وصفات من حراير مطبخ وش طيبتي اليوم

[الدنيا]

لينا11

المقادير :
كاس وربع سكر
كاس زيت
كاس حليب سايل
بشر برتقالة
4بيضات
فانيليا
كاس وثلاث ارباع الكاس دقيق
ملعقه كبيرة بيكنج بودر( خميرة الحلوى)
الطريقة

في وعاء نحط السكر الفانيليا والبيض وبشر البرتقال ونخفقهم
ونخفقهم حتى يصبح الكيك شوي مبيض
نضع الزيت ونخفقهم
نضع الحليب ونخفقهاااا
ونستمر في الخفق ,وعلى فكرة نقولكم ترى الخفق يكون بجهه وحده
يعني بأتجاة واحد من اليسار لليمين أو العكس
لاتغيري الإتجاه باش الكيكة ما تهبطش معك اثناء خبزهاااا


ونستمر في الخفق لمدة دقيقتين تقريبااا
ثم نضيف الفرينة والخميرة بالتدريج
ونستمر في الخفق لمدة دقيقتين تقريباااا انتبهوووو في اتجااة
واحد باش تطلع هشة واسفنجية وما تهبطش معك اثناااء الخبز في الفرن

ونجهز الصينية بعد ما نرشهااا بشوي زيت ودقيق
نسكب الخليط في الصينية
طبعا الفرن نكون مشغلين النار من قبل ونار هاديه باش كي ندخل الكيكه يكون الفرن سخون(( مهم جدا اشعال الفرن قبل بدء عمل الكيكة ))
ونخلي الكيكه بالفرن من 25 إلى 30 دقيقه والشبك بالوسط والنار هاديه وبعد 20 دقيقه نفتح الفرن
ونختبر نضجهااا بعود الشوي

[oum ibrahim]

حميدة 2012
نوقة اللوز
كيلو لوز مرحي رقيق 400 غ سكر احرش باكي زبدة ستار كاس حليب لحظة و تكون خاثرة مغرفة كبيرة فاني مغرفة كبيرة ماء ورد و تخلطي كلش مليح و طيبيها في لاكوكوت و في الاخير ديري ماء زهر و كولوغون كي تبرد مليح ديريلها 500 غ نوادكوكو و 200 غ سكر رطب و ارحيهم في الروبو مليح و خلطيهم للعجينة لي كنتي طيبتي و خليها ترتاح نهار كامل و مبعد شكليها و من فوق ديري لابات داموند ولصقيها ببياض البيض و من فوق ديري لبرييون
ان شاء الله تكوني فهمتي و كي نجيب التصويرة تفهمي اكثر

[بريق الامل&]

scorpionoir

بينيي بالمعجون
رطل فرينة - 70غ سكر عادي - 3بيضات - 2.5 م صغيرة خميرةالخباز -150مل حليب دافئ -0.5 م صغيرة ملح تعجني المكونات هذي مليح راهي تجي عجينة تلصق باليد عاوني بالفرينة منبعد زيدي 60غ زبدة طرية اعجني وزيدي الزبدة بالشوي حتان تدخل مليح وتولي عجينة رطبة وتبريي
حطيها تطلع مليح ومبعد لوزيها وحطيها فوق منشفة مرشوشة بالفرينة وغطيها تزيد تطلع .واقليها على نار متوسطة واحشيها بالمعجون .

[بريق الامل&]

scorpionoir

الامنيات نديرها صوص بيضا نحط اللحم مع البصلة كثري شوي الموقة البيضا تليقلها البصلة والفلفل كحل .زيت وسمن ملح فلفل كحل وشوي راس الحانوت وزتلها زنجبيل مطحون .قلي مليح وامرقي .
الدويدة دريلها الزيت وفوريها منبعد نحيها وبخيها بالما وكي تنشف فوريها .فوريها حتى 5مرات حتان تطرى منبعد نحي اللحم والحمص واذا تحبي جريوات واللفت انا مانكلهمش وخلي المرقة ولوحي الدويدة تتجمر حتان تنشف مليح طفي عليها ولوحيلها طرف زبدة .

[بريق الامل&]

الهام07

هاذي وصفة البطاطا المحمرة في الفرن ، راهم بزاف يعرفوها لكن نضيفلها مكون يخليها مممممم، شوفو :
حبات بطاطا متوسطة الحجم حسب عدد الأفراد نقشرهم و نقطعهم بالطول على 4 ونحطهم في ماعون يكون كبير و نحط معاهم عادة أجنحة دجاج أو قطع دجاج وإذا ماعندكمش دجاج عوضوه بقطعة ماجي دجاج مفتة و حطو معاه :
فصوص ثوم مقطعة أنصاف ( كثرو ) ، بصل مقطع ، معدنوس مقطع ، حبات جزر مقطع ( سر البنة و حلاة الطعم ، الجزر كي يتحمر يجي روعة ) ، وزيدو معاها فلافل :
فلفل أسود + فلفل أحمر + كسبر + أفاح + حبة حلاوة ( سر البنة رقم 2 ) + ملح
شوية نتاع زيت نباتي + شوية نتاع ماء حوالي 2 ملاعق لكل 1كغ ( ماتكثروش شوية برك و ما تخافوش طيب مليح كزن تكثرو تتهر البطاطا)
هريسة + موطارد + طماطم مصبرة ( حطي حاجة قليلة خلااص ماتكثريش حوالي ملعقة صغيرة ) + لكل 1كغ بطاطا حطي 1 ملعقة كبيرة عسل ( أنا نحط 2 لاخاطر ندير كمية كبيرة مع الدجاج وديما متبقاش يكملوها لآخر حبة ) ، رايحة تستغربي من العسل و لكن هو اللي يخلي :
الصلصة خاثرة + حلوة بشكل طفيف لا يظهر أن الأكل فيه عسل + بنة + يحمار الدجاج و البطاطا مليح ويجي جلد الدجاج مقرمش ( هاذي العفسة تعلمتها من قناة فتافيت :d )

خلطي كلش في قصعة كبيرة و ذوقي إذا كانت ناقصة ملح زيدي و حطيها مباشرة في إناء الفرن وغطي المول بكيس شواء تكوني فتحتيه أو بورق ألمنيوم لما يطيبو نحي الورق وخليهم يتحمرو ، انا ساعات نزيد ندهن الدجاج بالزبدة (قبل ما نطيبو ) وساعات نزيد نشعل الفرن من فوق ، الطعم راهو خيالي

[*عاشقة الجنة*]

لينا 11

ام كوثر بعد بحث دقيق جدا جدا

جبت لك وصفة قلاصاج كيما الي تحوسي عليها مافيهاش ماء زهر وجاية على طريقة مرانغ

والطلاء
ثلاث حبات بيض يعني البياض برك بلاك يطيحلك غير شوي صفار راح تخسري كلش و180مل ماء/ 150غ سكر
تحطي السكر والماء يذوب بينما انت تضربي في البيض وماتنحيش السكر من النار لانه راح لنحوه من النار نضربوه مباشرة مع البيض كي يطلع خاصة كي يصبح مثل الرغوة نتاع الصابون وتضربيهم مليح حتى يصبح دافئ ترجعيه في الربو وتضربي مليح حتى يصبح كريمة وتطلي بها عرايشك كل لي يذوقها يسولني على لوصفة والله عرايش يذوبوا في الفم حتى الطلاء كي يبس دخليه لفمك وحدوا يذوب وان شاء الله

[oum ibrahim]

nokia 2007 dz
مقروط اللوز ودرناه بالغلاصاج فيه كيلو لوز و400 غ سكر رطب و2 م ك زبدة طرية وزاست كمية كبييييييييييييييييييرة وعصير ليمونة وبيض تلمي بيه وخلي العجينة ترتاح مدة ملييحة ومبعد شكليه وطيبيه على نالا هادية مدة قصيييرة مالازمش يحمار وكي يبرد مليح ديري الغلاصاج

إضغط هنا لرؤية الصورة بحجمها الطبيعي.


والقلاصاج نتمنى انك تجربيه فعلا لانو هاااااايل ومضمون وما ييبسش مهما يطووووول خالتي صانعة حلويات وهي تعتمد عليه ديما وجامي بدلاتو من نهار تعلماتو
2 بياض بيض + فنجال مش معمر قارس + نص فنجال ماء زهر +ملون ابيض +سكر رطب مرجان حتى يولي عااقد وم ك زيت او زبدة ذايبة في الاخير ويكون عاقد

[oum ibrahim]

السعيدة بربها سارة
شربة الكرنب للتنحيف
درت شوربة الكرنب للتنحيف والله نقصت 5 كيلو يا الله جاية من عند الطبيب وندير زونبا وفيلو يعني رياضة راني مليحة والله



شوربة الكرنب /ملفوف/
ديري حبة بصلة
3جزر
نصف كرنب انت والدوق ديالك
وفلفل حار
وربطة معدنوس
شوية ملح زيت
فلفل اسود
وماء وخليها تطيب
وكولي كل ما تجوعي واشربي الماء بالزايد
وبعدي على السكر وحاولي تاكلي التمر
ومشي بزاف
هاي الريجيم نفعني

[*عاشقة الجنة*]

الأدب العربي

شوفي لهومة الوصفة من المنتدى وانت خير العارفين دائما كل وحدة تحب تزيد حاجة في الوصفة اولا الشوكولا نستعمل دائما منى ومانبدلهاش هي جيدة ورخيسة نذوبها على حمام مائي وحدها وديريها في مول السيليكون وخليها تجمد ومادخليهاش الثلاحة باه يبقى لونها مايتغيرش كي تتماسك شوية نفرغ م ص نيسلي كراميليزي
الحشو قاطو بيمو مرحي شوية كوكاو مرحي وكاكاو ونلم بزبدة وعسل وماء الزهر مخلطين مع بعض نشكل كويرات ونحشي كل كويرة بحلوة ترك وحلقوم نعاود نعدل الكويرة ونحطها على الشوكولا لي تكون جمدت ونطلي شوكولا من فوق ونخليها تجمد بدون ماندخلها الثلاجة

[oum ibrahim]

الهام 07
القاناش
تحطي كريمة تسخن ( انا استعملت حوالي 20 سل ماعلاباليش بالضبط لاخاطر شريت قارورة كبيرة نستعمل منها ) كي تبدى رايحة تغلي طفي وحطي فيها شكلاطة ( درت 2 علب شكلاطة منى السوداء باش جي لونها غامق ) زخليتها ثواني ومن بد تحركي حتى تذوب الشكلاطة وتزيدي شوية نتاع زبدة أو مارغارين المهم تكون ريحتها مليحة وخلاص ( حوالي 2 ملاعق صغار ) وتحركي كي تذوب تماما تبداي تزيدي في السكر الناعم المغربل بالشوية وتشوفي القوام يبدى يثقال وهنا ديري كيما قتلك برديها وشوفي واش هو القوام اللي تحبي وعدليه على ذوقك بصح ماتنسايش لازم يكون شوية جامد باش كي تزيني بيه يحكم الشكل

[oum ibrahim]

ام رامي
لوبيا + جزر + زيت ثوم رند فلفل ملح وتوابل واغلقت الكوكوت وقليت البطاطا والجريوات واضفتهم لما نشفت الصوص زدت لهم البيض وشوي حليب وفرينة وخميرة كيميائية وفرماج والى الفرن


2 بيضات نص كاس سكر نص كاس زيت نص كاس نشاء كيس خميرة كيميائية والفرينة لازم خليط ثقيل مش عجينة تنحي منه شوية وتزيديلوا الفرينة حتى تصبح قاسية
تفرشي الخليط في الصينينة وتحطي المربى وترحي العجينة من فوق واخيرا رشي الجلجلانية والمكسرات والى الفرن

[oum ibrahim]

ام كوثر
الغريبية
كيلة سمن دوبيها وتبرد شوية ديريها في الفريجيدار حتى تبرد تماما وترع كما كانت
ضربيها مع نص كيلة سكر قلاصي نقصي منه مغرف كبيرة ونص
ضربيهم بالباتور حتى تحسي الخليط بياض
ضيفي فاني تع الميزان
اضيفي اتلفرينى منخولة حت تتحصلي غبى القوام المطلوب
الفرينة لااااااازم لابال بيها الغريبية تجي بيضاء تقولي طايبة بالنشاء
جربت كل الانواع وماعجبتني غير بلابال
تستعملي حوالي 3ارباع الكيس وجربي بالحبة وطيبيها ادا هبطت زيدي الفرينة
هي عموما تكون طرية
سخني الفرن قبل ب10د يسخن مليح
وحطيها في الرف العلوي ونقصي النار على 150 الى 140
وخليها تطيب على مهل
حتى تسيها نشفت مليح بلاماتحمار من تحت
نحيها وخليها تبرد ملييييح وزينيها بلاجولي افضل من المعجون يعطيها لمعة ومايسيحش

[oum ibrahim]

ام محمد تاج
انواع الغريبية
غريبية عادي لي دايما نعتمدها: كيلة سمن قوراية ذايبة وباردة على الأقل أربع ساعات في الثلاجة + كيلة غير زوج صباع سكر قلاصي المرجان أو مولان غوج خبطيهم مليح وضيفي الفرينة حتان تتلم وأطبعي وطيبي وباه تعرفيها خلاص الفرينة جربي وحدة إذا ماتفشتش وساحت يعني خلاص الفرينة
* غريبية روايال هاذي لغريبية لعزيزة:
كيلة زبدة ستار ذايبة وباردة ومصفية من الحليب لي يبقى تحت+كيلة سكر قلاصي غير صبع+ ونص كيلة سكر عادي +كيلة جوز مرحي رقيق ثم شيحيها بالفرينة وأطبعيها ولا شكليها باه تحبي وطيبيها
* غريبية بالبيض روعة وصفة أمي ربي يرحمها:
رطل زبدة+ كأس سكر قلاصي+ كاس كاوكاو مرحي رقيق+ كاس ماء الزهر+ زوج بيضات والفرينة لمي بيها شكليها وطيبيها كي طيب ذرذري عليها السكر قلاصي
* غريبة الخايبات: كيلو سمن المدينة طري وبارد+ 900 غ سكر قلاصي+ كيلو كاوكاو مرحي رقيق وكيلو ونص فرينة تلمي بيها أطبعيها ولا شكليها واش تحبي وطيبيها هاذي تقطع بزاف واقتصادية وبنينة تهبل تهبل
ونديرو غريبية اللبلابي راهي غريبية عادي ضيفيلها زوج كيسان لبلابي مرحي ومغربل وكملي شيحيها بالفرينة تجي تهبل ثاني
وإذا حابة ديريها بالجلجلاني الحق ماتعجبنيش بزاف تجي مرة من الجلجلانية

[ام ساجد]

oum anas 69

الكابتشينو

إيه حنونة مجرباتو شحال من خطرة يهبل ناجح 100/100 و يديرلك كمية هايلة
كيلي بفنجان قهوة
ديري في في وعاء فنجان قهوة حبيبات +فنجان سكر عادي +فنجان ماء بارد من الثلاجة و طلعيه بالباتور خير حتى ترجع كريمة متماسكة مايديش الوقت ممكن 1دقيقة
فرغيها في بورت مونجي و خبيها في المجمد لازم باش ماتطيحلش من السخانة و ممبعد كي تسحقي نحي مغرفة حطيها فيكاس و صبي حليب يغلي ممممممم حقى راها ماتجمدش في المجمد تلقايها كالموس مممممم إذا حبيتي ممبعد نعملها و نصورهالك

[ام ساجد]

وصفة الامنيات

سومه درت كيك عادي بصح نعطيك الوصفه ما تغلاش عليك يا زينة
3بيض +فنجان سكر+ نصف فنجان زيت +ملعقة صغيرة لفاني +وحدة خمارؤة تاع الحلوة +فرينة تقريب كاس وشوي
خلطي مليح البيض والسكر من بعد زيدي باقي المكونات
وحطيهم في لمول
التزيين درت كريم شانتيي وحبيبات الشوكو فارمسال وحطيت فوقهم صلصة التوفي تاع الهام بالصحة