجمد .
هذي لجولي تنفع ندهنو بها البريوش ولتارت


إضغط هنا لرؤية الصورة بحجمها الطبيعي.

[ام سراج وملاك]

عصير بالموز و الاجاص و مهلبية زينب 83

العصير راهو عادي : ماء بارد شوي حليب ، موز أجاص و شوي قارس و شوي سكر ،انا مانديروش لانه ألبانان حلو ، وإذا حبو لحلاوة نزيدلها ألبانان او العسل الحرة هذا العصير راهو فطورنا صباح و قهوتنا لعشية مع تغيير انواع الفاكهة لأنو العائلة كاملة ماتشربش القهوة والحليب طايب



وصفة المهلبية اسهل منها ما فيش
كاس حليب و كاس كريم فريش و 3 ملاعق نشاء و سكر حسب الرغبة ان نحط 2 او 3ملاعق و فانيليا لو اي معطر تحبي او ماء ورد او ........
تخطيهم مليح في الخلاط تاع العصير و تحطيهم على نار متوسطه و تحركي و ماتعقديهاش بزاف ، يعني تكون شوي سائلة لاززززززززم وتحطيها تبرد
وصوص الرمان ، عصير رمان و سكر فوق النار حتى يعقد و رمان للتزيين
ما تحطيش الصوص و الرمان حتى وقت التقديم باه ما يطلقوش الماء
تقدري تبدلي الفاكهة كيما تحبي تحبي تقطعي فيها الفراولة او الموز تقدري ديري كي تكون طيب عصير البرتقال او اي فاكهة يعني هذه وصفة أساسية و انتي تنويع كيما تحبي و راهي ساهلة و سريعة و قليلة الدهون

[ام سراج وملاك]

طبق الكورجات ام طيري الجنة

زهرة بالنسبة لوصفة الكورجات تقطعيها صغير و اديريها تفور في الكسكاس و في ذلك الوقت اديري شوي لحم مرحي يتقلى مع شةي بصل مرحي و توابل كي يوجد الكورجات اضيفيها للحم المرحي و اضيفيلهم اي نوع من الفرماج و تقلي بمجرد ما تتداخل المكونات و الكورجات تتقلى تنزعيها على النار و تقدميها بالصحة عليكم و الله غير بنينة وكل اللي ذاقوها عجبتهم نتمنى برك تكوني فهمتيني

[زينب 83]

وصفة الفطائر تاع louji omri
السلام عليكم اعتذر عن التاخير فطايري بساط وبنان و الاهم خفااااااااااف
نخليكم مع المقادير :انا درت رطل فرينة _نصف كاس نشا _ ملعقة كبيرة سكر _ ملح حسب المعتاد ما ديريهاش مسوسة الملح يبننها _ نص كاس زبيب اختياري و الله غير يواتيها مرطب مسبقا في الماء _خميرة الخبز درت زوج مغارف كبار بيضة _ ماء دافئ للعجن .
الطريقة : نخلط الفرينة والنشا والملح والسكر وندير الخميرة في الوسط البيضة نخلطها في نص كاس ما باش تدخل مليح و تدوب ونعجن بالماء هو في الحقيقة انا ما نعجن ما والو خلطي برك و اخبطي العجين بيدك من تحت لفوق باش يدخل الهوا ونبقى نزيد في الماء حتى تخفاف العجينة وقسمتها على 2 .نصف خلطت معاه الزبيب والنصف الآخر خليتو عادي ونغطيها ونخليها تخمر العجينة لينة طوووووووول وندير الزيت يسخن مليييييييح ومن بعد نبدا نبلل يدي بالما او الزيت انا تساعدني الزيت ونهز طريف عجين ما تكثريش باش ما تجيش معجنة تحطيه في كف يدك مدهون و تبداي تحلي فيها قد ما تحليها قد ما دجيك مليحة ونحط في المقلة الزيت ما تكثريش ونخليه يتنفخ ويحمار ونقلبو للجهة الأخرى يتحمر النار بعد ما تسخن مليح الزيت نخلوها متوسطة من الاحسن طيبوه علي الطابونة خير من الكوشة عن تجربة وراني هنا كشما احتجتوا وبالصحة ويارب ينال إعجابكم صديقاتي .

[idron0]

البطاطا بالبيشاميل عازفة الناي

نقطع البطاطا دوائر ونقليها شوي في الزيت ( تبقى بيضا ماتتحمرش)
نطيب صدر الدجاج مع البصل و الثوم والرند والزعيترة و توابل و ملح وفلفل اسود وكركم معدنوس ونقليهم مليح بعدها نصب الماء الكافي باه يطيب الجاج.
بعد ما يطيب نصفي المرق .
نقطع الدجاج قطع يعني نفتته .
نحضر البيشاميل
2 ملاعق زبدة على النار و نزيد 2 او 3 ملاعق فرينة نحرك ونزيد 2 ملاعق حليب بودرة من بعد نصب المرق ونحرك مليح باه ما يتكتلش ونزيد كمية من الفرماج ونترك الخليط حتى يتخثر .
في القالب اللي يدخل للفرن نضع القليل من البيشاميل في القاع ونستف البطاطا من بعد ندير طبقة من الدجاج وشوي بيشاميل ونغطي الكل بطبقة من البطاطا واذا بقى من الدجاج نزيد طبقة اخرى و نغطي الكل بالبيشاميل كمية معتبرة . نغطي القالب بالمنيوم.
ندخلها للفرن حتى تطيب و نشعل عليها من فوق باه تتحمر
و شهية طيبة .

إضغط هنا لرؤية الصورة بحجمها الطبيعي.

[ام سراج وملاك]

تيراميسو كلاسيكية ايطاليا selmatitta



انا لي درتها شوفي هذا الباكي تاع اقاطو ليدرت بيه



المقادير

6عضمات و كاس سكر وقهوة طايب ولا نيسكافي
البيضات تخبطي بياض البيض وحدوا حتان يولي حاكم روحوا و مبعدا تخبطي صفار مع كاس سكر ومبعد كي يتخلط صفار و سكر ديري 500غ فرماج ابيض تقدري ديري بتيسويس في بلاصة فرماج تزيدي تخبطهم مليح ولا مبعد تضيفيلهم بياض وتخلطي و مبعد تغمسي قاطو فل قهوة وتحطي فوقها لاكرام و ديري نيسكافي بودرة هادا ماكان