ابني أم حياتي

[أم شروفة]

هذا هو الطلاق .....لما نشوف حالات مثل هاذي نقول الواحدة منا لما تنجب خلاص ..تصبر وتصبر . ....والله انتي في موقف صعب اخيتي ...مازلتي صغيرة اللي في عمرك ما زال ما تزوجوش .روحي وابداي حياتك .اما ابنك خليه عند ابوه ..ولو كانت فتاة لقلت لكي تحملي وابقاي معاها اما مادامو ذكر بالعكس هاذي الحياة راح تعلمو يكون رجل ..هو راح يكبر وراح يعذبك في تربيتو .ويكبرك قبل وقتك وفي الاخير .ممكن يروح لابوه ويعيش معاه ...وتبقاي انتي وحدك ...لذا شوفي حياتك ..الامر مبداه صعب لكنك توالفي

[0ibtissam]

اختي انصحك بزواج مزلتي صغيرة ابنك خليه عند والديك هدى سنة الحياة ازوجي مدام وليد صغير لما يكبر هو لي يمنعك

[radia25]

ربي يكون في عونك اختي المطلقة واحد ما يرحمها غير ربي
وربي يبعثلك في قسم قولي الحمد لله وتوكلي عليه ما تخيبيش وشوفي الى والديك قادرين على مسؤولية الطفل خليهلهم وتاني لازم تشوفي الراجل الي رايحا تدي رايح يعامل الطفيل مليح ولا لا وزيدي شوفي والد ابنك لكان يقدر يستوعب فكرة انك تخلي الطفل عند والديك
ما تتسرعيش ادرسي الموضوع جيدا وتوكلي على ربي

[عطر الملكة]

لازلتي صغيرة و أخاف عليك من فتنة ما بعد الطلاق الأمر صعب

بلغة القانون الحضانة تسقط عنك بزواجك إن طالب بها الزوج لكن و بالرجوع للمادة 68 من قانون الأسرة إذا لم يطالب بها من له الحق تسقط بمرور مدة تزيد عن سنة

إذا تزوج الأب ايضا تسقط عنه لأن هنا مصلحة المحضون تقتضي أن لا يكون عند زوجة اب فتنتقل لأم الزوجة بحكم درجة القرابة طبعا الجدة لأم أحن على ابن ابنتها من زوجة الأب

و من ثمة إبنك قد يكون قريب منك و يمكنك تأسيس حياة جديدة

[KARIO]

والدتي نحطت في نفس الموقف اللي انتي فيه مرارا لكنها لم تتزوج, انا درك كبرت و تزوجت و عندي حياتي الخاصة و هي بقات وحيدة خاصة بعد تقاعدها, ننصحك تزوجي و شوفي حياتك لانو الوالدين بعد عمر طويل مايدومولكش, خللي ابنك عند والديك و شوفي عقلية اللي راح تتزوجي بيه اذا ممكن يتقبله جيبي ولدك عندك و منها تجيبي اخوة لولدك انا للان نتحسر لانو معنديش اخوة و اشك ان طليقك رح يطالب بالحضانة لانو رح يشكل عبىء عليه سواء تزوج و لا لا ربي يفرج عليك

[RB59711]

صيغة المشكلة لازم تكون ابني و حياتي وليس ابني أم حياتي ماتخلطيهاش على روحك مازالك صغيرة مش راح نقولك واش ديري بصح حلي المشكلتين في زوج .