تفسير خاص للتعليمة الخاصة بالاحتياط

[طالب رضا الله]

بالنسبة للمسابقات على اساس الاختبار لسنة 2010 تمدد الصلاحية لتشمل المناب المالية لسنة 2011 اشتراط معدل 10/20 وبدون علامة اقصائية وفي حدود عدد المناصب المالية المفتوحة للسنة الجديدة 2011 معناه مشي كل لي فالقائمة يوظفوهم وانما بحسب عدد المناصب المفنوحة وللتدكير جميع المسابقات على اساس الاختبار

[سندريلا SF]

الف شكر على التوضيح

[ECON41]

شكرا صديقي و كيف يمكننا التأكد ان مناصبنا في امان في بلاد المعريفة و الرشوة

[طالب رضا الله]

يا اخي القائمة افيشاوها ما عندهم ما يديرو كونك مهني

[elrabaa]

أنا العام اللي فات في فيفري 2010 درنا مسابقة وكنت الأول في الإحتياط المعدل أكبر من 10 وماعنديش نقطة إقصائية
ولكن لما رحت سقسيت فالمؤسسة قالولي ماجاتنا حتى تعليمة
أما فالوظيف العمومي قالولي ماش هكذا المعنى
قالولي يعني قوائم اللإحتياط كانت تدوم صلاحية العمل بيها مدة شعر واحد ولآن صارت تدوم مدة العمل بيها مدة عام
ولحد الأن مابان والو بورطو هذا العام نفس المؤسسة دارت إعلان للمسابقة ولطن مازال ماعقبناش
وأنا لما استفسرت علاش قالولي مازال مالقيناش وين نديرو الكونكور
وبصراحة أنا خايف يروح حقي في كلتا الحالتين
ومادا بيكم تشروحنا القضية من كان فالإحتياط وعيطولهم والا كاش خبر رسمي كمرسوم أو قانون أو جريدة رسمية

[طالب رضا الله]

يا خويا للادارة المعنية سلطة تقديرية في العمل بالتعليمة فمثلا عند فتح المناصب قادرة تاخد الناجحين من القائمة الاحتياطية وقادرة تفتحهم مسابقة وقادرة تاخد النصف احتياط ونصف مسابقة خارجية .يا خويا القانون في الجزائر مطاطي كيما يبغو يديروله يطوندوه ولا يكمشوه

[avocat123]

ماشى الادارة المعنية لها السلطة التقديرية . ادا كان هدا القرار جاى من السلطة الاعلى يعنى الوزارةاو مدير الوظيف العمومى لازم تطبق التعليمة
تعرف اعلاش هادى المناصب المالية يخلقها الوظيف العمومى ماشى الادارة المعنيةو الالتحاق بالمناصب يكون عن طريق مسابقات التوظيف بمعنى ماشى رزقهم.ونزيدنقولك ادا كانت التعليمة صحيحة بسيف اعليهم يطبقوها.. تعتبركقانون لازم المترشحين يكونوا واعيين ويعرفوا يجيبوا حقهم بمعنى كلشى راه فى الوثائق

[رياض المحبوب]

ان شاء الله ياربي ميغيروش القانون

رانا في بلاد فيها كل يوم قانون جديد وساديبون كاين لي يطبق وكاين لي غير هف

[طالب رضا الله]

راني موافقك الراي يا اخي افوكا 123 انا ثاني كنت قاصد الوزارة الوصية لكن على المديريات التصريح باحتياجاتها من المناصب وتصرح بانها راه تعتمد القائمة الاحتياطيةوتبقى المصادقة من طرف الوظيف العمومي