اذا تفاهمت العجوزة و الكنة...........

[فيصل العرب]

السلام عليكم ورحمة الله تعالى و بركاته
هناك مثل جزائري يقول :اذا تفاهمت العجوزة و الكنة يدخل بليس للجنة
مع العلم استحالت دخول ابليس الجنة كما جاءبذلك القرآن الكريم فهل يستحيل مع ذلك تفاهم العجوزة مع الكنة أم انه مثل يعبر على صعوبة تعايش العجوزة و الكنة و كيف ان كل واحدة تريد جذب الرجل اليها فأولى هو ابنها و الثانية هو زوجها أم انه مثلليس له صحة على الأرض الواقع
أرجو ان تفيدونا بمعرفتكم أو تجاربكم جزاكم الله خيرا
الفيصل
تقبلوا تحياتي

[أميال18]

السلام عليكم

هذا يبقى مجرد مثل

عادة الأم تفكر بأنانية اتجاه ابنها و لا تريد أن تسلبه منها أية امرأة

و لا نكذب عن أنفسنا بنات اليوم يتحسّسن من أم الزوج حتى قبل الزواج


يعني المشكل في الإثنين معا


تحيـــــــــــــــاتي

[حلاوة_87]

قالت لك امي انا مع الكنة ظالمة او مظلومة....
ومرت اخي قالت رانا نساعفو وصابرين..
وانا مازلت منتزوج باش نعطيك رايي...لكن يبقى طبع المراة هو الغالب يعني كل وحدة وتفكيرها وفهامتها وتقبلها لراي عجوزتها او تقبلها لراي الكنة....

[donarosi]

السلام عليكم حبيت نرد عليك من خلال موضوع كتبه lilojalilo عضو في المنتدى على سبيل التنكيت و هو في نقس موضوعك

امثال تستعملها الكنات و العجايز في الحرب العالمية المشتعلة منذ دخول الكنة إلى البيت
العجوز و هي تستفز الكنة بينما تقوم الأخيرة بشغل البيت
( الله لا يخليني لليدين الله يخليني غابة و الناس حطابة ) طبعا ما فهمتو شيء سأشرح العجوز تقول أدعو الله ان أبقى بصحتي و اقوم انا بشغل بيتي و أساعد الناس مع ان الكنة هي التي تقوم بالشغل

نجحت العجوز في استفزاز الكنة و سترد
( باينة الشقة على حواشيها ) الكنة تقول واضح جدا
العجوز ترد
( أضحك يا فمي على همي ) ههههه العجوز تشكي همها من كنتها
الكنة صح معاك حق (هم يبكي و هم يضحك) و تضحك و تقهقه هههههههههههههههههههههههه
العجوز
( يعزيك في راسك الضحك يضحك على الضحك و الضحك يضحك عليهم رحنا لدار المهابل حرنا شكون يدبر عليهم ) تتهمها بالجنون
بعد ماتخلص الكنة شغل البيت تتزين و تخرج لتغيض العجوز
العجوز ( خصك السواك يا معوجة الحناك) تقصد تقوللها انتي أصلا لا تصلحي للتزين
و تقابل العجوز مرآتها و تحاول تحسن مظهرها
الكنة ( سيدي مليح خصو الهوى و الريح ) يعني نفس معنى المثل السابق ( اللي فاتو وقتو مايطمع في وقت الغير)
العجوز ( الدنيا بالوجوه و الآخرة بالفعايل)
يدخل الزوج هلكان من الشغل ويلاقي المشاكل كل واحد تحكي روايتها و يقول جملة واحدة ( كي سيدي كي لالا) يعني وجهان لعملة واحدة وهي الإزعاج طبعا



شكرا لــ lilojalilo

[فتـ حييةـاة]

المشكل لا فالعجوزة ولا فالكنة المشكل فالزوج لوكان يعطي لكل وحدة فيهم حقها يعيش هاني و+ مايمسعش لهدرة النسا


انا مع العجوزة ظالمة او مظلومة مع اني مازلت ماتزوجشتش

[z.abdo]

انا كذالك لم اتزوج بعد لكن كثير من النساء يشكين أمهات ازواجهم بالفعل لأن الأم تشعر أنها سلبتها إبنها
وكذالك هناك من تفعل المشاكل من اجل المشاكل رغم العجوز لم تظلها

وهناك اسابب نفسية اجتماعية لم نصل إليها بعد لأننا نسمع فقط من المتزوجين ولا اتمنى ان نسمع بها في المستقبل
تقبلو مروري

[بتول8]

المشاركة الأصلية كتبت بواسطة amal2000

المشكل لا فالعجوزة ولا فالكنة المشكل فالزوج لوكان يعطي لكل وحدة فيهم حقها يعيش هاني و+ مايمسعش لهدرة النسا


انا مع العجوزة ظالمة او مظلومة مع اني مازلت ماتزوجشتش

صدقيني الاخت كاين عجايز مفتريات

[فتـ حييةـاة]

المشاركة الأصلية كتبت بواسطة بتول8

صدقيني الاخت كاين عجايز مفتريات

عرفت بلي النسا ماريحاش تعجبهم الجملة الاخيرة
انا ماننكرش هذا اختي وباش نعدلو لازم نقولو ان هناك ايضا كناين مفتريات
ربي يجيب الخير اختي وانا كتبت اني مع العجوزة ظالمة او مظلومة لاني نتالم لما نشوف راجل امو كبارتو ورباتو وووو وفي اخر يوم يتزوج ويسكن بعيد عليها وينساها ماتستاهلش منو حتى 5 دقايق يشوفها فيهم هذا واش كان قصدي وربي يبعد عليناالعجايز من النوع اللي تكلمتي عليه

[hydraulique51]

يا جماعة راكم تخوفوا فيا باش ما نتزوجش ؟؟؟؟؟
فعلا راني نلاحظ ان ام الزوج وزوجتها نادرا ما نجدهم متفاهمتين
ربي يدير الخير

[sabah setif]

انا عجوزتي تبانلي ناس ملاح مريضة مسكينة وتحب راجلي بزاف لانو ولادها خرجو عليها صدقوني حنيت عليها بزاف

[فيصل العرب]

أولا شكرا لكم جميعا على المرور الكريم
شرفتم صفحتي بردودكم الشيقة
و خاصة رد الأخت الفاضلة دونا روسي و الحوار الشيق بين العجوز و الكنة
نسأل الله العافية و أن يطيب بين العجوز و الكنة
لكي يعيش الرجل سعيدا
شكرا لكم جميعا
أخوكم الفيصل

[ياسين مداني]

شكرالك اخي

[Abdellah M]

السلام عليكم

هذا يبقى مجرد مثل

[donarosi]

على كل حال لازم الكبير يساعف الصغير و اقصد العجوزة
و الصغير يحترم الكبير و اقصد الكنة