هل من مساعد يسرد لنا كيف سجل في الاحرار ؟.

[الطالب العائد]

سلام
انا رح نسجل احرار فجزاءر شرق ..قولولي كفاه درتوا العملية باخطوات ؟
هل لازم يكون الطبيب محلف؟
هل يوم كاف لانهاء كل شيء
بليز ساعدوني

[عطر السماء]

اولا
سجل من الموقع اجبد استماره التسجيل وورقه تع موندا وورقه طبيب اجبدهم كل و دير فوطو كوبى على استمااره التسجيل لانك تحتاجها و اكيد اللى يسجل يبيع حوايج تع مكتباات اشترى من عنو 2 اضرفه تحتاجهم تانى

درك تروحى تعدى لمديريه تربيه تجيب موندا وهى بطاقه صفرا اذا كان عندك الباك جيب تع 500 الف لكان ما عنندكش جيب تع 300 الف
مبعد تروح لاى طبيب عام يعمرلك ورقه تع باك سبور
مبعد تروح تخلص حقوق تسجيل و معاك موندا الصفرا وورقه تع الموندا اللى جبدتها من الموقع يرجعولك ورقه هذه و معها جزء من موندا صفرا عليه كاشى بلى راك خلصت و اشرى طوابع بريديه تانى للاضرفه

و انتهيت لازلملك كاوراق شهاده ميلاد شهاده اقامه شهاده مدرسيه 2 اضرفه مكتوب عليهم عنوان مع طوابع بريديه

موفق اخخى

[الطالب العائد]

مرسي اختي ربي يخليك
انا عندي بطاقة الاقامة يقبلوهاواللا لازم شهادة الاقامة؟

[عطر السماء]

لالا خويا لازم شهاده اقامه ما تخافش يعملوهالك بسرعه ما تاخدش وقت تهزها فى نفس اليوم بصح ادى معاك بطاقه الناخب لكان عندك باه يطلعوهالك لكان ما عندكش ادى بطاقه اقامه و بطاقه تعريف تاعك
موفق