ديول ماذا افعل بهم

[mahdiak]

السلام عليكم اخواتي الكريمات
عندي كمية كبيرة من الديول ماذا يمكن ان افعل بهم اطلب وصفات وشكرا

[sabrina206]

أختي ديري بيها rose de sable يعني وردة الرمال
ديري بيها الصامصة
و لا ليسيقار و حشيهم بالكوكاو لمحمص و نخلط بحلوة الترك و قليهم كي يبردو عسليهم بعسل ثقيل
ديري بسطيلة،بوراك،بريك......
قطعيهم و حمصيهم في الفرن بعدها أرحيهم و زيديلهم حلوة الترك مفتتة و لمي الخليط بالشوكولا و شكلي كور و قدميهم
كما تقدري بعد ما اتحمصيهم و ترحيهم خبي كمشة في جهة و ألي تبقى تخدمي بيهم حلوة لبنيون يعني زيدي المكسرات و حلوة الترك و شوية زبدة و لمي بالعسل ثقيلة ولا معجون مشماش و لا تاع البرتقال شكلي كور و رمديهم في كمية من الديول ألي حطيتها بجنب و من فوق زينيها بنصف حبة كرز مصبرة كما حلوة المشوك يكون شكلها و تناوليها بالصحة
أختي تقدري تخبي الديول في الكونجلاتور و أجبدي وقت ما تحبي ما يصرالهم والو
موفقة ب إذن الله

[ام سهام 02]

محنشة وسيقار وصامصة مقلين ومعسلين

و المالح بوراك محشي يالخضر سوتي او بالبيض المغلي والفرماج او البسطيلة

ثاني تقدري اديريهم محاجب

[mahdiak]

بارك الله فيك حبيبتي