صاابلي جوز الهند والكرمال والليمون اممممم

[oum islem]

السلام عليكم ورحمة الله تعالى
هذا الصابلي حضرته لعيد الاضحى اعاده الله علينا سنين عديدة بالخير والسلام
والحمد لله اعجب كل عائلتي وضيوفي
احببت ان اشارككم الطريقة اللذيذة
نبدا بسم الله




مقادير العجينة
250غ مرغرين طرية....3م ك سكر ناعم .... فاني....رشة ملح....قشور ليمونة.... بيضة كاملة وصفار
كاس زيت....كاس نواد كوكو (جوز الهند )محمص في مقلاة على نار هادئة مع التحريك حتى ياخذ اللون الذهبي يبرد جيدا ونرحيه مليح
نصف كاس ميزينة النشاء نصف كيس خميرة الحلوى والفرينة

مقادير الكريمة
كاس صغير كوكاو محمص ومرحي كاس نواد كوكو قشور 2 حبات ليمون او اكثر نيسلي كراميليزي حسب الحاجة 2مك عصير الليمون

طريقة التحضير
بواسطة المضرب الكهربائي نخلط جيدا المرغرين مع السكر والفاني والزاست


نضيف البيض ثم الزيت مع الخفق


نضيف النشاء والنواد كوكو المحمص والفرينة والخميرة
حتى نتحصل على عجينة طرية نحلها بالحلال ونعمل اشكال بالطابع



ندخلها الفرن 180 درجة حتى تاخذ اللون الذهبي من الاسفل نشعل الفرن من فوق مجرد ما تنشف فقط
نخليها تبرد جيدا

نذوب الشكولا البيضاء على حمام مائي
نغمس وجه الصابلي بالشكولا البيضاء
وندير خطوط بشكولا سوداء



وقبل ما تنشف الشكولا ندير خط في الوسط بسكين او كيغدون



نترك الشكولا تنشف جيدا ونحضر كريمة اللصق
في مطحنة القهوة نطحن جيدا النواد كوكو والكوكاو وقشور الليمون
حتى نتحصل على خليط يشبه للعجين
نضعه في اناء ونضيف الحليب المركز المحلى كرمال ونخلط جيدا ثم نضيف عصير الليمون ونخلط
حتى نتحصل على خليط كثيف نلصق به الصابلي







نخلي الصابلي شوية حتى الكريمة تحكم روحها
ثم بواسطة بانسو ندهن الجوانب بمعجون المشمش ثم نمرر في الكوكاو محمص ومرحي خشن



هدي هي الحلوى اللذيذة اتمنى ان تروقكم وديروها وتعجبكم وما تنساونيش بدعوة الخير

ملاحظة
هدي المقادير تخرج اكثر من 60 حبة
ولازم تتعاملي معاها بلطف والا رايحين يتكسرو كامل الحبات
وتخيلو ذوق الكرمال والنواد كوكو والليمون رائع ومستحيل ما يعجبكمش

ما تشحوش في طبقة الكريمة



سلااامي
في امان الله

[ام حسناء]

ما شاء الله يا ام اسلام رائع تسلم يديك

[marne]

سلمــــــــــــت يداكـــــــــــــي ســـــــــــــأقوم بتجربتـــــــــــــــــــــه

[*سماح 94*]

راااااااااااااائع كروعتك حبيبتي
طليتي على قلبي انا نموت على النواد كوكو و زدت عليه الكرامال ممممممممممممم باين يهبل
موااااااح ليك ام اسلام توحشتك بزاف

[fati13]

ماشاء الله يعطيك الصحة وصح عيدكم

[روضة 88]

يعطيك الصحة ام اسلام

الحلوى راااااااااااااااااااائعة.

[Aya69]

ام اسلام حبيبتي على سلامتك وصح عيدك
يعطيك الصحة حلويات روووعة نديرها وعينيا مغمضين ربي يجازيك كل خير ان شاء الله
من فضلك حبيبتي قوليلي في حالة عدم توفر شكولا بيضاء باه نقدر نعوضها وبارك الله فيك

[oum islem]

المشاركة الأصلية كتبت بواسطة ام حسناء

ما شاء الله يا ام اسلام رائع تسلم يديك

تسلمي من كل سوء حبيبتي ام حسناء
شكرا لك

[jojo dj]

يعطيك الف صحة ام اسلام

[oum islem]

المشاركة الأصلية كتبت بواسطة marne

سلمــــــــــــت يداكـــــــــــــي ســـــــــــــأقوم بتجربتـــــــــــــــــــــه

شكرا على الثقة غاليتي
نتمنى يعجبك بالتوفيق

[sabrina206]

عيدك مبارك أختي
الصابلي راه يهبللللل و باين بنينننننن ما شاء الله عليك
تسلم الأيادي و في ميزان حسناتك مجهوداتك عزيزتي

[ام سهام 02]

هاااااااااااااااااااااااااااااايل حبيبتي ام اسلام حاجة جديدة واكيد بنين من يديك يا فنانة يسلموووووووووووووووووووووووووووووو

[باسم وبيسان]

رووووووووووووووووووووووعة يعطيك الصحة اكيد رايحة نجربووو

[أم فاطيمة]

باين شباب كي مولاته يعطيك الصحة

[اسمهان79]

بلا ما نذوق راه قتلني
تسلم ايدك حبيبتي
روعةةةةةة شكلاً وأكيد ذوقا
ربي يشفيك حبيبتي ويهنيك
أحلى تقييييييييييم